Singapore News : ਦੋਸ਼ੀ ਪਾਏ ਜਾਣ 'ਤੇ ਔਰਤ ਨੂੰ 8 ਸਾਲ ਦੀ ਕੈਦ ਅਤੇ 8,000 ਸਿੰਗਾਪੁਰ ਡਾਲਰ ਦਾ ਹੋ ਸਕਦਾ ਜ਼ੁਰਮਾਨਾ
Singapore News : ਸਿੰਗਾਪੁਰ ’ਚ ਇੱਕ ਭਾਰਤੀ ਮੂਲ ਦੀ ਔਰਤ 'ਤੇ ਸਾਲ 2022 ਵਿਚ ਇੱਕ ਚਾਈਲਡ ਕੇਅਰ ਸੈਂਟਰ ਵਿਚ ਇੱਕ ਛੇ ਸਾਲ ਦੇ ਬੱਚੇ 'ਤੇ ਪੈੱਨ ਨਾਲ ਕਈ ਵਾਰ ਚਾਕੂ ਮਾਰਨ ਦਾ ਦੋਸ਼ ਲੱਗਾ ਹੈ। ਇਸ ਹਮਲੇ 'ਚ ਬੱਚੇ ਦੇ ਚਿਹਰੇ ਅਤੇ ਸਿਰ 'ਤੇ ਗੰਭੀਰ ਸੱਟਾਂ ਲੱਗੀਆਂ ਸਨ। ਦੋਸ਼ੀ ਔਰਤ (43) ਨੂੰ 'ਚਿਲਡਰਨ ਐਂਡ ਯੰਗ ਪਰਸਨਜ਼ ਐਕਟ' ਤਹਿਤ ਬੱਚੇ ਦੀ ਦੇਖਭਾਲ 'ਚ ਲਾਪਰਵਾਹੀ ਲਈ ਜ਼ਿੰਮੇਵਾਰ ਮੰਨਿਆ ਗਿਆ ਹੈ।
ਰਿਪੋਰਟ ਅਨੁਸਾਰ ਅਦਾਲਤ ਨੇ ਵਿਆਪਕ ਪਾਬੰਦੀ ਦੇ ਹੁਕਮ ਜਾਰੀ ਕੀਤਾ, ਜਿਸ ਦੇ ਅਨੁਸਾਰ ਪੀੜਤ ਦੀ ਪਛਾਣ, ਦੋਸ਼ੀ ਦੀ ਪਛਾਣ ਅਤੇ ਘਟਨਾ ਸਥਾਨ ਨੂੰ ਪ੍ਰਕਾਸ਼ਿਤ ਕਰਨ ਦੀ ਇਜਾਜ਼ਤ ਨਹੀਂ ਹੈ। ਖ਼ਬਰ ’ਚ ਕਿਹਾ ਗਿਆ ਹੈ ਕਿ ਦੋਸ਼ੀ ਪੱਥਰ ਦੇ ਅਨੁਸਾਰ ਔਰਤ ਇੱਕ ਭਾਰਤੀ ਨਾਗਰਿਕ ਹੈ ਅਤੇ ਸਿੰਗਾਪੁਰ ਦੀ ਸਥਾਈ ਨਿਵਾਸੀ ਹੈ। ਚਾਈਲਡ ਕੇਅਰ ਸੈਂਟਰ 'ਚ 16 ਨਵੰਬਰ 2022 ਤੋਂ ਬੱਚੇ ਦੀ ਦੇਖ-ਭਾਲ ਦੋਸ਼ੀ ਔਰਤ ਕਰ ਰਹੀ ਸੀ। ਉਸ ਦੌਰਾਨ ਉਸ ਨੇ ਕਥਿਤ ਤੌਰ 'ਤੇ ਪੈੱਨ ਨਾਲ ਬੱਚੇ 'ਤੇ ਕਈ ਵਾਰ ਹਮਲਾ ਕੀਤਾ, ਜਿਸ ਕਾਰਨ ਉਸ ਦੇ ਸਿਰ ਅਤੇ ਚਿਹਰੇ 'ਤੇ ਸੱਟਾਂ ਲੱਗੀਆਂ। ਔਰਤ ਨੇ ਸੰਕੇਤ ਦਿੱਤਾ ਕਿ ਉਹ ਆਪਣਾ ਗੁਨਾਹ ਕਬੂਲ ਕਰੇਗੀ। ਉਸਨੂੰ 15,000 'ਤੇ ਜ਼ਮਾਨਤ ਦੀ ਪੇਸ਼ਕਸ਼ ਕੀਤੀ ਗਈ ਸੀ ਅਤੇ ਉਸਦੇ ਕੇਸ ਦੀ ਸੁਣਵਾਈ ਜੂਨ ਵਿਚ ਦੁਬਾਰਾ ਹੋਵੇਗੀ। ਦੋਸ਼ੀ ਪਾਏ ਜਾਣ 'ਤੇ ਔਰਤ ਨੂੰ 8 ਸਾਲ ਦੀ ਕੈਦ ਅਤੇ 8,000 ਸਿੰਗਾਪੁਰ ਡਾਲਰ ਦਾ ਜ਼ੁਰਮਾਨਾ ਹੋ ਸਕਦਾ ਹੈ।
(For more news apart from Indian woman hit 6-year-old child on face with pen In Singapore News in Punjabi, stay tuned to Rozana Spokesman)
