London News : ਥਾਮਸ ਫ੍ਰੈਂਕਸ ਫਾਊਂਡੇਸ਼ਨ ਨੇ 24 ਘੰਟਿਆਂ 'ਚ 80,000 ਲੋਕਾਂ ਲਈ ਤਾਜ਼ਾ ਭੋਜਨ ਤਿਆਰ ਕੀਤਾ
London News : ਪੰਜਾਬੀ ਨੌਜਵਾਨ ਰਾਜ ਸਿੰਘ ਧਾਲੀਵਾਲ ਦੀ ਅਗਵਾਈ 'ਚ 30 ਟਨ ਵਾਧੂ ਭੋਜਨ ਇਕੱਠਾ ਕਰਕੇ 24 ਘੰਟਿਆਂ 'ਚ 80 ਹਜ਼ਾਰ ਲੋਕਾਂ ਲਈ ਤਿਆਰ ਕਰਕੇ ਵਿਸ਼ਵ ਰਿਕਾਰਡ ਬਣਾਇਆ ਹੈ। ਇਹ 30 ਟਨ ਤੋਂ ਵੱਧ ਭੋਜਨ ਜੋ ਬਰਬਾਦ ਹੋ ਜਾਣਾ ਸੀ, ਨੂੰ ਚੈਰਿਟੀ ਵਲੋਂ ਬਚਾਇਆ ਗਿਆ ਅਤੇ ਥਾਮਸ ਫ੍ਰੈਂਕਸ ਫਾਊਂਡੇਸ਼ਨ ਨੇ 24 ਘੰਟਿਆਂ 'ਚ 80,000 ਤਾਜ਼ਾ ਭੋਜਨ ਤਿਆਰ ਕੀਤਾ ਜੋ ਸਮਰਸੈੱਟ ਦੇ ਆਲੇ-ਦੁਆਲੇ ਵੰਡਿਆ ਜਾ ਰਿਹਾ ਹੈ। ਵਾਧੂ ਉਤਪਾਦ ਨੂੰ ਰੈਸਟੋਰੈਂਟਾਂ ਅਤੇ ਦੁਕਾਨਾਂ ਦੁਆਰਾ ਦਾਨ ਕੀਤਾ ਗਿਆ ਸੀ। ਲਗਪਗ 400 ਵਲੰਟੀਅਰ ਇਸ ਪ੍ਰਕਿਰਿਆ 'ਚ ਸ਼ਾਮਿਲ ਹੋਏ। ਚੈਰਿਟੀ ਦੇ ਮੁਖੀ ਰਾਜ ਸਿੰਘ ਨੇ ਕਿਹਾ ਕਿ ' ਟਾਊਨਟਨ ਦੇ ਸਮਰਨੈੱਟ ਕਾਊਂਟੀ ਕ੍ਰਿਕਟ ਗਰਾਊਂਡ 'ਚ ਕਰਵਾਇਆ ਸਮਾਗਮ ਸਥਾਨਕ ਭਾਈਚਾਰੇ ਦੀ ਉਦਾਰਤਾ ਕਾਰਨ ਸੰਭਵ ਹੋਇਆ ਹੈ।
ਸਮਾਗਮ ਵਿਚ ਪਕਾਏ ਗਏ ਖਾਣੇ ਨੂੰ 16 ਸਥਾਨਕ ਸਮਰਸੈੱਟ ਚੈਰਿਟੀਜ਼ ਵਿਚ ਰਾਜ ਸਿੰਘ ਵੰਡਿਆ ਜਾਵੇਗਾ, ਜਦੋਂ ਕਿ ਵਧੇਰੇ ਨੂੰ ਫ੍ਰੀਜ਼ ਕੀਤਾ ਜਾਵੇਗਾ ਅਤੇ ਯੂ.ਕੇ. ਦੇ ਆਲੇ-ਦੁਆਲੇ ਹੋਰ ਕਾਰਨਾਂ ਲਈ ਲਿਜਾਇਆ ਜਾਵੇਗਾ। ਮੈਰੀ ਪਾਰਸਨਜ਼, ਚੈਰਿਟੀ ਸਿਟੀ ਹਾਰਵੈਸਟ ਨੇ ਕਿਹਾ ਕਿ ਇਸ ਸਮੇਂ ਦੇਸ਼ ਵਿਚ ਲੋਕਾਂ ਕੋਲ ਭੋਜਨ ਖਰੀਦਣ ਲਈ ਲੋੜੀਂਦੇ ਪੈਸੇ ਨਹੀਂ ਹਨ। ਇਸ ਲਈ ਇਸ ਵਿਚ ਸ਼ਾਮਿਲ ਹੋਣਾ ਬਹੁਤ ਵਧੀਆ ਹੈ।
ਜ਼ਿਕਰਯੋਗ ਹੈ ਕਿ ਰਾਜ ਸਿੰਘ ਨੇ ਆਪਣੇ ਪਿਤਾ ਵਰਲਡ ਕੈਂਸਰ ਕੇਅਰ ਦੇ ਰਾਜਦੂਤ ਡਾ. ਕੁਲਵੰਤ ਸਿੰਘ ਧਾਲੀਵਾਲ ਦੇ ਪਦ ਚਿੰਨ੍ਹਾਂ 'ਤੇ ਚੱਲਦਿਆਂ ਸਮਾਜ ਸੇਵਾ ਦਾ ਨਵਾਂ ਵਿਸ਼ਵ ਰਿਕਾਰਡ ਬਣਾਇਆ ਹੈ।
(For more news apart from Punjabi youth Raj Singh Dhaliwal has set new world record for social service News in Punjabi, stay tuned to Rozana Spokesman)
