ਭਾਰਤੀ ਮੂਲ ਦੇ ਵਿਅਕਤੀ ਜਤਿੰਦਰ ਗੁਪਤਾ ਕੋਲੋਂ ਆਸਟ੍ਰੇਲੀਆ ਨੇ ਉਸ ਨੂੰ ਦਿਤਾ ਗਿਆ ਐਵਾਰਡ ਵਾਪਸ ਲੈਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿਤੀ ਹੈ। ਭਾਰਤੀ ਮੂਲ ਦੇ ਚਾਰਟਰਡ...
ਸਿਡਨੀ : ਭਾਰਤੀ ਮੂਲ ਦੇ ਵਿਅਕਤੀ ਜਤਿੰਦਰ ਗੁਪਤਾ ਕੋਲੋਂ ਆਸਟ੍ਰੇਲੀਆ ਨੇ ਉਸ ਨੂੰ ਦਿਤਾ ਗਿਆ ਐਵਾਰਡ ਵਾਪਸ ਲੈਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿਤੀ ਹੈ। ਭਾਰਤੀ ਮੂਲ ਦੇ ਚਾਰਟਰਡ ਅਕਾਊਂਟੇਟ ਜਤਿੰਦਰ ਗੁਪਤਾ ਨੂੰ ਇਕ ਹਫ਼ਤਾ ਪਹਿਲਾਂ ਹੀ ਇਕਨੌਮਿਕ ਪਾਰਟੀਸਿਪੇਸ਼ਨ ਐਵਾਰਡ-2018 ਨਾਲ ਨਵਾਜ਼ਿਆ ਗਿਆ ਸੀ। ਇਥੇ ਦਸ ਦੇਈਏ ਕਿ ਆਸਟ੍ਰੇਲੀਆ ਦੇ ਸੂਬੇ ਨਿਊ ਸਾਊਥ ਵੇਲਜ਼ ਦੀ ਸਰਕਾਰ ਵਲੋਂ ਭਾਈਚਾਰਕ ਸਾਂਝ ਨੂੰ ਪ੍ਰਫੁੱਲਿਤ ਕਰਨ ਅਤੇ ਵੱਖ-ਵੱਖ ਦੇਸ਼ਾਂ ਨਾਲ ਸਬੰਧ ਰਖਦੇ ਪ੍ਰਵਾਸੀ ਸਮਾਜ ਸੁਧਾਰਕਾਂ ਨੂੰ ਐਵਾਰਡ ਦੇਣੇ ਸ਼ੁਰੂ ਕੀਤੇ ਸਨ।
indian
ਇਹ ਹੈ ਪੂਰਾ ਮਾਮਲਾ
ਜਾਣਕਾਰੀ ਮੁਤਾਬਕ ਭਾਰਤੀ ਮੂਲ ਦੇ ਜਤਿੰਦਰ ਗੁਪਤਾ ਧੋਖਾਧੜੀ ਦੇ ਕੇਸ 'ਚ ਆਸਟ੍ਰੇਲੀਆ 'ਚ ਦੋ ਸਾਲ ਦੀ ਸਜ਼ਾ ਕੁੱਟ ਚੁਕੇ ਹਨ। ਉਨ੍ਹਾਂ ਨੇ ਇਸ ਐਵਾਰਡ ਦਾ ਦਾਅਵੇਦਾਰ ਬਣਨ ਤੋਂ ਪਹਿਲਾਂ ਅਪਣੀ ਸੱਚਾਈ ਨਹੀਂ ਦੱਸੀ ਸੀ। ਪ੍ਰੀਮੀਅਰ ਦਫ਼ਤਰ ਨੂੰ ਗੁਪਤਾ ਬਾਰੇ ਅਜਿਹੀ ਜਾਣਕਾਰੀ ਮਿਲੀ, ਜਿਸ ਤੋਂ ਬਾਅਦ ਇਹ ਮੁੱਦਾ ਸੁਰਖੀਆਂ 'ਚ ਆ ਗਿਆ। ਸੂਬਾ ਸਰਕਾਰ ਨੇ ਕਿਹਾ ਕਿ ਜਤਿੰਦਰ ਗੁਪਤਾ ਨੂੰ ਇਕਨੌਮਿਕ ਪਾਰਟੀਸਿਪੇਸ਼ਨ ਐਵਾਰਡ-2018 ਲਈ ਚੁਣਿਆ ਗਿਆ ਸੀ ਪਰ ਉਨ੍ਹਾਂ ਵਲੋਂ ਧੋਖਾਧੜੀ ਦਾ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਐਵਾਰਡ ਵਾਪਸ ਲਿਆ ਜਾਵੇਗਾ ਅਤੇ ਅਸੀਂ ਇਹ ਪ੍ਰਕਿਰਿਆ ਸ਼ੁਰੂ ਕਰ ਦਿਤੀ ਹੈ। ਉਥੇ ਹੀ ਆਸਟ੍ਰੇਲੀਅਨ-ਇੰਡੀਅਨ ਹਿਸਟਰੀ ਸੋਸਾਇਟੀ ਦੇ ਆਗੂ ਬਲਜਿੰਦਰ ਸਿੰਘ ਨੇ ਕਿਹਾ ਕਿ ਕੁੱਝ ਭਾਰਤੀ ਅਮੀਰ ਜਾਂ ਵੱਡਾ ਬਣਨ ਦੇ ਚੱਕਰ 'ਚ ਕਾਨੂੰਨ ਨੂੰ ਅਣਗੌਲਿਆ ਕਰ ਕੇ ਧੋਖਾਧੜੀ ਕਰ ਰਹੇ ਹਨ, ਜੋ ਕਿ ਚੰਗੀ ਗੱਲ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਧੋਖਾਧੜੀ ਕਰਨ ਵਾਲੇ ਭਾਰਤੀਆਂ ਕਾਰਨ ਭਾਈਚਾਰਾ ਸ਼ਰਮਸਾਰ ਹੋ ਰਿਹਾ ਹੈ।
