ਦੁਬਾਰਾ ਕੈਂਸਰ ਹੋਣ ਦਾ ਕੋਈ ਖ਼ਤਰਾ ਨਹੀਂ, ਰੂਸ ਛੇਤੀ ਹੀ ਇਕ ਹੋਰ ਵੈਕਸੀਨ ਦਾ ਐਲਾਨ ਕਰੇਗਾ

ਰੂਸ ਵਲੋਂ ਕੀਤੇ ਕੈਂਸਰ ਵੈਕਸੀਨ ਦੇ ਐਲਾਨ ਤੋਂ ਬਾਅਦ, ਦੁਨੀਆਂ ਦੇ ਕੈਂਸਰ ਮਰੀਜ਼ਾਂ ’ਚ ਇਕ ਉਮੀਦ ਜਾਗੀ ਹੈ। ਰੂਸੀ ਸਿਹਤ ਮੰਤਰਾਲੇ ਦੇ ਰੇਡੀਓਲੋਜੀ ਮੈਡੀਕਲ ਰਿਸਰਚ ਸੈਂਟਰ ਦੇ ਨਿਰਦੇਸ਼ਕ ਆਂਦਰੇਈ ਕਾਪ੍ਰਿਨ  ਨੇ ਦਸਿਆ ਕਿ ਇਹ ਕੈਂਸਰ ਵੈਕਸੀਨ ਵੱਖ-ਵੱਖ ਕਿਸਮਾਂ ਦੇ ਮਰੀਜ਼ਾਂ ਲਈ ਵੱਖਰੇ ਤਰੀਕੇ ਨਾਲ ਬਣਾਈ ਜਾਵੇਗੀ।
ਉਨ੍ਹਾਂ ਦਸਿਆ ਕਿ ਇਸ ਦੀ ਕੀਮਤ ਕਰੀਬ 2.5 ਲੱਖ ਰੁਪਏ ਹੋਵੇਗੀ। ਰੂਸੀ ਨਾਗਰਿਕਾਂ ਨੂੰ ਇਹ ਟੀਕਾ ਮੁਫ਼ਤ ਮਿਲੇਗਾ। ਹਾਲਾਂਕਿ, ਕਪਰੀਨ ਨੇ ਇਹ ਨਹੀਂ ਦਸਿਆ ਕਿ ਇਹ ਵੈਕਸੀਨ ਬਾਕੀ ਦੇਸ਼ਾਂ ਲਈ ਕਦੋਂ ਉਪਲਬਧ ਹੋਵੇਗੀ।
ਕਾਪਰੀਨ ਨੇ ਕਿਹਾ ਕਿ ਇਹ ਟੀਕਾ ਪ੍ਰੀ-ਕਲੀਨਿਕਲ ਟਰਾਇਲਾਂ ਵਿਚ ਕਾਰਗਰ ਸਾਬਤ ਹੋਇਆ ਹੈ। ਇਹ ਟਿਊਮਰ ਦੇ ਵਿਕਾਸ ਨੂੰ ਹੌਲੀ ਕਰ ਦਿੰਦਾ ਹੈ ਤੇ 80 ਫ਼ੀ ਸਦੀ ਤਕ ਦੀ ਕਮੀ ਨੂੰ ਦਰਸਾਉਂਦਾ ਹੈ। ਇਸ ਵੈਕਸੀਨ ਨੂੰ ਮਰੀਜ਼ਾਂ ਦੇ ਟਿਊਮਰ ਸੈੱਲਾਂ ਦੇ ਡੇਟਾ ਦੇ ਆਧਾਰ ’ਤੇ ਵਿਸ਼ੇਸ਼ ਪ੍ਰੋਗਰਾਮ ਰਾਹੀਂ ਤਿਆਰ ਕੀਤਾ ਗਿਆ ਹੈ।
ਰੂਸ ਦੀ ਫ਼ੈਡਰਲ ਮੈਡੀਕਲ ਬਾਇਓਲਾਜੀਕਲ ਏਜੰਸੀ ਦੀ ਮੁਖੀ ਵੇਰੋਨਿਕਾ ਸਵੋਰੋਤਸਕੋਵਾ ਨੇ ਦਸਿਆ ਹੈ ਕਿ ਵੈਕਸੀਨ ਮੇਲਾਨੋਮਾ (ਚਮੜੀ ਦੇ ਕੈਂਸਰ) ਵਿਰੁਧ ਕਿਵੇਂ ਕੰਮ ਕਰਦੀ ਹੈ। ਸਭ ਤੋਂ ਪਹਿਲਾਂ ਕੈਂਸਰ ਦੇ ਮਰੀਜ਼ ਤੋਂ ਕੈਂਸਰ ਸੈੱਲਾਂ ਦਾ ਸੈਂਪਲ ਲਿਆ ਜਾਂਦਾ ਹੈ।
ਉਨ੍ਹਾਂ ਦਸਿਆ ਕਿ ਇਹ ਟੀ ਸੈੱਲ ਟਿਊਮਰ ’ਤੇ ਹਮਲਾ ਕਰਦੇ ਹਨ ਅਤੇ ਕੈਂਸਰ ਨੂੰ ਖ਼ਤਮ ਕਰਦੇ ਹਨ। ਇਸ ਤੋਂ ਬਾਅਦ, ਮਨੁੱਖੀ ਸਰੀਰ ਟਿਊਮਰ ਸੈੱਲ ਨੂੰ ਪਛਾਣਨਾ ਸ਼ੁਰੂ ਕਰ ਦਿੰਦਾ ਹੈ, ਜਿਸ ਕਾਰਨ ਕੈਂਸਰ ਦੁਬਾਰਾ ਨਹੀਂ ਹੁੰਦਾ।
ਕਾਪਰਿਨ ਮੁਤਾਬਕ ਰੂਸੀ ਵੈਕਸੀਨ ਵੀ ਉਸੇ ਰਫ਼ਤਾਰ ਨਾਲ ਕੰਮ ਕਰੇਗੀ। ਕਾਪਰਿਨ ਮੁਤਾਬਕ ਰੂਸੀ ਵੈਕਸੀਨ ਵੀ ਉਸੇ ਰਫ਼ਤਾਰ ਨਾਲ ਕੰਮ ਕਰੇਗੀ। ਜਲਦ ਹੀ ਇਕ ਹੋਰ ਕੈਂਸਰ ਵੈਕਸੀਨ ਦਾ ਐਲਾਨ ਕੀਤਾ ਜਾਵੇਗਾ।