ਪ੍ਰਤੀ ਘੰਟੇ 10 ਗ੍ਰਾਮ ਆਕਸੀਜਨ ਪੈਦਾ ਕਰਨ ਦੇ ਸਮਰੱਥ ਹੈ ਇਹ ਮਸ਼ੀਨ
ਵਾਸ਼ਿੰਗਟਨ: ਅਮਰੀਕੀ ਸਪੇਸ ਏਜੰਸੀ ਨਾਸਾ ਦੇ ਪਰਸੀਵਰੇਂਸ ਰੋਵਰ ਨੇ ਇਕ ਹੋਰ ਮਾਰਕਾ ਮਾਰਦਿਆਂ ਫਿਰ ਤੋਂ ਇਤਿਹਾਸ ਸਿਰਜ ਦਿਤਾ ਹੈ ਅਤੇ ਇਸ ਨਾਲ ਸਾਰਿਆਂ ਵਿਚ ਇਕ ਖ਼ੁਸ਼ੀ ਫੈਲਾਅ ਦਿਤੀ ਹੈ ਅਤੇ ਉਮੀਦ ਵੀ ਜਗਾ ਦਿਤੀ ਹੈ। ਦਸਣਯੋਗ ਹੈ ਕਿ ਜੀਵਨ ਦੀ ਤਲਾਸ਼ ਵਿਚ ਬੀਤੀ 18 ਫ਼ਰਵਰੀ ਨੂੰ ਮੰਗਲ ਗ੍ਰਹਿ ’ਤੇ ਨਾਸਾ ਨੇ ਪਰਸੀਵਰੇਂਸ ਨਾਮਕ ਰੋਵਰ ਨੂੰ ਉਤਾਰਿਆ ਸੀ।
NASA to launch Perseverance rover
ਪੁਲਾੜ ਏਜੰਸੀ ਨੇ ਬੁਧਵਾਰ ਨੂੰ ਦਸਿਆ ਕਿ 6 ਪਹੀਆਂ ਵਾਲੇ ਰੋਵਰ ਨੇ ਮੰਗਲ ਗ੍ਰਹਿ ਦੇ ਵਾਯੂਮੰਡਲ ਤੋਂ ਕੁਝ ਕਾਰਬਨ ਡਾਈਆਕਸਾਈਡ ਨੂੰ ਆਕਸੀਜਨ ਵਿਚ ਬਦਲ ਦਿਤਾ। ਨਾਸਾ ਦੇ ਸਪੇਸ ਤਕਨਾਲੋਜੀ ਮਿਸ਼ਨ ਡਾਇਰੈਕਟੋਰੇਟ ਦੇ ਐਸੋਸੀਏਟ ਪ੍ਰਬੰਧਕ ਜਿਮ ਰੇਉਟਰ ਨੇ ਕਿਹਾ ਕਿ ਮੰਗਲ ’ਤੇ ਕਾਰਬਨ ਨੂੰ ਕਾਰਬਨ ਆਕਸੀਜਨ ਵਿਚ ਬਦਲਣ ਦਾ ਇਹ ਪਹਿਲਾ ਅਹਿਮ ਕਦਮ ਹੈ। ਸਪੇਸ ਏਜੰਸੀ ਮੁਤਾਬਕ ਕਿਸੇ ਗ੍ਰਹਿ ’ਤੇ ਪਹਿਲੀ ਵਾਰ ਅਜਿਹਾ ਕੀਤਾ ਗਿਆ ਹੈ। ਦਰਅਸਲ 20 ਅਪ੍ਰੈਲ ਨੂੰ ਇਸ ਤਕਨਾਲੋਜੀ ਨੂੰ ਵਰਤਿਆ ਗਿਆ ਸੀ।
Oxgyen
ਇਸ ਮਗਰੋਂ ਹੁਣ ਭਵਿੱਖ ਵਿਚ ਹੋਣ ਵਾਲੀ ਖੋਜ ਲਈ ਇਕ ਰਸਤਾ ਤਿਆਰ ਕੀਤਾ ਜਾ ਸਕਦਾ ਹੈ। ਇਸ ਖੋਜ ਨਾਲ ਨਾ ਸਿਰਫ ਭਵਿੱਖ ਵਿਚ ਪੁਲਾੜ ਯਾਤਰੀਆਂ ਲਈ ਸਾਹ ਲੈਣ ਲਈ ਆਕਸੀਜਨ ਦਾ ਉਤਪਾਦਨ ਕੀਤਾ ਜਾ ਸਕਦਾ ਹੈ ਸਗੋਂ ਧਰਤੀ ਤੋਂ ਆਕਸੀਜਨ ਨੂੰ ਭਾਰੀ ਮਾਤਰਾ ਵਿਚ ਰਾਕੇਟ ਜ਼ਰੀਏ ਲਿਜਾਣ ਦਾ ਕੰਮ ਤੋਂ ਵੀ ਮੁਕਤੀ ਮਿਲ ਜਾਵੇਗੀ। ਮੌਕਸ ਆਕਸੀਜਨ ਇਨ-ਸੀਟੂ ਰਿਸੋਰਸ ਯੂਟੀਲਾਈਜੇਸ਼ਨ ਐਕਸਪੈਰੀਮੈਂਟ ਮਤਲਬ ਯੀਓ ਇਕ ਗੋਲਡਨ ਬਕਸਾ ਹੈ, ਜੋ ਕਾਰ ਬੈਟਰੀ ਦੇ ਆਕਾਰ ਦਾ ਹੈ ਅਤੇ ਰੋਵਰ ਅੰਦਰ ਸੱਜੇ ਪਾਸੇ ਲੱਗਾ ਹੁੰਦਾ ਹੈ।
oxygen
ਇਸ ਵਿਚ ‘ਮਕੈਨੀਕਲ ਟ੍ਰੀ’ ਡਬ ਕੀਤਾ ਜਾਂਦਾ ਹੈ। ਇਹ ਕਾਰਬਨ ਡਾਈਆਕਸਾਈਡ ਅਣੂਆਂ ਨੂੰ ਵਿਭਾਜਿਤ ਕਰਨ ਲਈ ਬਿਜਲੀ ਅਤੇ ਰਸਾਇਣ ਦੀ ਵਰਤੋਂ ਕਰਦਾ ਹੈ ਜੋ ਇਕ ਕਾਰਬਨ ਪਰਮਾਣੂ ਅਤੇ ਦੋ ਆਕਸੀਜਨ ਪਰਮਾਣੂਆਂ ਨਾਲ ਮਿਲ ਕੇ ਬਣਿਆ ਹੁੰਦ ਹੈ। ਇਹ ਬਾਇਓਪ੍ਰੋਡਕਟ ਦੇ ਰੂਪ ਵਿਚ ਕਾਰਬਨ ਮੋਨੋ ਆਕਸਾਈਡ ਵੀ ਪੈਦਾ ਕਰਦਾ ਹੈ।
NASA
ਆਪਣੇ ਪਹਿਲੇ ਪੜਾਅ ਵਿਚ ਯੀਓ ਨੇ 5 ਗ੍ਰਾਮ ਆਕਸੀਜਨ ਦਾ ਉਤਪਾਦਨ ਕੀਤਾ ਜੋ ਸਧਾਰਨ ਗਤੀਵਿਧੀ ਕਰਨ ਵਾਲੇ ਇਕ ਪੁਲਾੜ ਯਾਤਰੀ ਲਈ ਲੱਗਭਗ 10 ਮਿੰਟ ਦੇ ਸਾਹ ਆਕਸੀਜਨ ਦੇ ਬਰਾਬਰ ਸੀ। ਯੀਓ ਦੇ ਇੰਜੀਨੀਅਰ ਹੁਣ ਵੱਧ ਪਰੀਖਣ ਕਰ ਕੇ ਇਸ ਦੇ ਉਤਪਾਦਨ ਨੂੰ ਵਧਾਉਣ ਦੀ ਕੋਸ਼ਿਸ਼ ਕਰਨਗੇ। ਇਸ ਨੂੰ ਪ੍ਰਤੀ ਘੰਟੇ 10 ਗ੍ਰਾਮ ਤਕ ਆਕਸੀਜਨ ਪੈਦਾ ਕਰਨ ਵਿਚ ਸਮਰੱਥ ਬਣਾਇਆ ਗਿਆ ਹੈ। ਮੈਸਾਚੁਸੇਟਸ ਇੰਸਟੀਚਿਊਟ ਆਫ ਤਕਨਾਲੋਜੀ ਵਿਚ ਇਸ ਨੂੰ ਬਣਾਇਆ ਗਿਆ ਹੈ।
