Advertisement
  ਖ਼ਬਰਾਂ   ਕੌਮਾਂਤਰੀ  26 Dec 2019  65 ਸਾਲਾ ਬਾਬੇ ਵਲੋਂ ਬੈਂਕ ਡਕੈਤੀ, ਇੰਝ ਵਰਤਿਆ ਲੁੱਟ ਦਾ ਮਾਲ

65 ਸਾਲਾ ਬਾਬੇ ਵਲੋਂ ਬੈਂਕ ਡਕੈਤੀ, ਇੰਝ ਵਰਤਿਆ ਲੁੱਟ ਦਾ ਮਾਲ

ਏਜੰਸੀ
Published Dec 26, 2019, 5:10 pm IST
Updated Dec 26, 2019, 5:10 pm IST
ਡਾਲਰ ਉਛਾਲਦਿਆਂ ਦਿਤੀ ਕ੍ਰਿਸਮਿਸ ਦੀ ਵਧਾਈ
file photo
 file photo

ਕੋਲੋਰੈਡੋ : ਦੁਨੀਆਂ ਭਰ ਅੰਦਰ ਕ੍ਰਿਸਮਿਸ ਦੀ ਧੂਮ ਹੈ। ਲੋਕ ਇਸ ਨੂੰ ਅਪਣੇ ਅਪਣੇ ਅੰਦਾਜ਼ ਨਾਲ ਮਨਾਉਣ 'ਚ ਰੁੱਝੇ ਹੋਏ ਹਨ। ਇਸੇ ਦੌਰਾਨ ਕ੍ਰਿਸਮਿਸ ਤੋਂ ਠੀਕ ਦੋ ਦਿਨ ਪਹਿਲਾਂ ਅਮਰੀਕਾ ਦੇ ਕੋਲੋਰੈਡੋ ਵਿਖੇ ਇਕ 65 ਸਾਲਾ ਬਜ਼ੁਰਗ ਵਲੋਂ ਅਨੋਖੀ ਬੈਂਕ ਡਕੈਤੀ ਨੂੰ ਅੰਜ਼ਾਮ ਦਿਤਾ ਗਿਆ ਹੈ। ਉਸ ਨੇ ਬੈਂਕ ਮੁਲਾਜ਼ਮਾਂ ਨੂੰ ਹਥਿਆਰ ਵਿਖਾ ਦੇ ਧਮਕਾਉਂਦਿਆਂ ਬੈਂਕ ਵਿਚੋਂ ਪੈਸੇ ਲੁੱਟ ਲਏ ਤੇ ਮੌਕੇ ਤੋਂ ਫ਼ਰਾਰ ਹੋ ਗਿਆ।

PhotoPhoto

ਬਾਅਦ 'ਚ ਉਸ ਨੇ ਲੁੱਟ ਕੀਤੇ ਸਾਰੇ ਡਾਲਰ ਹਵਾ ਵਿਚ ਉਛਾਲ ਦਿਤੇ। ਉਸ ਨੇ ਡਾਲਰ ਹਵਾਂ ਵਿਚ ਉਛਾਲਦਿਆਂ ਲੋਕਾਂ ਨੂੰ ਕ੍ਰਿਸਮਿਸ ਦੀ ਵਧਾਈ ਵੀ ਦਿਤੀ।

PhotoPhoto

ਕੋਲੋਰੈਡੋ ਪੁਲਿਸ ਨੇ ਦਸਿਆ ਕਿ ਡੇਵਿਡ ਵਾਇਨੇ ਓਲਿਵਰ ਨਾਂ ਦੇ ਇਸ ਵਿਅਕਤੀ ਨੇ ਸੋਮਵਾਰ ਨੂੰ ਐਕਡਮੀ ਬੈਂਕ 'ਚ ਹਥਿਆਰ ਵਿਖਾ ਕੇ ਕਰਮਚਾਰੀਆਂ ਨੂੰ ਧਮਕਾਉਣ ਬਾਅਦ ਪੈਸੇ ਲੁੱਟੇ ਤੇ ਫ਼ਰਾਰ ਹੋ ਗਿਆ।

PhotoPhoto


ਇਕ ਪ੍ਰਤੱਖਦਰਸ਼ੀ ਨੇ ਦਸਿਆ ਕਿ ਉਸ ਨੇ ਬੈਗ ਵਿਚੋਂ ਡਾਲਰ ਕੱਢ ਕੇ ਲੋਕਾਂ 'ਤੇ ਉਛਾਲਣੇ ਸ਼ੁਰੂ ਕਰ ਦਿਤੇ। ਇਸ ਦੌਰਾਨ ਉਸ ਨੇ ਲੋਕਾਂ ਨੂੰ ਕ੍ਰਿਸਮਿਸ ਦੀ ਵਧਾਈ ਵੀ ਦਿਤੀ। ਇਸ ਘਟਨਾ ਤੋਂ ਬਾਅਦ ਉਹ ਨੇੜਲੇ ਇਕ ਸਟਾਰਬਕਸ 'ਚ ਚਲਾ ਗਿਆ ਜਿੱਥੋਂ ਉਸਨੂੰ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਲਿਆ। ਅਧਿਕਾਰੀਆਂ ਨੇ ਦਸਿਆ ਕਿ ਗ੍ਰਿਫ਼ਤਾਰੀ ਸਮੇਂ ਉਸ ਕੋਲ ਕੋਈ ਹਥਿਆਰ ਨਹੀਂ ਸੀ। ਇਸੇ ਦੌਰਾਨ ਕੁੱਝ ਲੋਕਾਂ ਨੇ ਬੈਂਕ ਨੂੰ ਪੈਸੇ ਵਾਪਸ ਵੀ ਕਰ ਦਿਤੇ ਹਨ।

Advertisement
Advertisement

 

Advertisement
Advertisement