ਸਾਊਦੀ ਅਰਬ ਏਅਰਲਾਈਨਜ਼ ਏਅਰਬਸ ਏ-330 ਦੇ ਜਹਾਜ਼ ਨੇ ਜੇਦਾ 'ਚ ਐਮਰਜੈਂਸੀ ਲੈਂਡਿੰਗ ਕੀਤੀ, ਜਿਸ 'ਚ 53 ਲੋਕ ਜ਼ਖ਼ਮੀ ਹੋ ਗਏ। ਹਵਾਬਾਜ਼ੀ ਜਾਂਚ ...
ਰਿਆਦ, 22 ਮਈ : ਸਾਊਦੀ ਅਰਬ ਏਅਰਲਾਈਨਜ਼ ਏਅਰਬਸ ਏ-330 ਦੇ ਜਹਾਜ਼ ਨੇ ਜੇਦਾ 'ਚ ਐਮਰਜੈਂਸੀ ਲੈਂਡਿੰਗ ਕੀਤੀ, ਜਿਸ 'ਚ 53 ਲੋਕ ਜ਼ਖ਼ਮੀ ਹੋ ਗਏ।
ਹਵਾਬਾਜ਼ੀ ਜਾਂਚ ਬਿਊਰੋ ਨੇ ਕਿਹਾ ਕਿ ਜਹਾਜ਼ ਨੇ ਮੁਸਲਮਾਨਾਂ ਦੇ ਪਵਿੱਤਰ ਸ਼ਹਿਰ ਮਦੀਨਾ ਤੋਂ ਢਾਕਾ ਲਈ ਉਡਾਣ ਭਰੀ ਸੀ, ਜਿਸ 'ਚ 151 ਯਾਤਰੀ ਸਵਾਰ ਸਨ। ਸ਼ੁਰੂਆਤੀ ਜਾਣਕਾਰੀ ਮੁਤਾਬਕ ਜਹਾਜ਼ ਵਿਚ ਤਕਨੀਕੀ ਖ਼ਰਾਬੀ ਆਉਣ ਤੋਂ ਬਾਅਦ ਇਸ ਨੂੰ ਸੋਮਵਾਰ ਦੇਰ ਰਾਤ ਜੇਦਾ ਵਲ ਮੋੜਿਆ ਗਿਆ ਅਤੇ ਐਮਰਜੈਂਸੀ ਲੈਂਡਿੰਗ ਕਰਾਉਣੀ ਪਈ।
ਵੀਡੀਉ ਫੁਟੇਜ਼ ਵਿਚ ਰਨ ਵੇਅ 'ਤੇ ਉਤਰਦੇ ਸਮੇਂ ਜਹਾਜ਼ ਵਿਚੋਂ ਧੂੰਆਂ ਨਿਕਲਦਾ ਵਿਖਾਈ ਦੇ ਰਿਹਾ ਹੈ, ਜਿਸ ਤੋਂ ਬਾਅਦ ਯਾਤਰੀਆਂ ਨੂੰ ਤੁਰੰਤ ਬਾਹਰ ਕਢਿਆ ਗਿਆ। ਇਸ ਦੌਰਾਨ 52 ਮਾਮੂਲੀ ਸੱਟਾਂ ਲੱਗੀਆਂ, ਜਦਕਿ ਇਕ ਔਰਤ ਯਾਤਰੀ ਨੂੰ ਗੰਭੀਰ ਸੱਟਾਂ ਲੱਗੀਆਂ। ਨਾਗਰਿਕ ਹਵਾਬਾਜ਼ੀ ਬਿਊਰੋ ਵਲੋਂ ਇਸ ਘਟਨਾ ਦੀ ਜਾਂਚ ਸ਼ੁਰੂ ਕੀਤੀ ਗਈ ਹੈ। (ਪੀਟੀਆਈ)