14 ਚੋਟੀਆਂ 'ਤੇ ਚੜਾਈ ਸਿਰਫ 189 ਦਿਨਾਂ 'ਚ ਪੂਰੀ ਕੀਤੀ
ਕਾਠਮੰਡੂ : ਇਕ ਨੇਪਾਲੀ ਪਰਬਤਾਰੋਹੀ ਨੇ ਦੁਨੀਆ ਦੀਆਂ ਸਭ ਤੋਂ ਉੱਚੀਆਂ 14 ਚੋਟੀਆਂ 'ਤੇ ਸਭ ਤੋਂ ਤੇਜ਼ੀ ਨਾਲ ਚੜਾਈ ਕਰਨ ਦਾ ਰਿਕਾਰਡ ਕਾਇਮ ਕਰਨ ਦਾ ਦਾਅਵਾ ਕੀਤਾ ਹੈ। ਨਿਰਮਲ ਪੂਰਜਾ ਨਾਂ ਦੇ ਇਸ ਪਰਬਤਾਰੋਹੀ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਸੱਤ ਮਹੀਨਿਆਂ ਤੋਂ ਵੀ ਘੱਟ ਸਮੇਂ 'ਚ ਇਹ ਕਾਰਨਾਮਾ ਕਰਨ ਦਾ ਦਾਅਵਾ ਕੀਤਾ ਹੈ। ਇਹ ਸਾਰੀਆਂ ਚੋਟੀਆਂ 8000 ਮੀਟਰ ਤੋਂ ਵੀ ਉੱਚੀਆਂ ਹਨ।
Nepal Mountaineer Claims Record For Climbing World's 14 Highest Peaks
ਨਿਰਮਲ ਪੂਰਜਾ ਦੇ ਸੋਸ਼ਲ ਮੀਡੀਆ 'ਤੇ ਕੀਤੇ ਇਕ ਪੋਸਟ ਮੁਤਾਬਕ ਉਨ੍ਹਾਂ ਨੇ 8000 ਮੀਟਰ (26,259 ਫੁੱਟ) ਤੋਂ ਉੱਚੀਆਂ ਇਨ੍ਹਾਂ 14 ਚੋਟੀਆਂ 'ਤੇ ਚੜਾਈ ਸਿਰਫ 189 ਦਿਨਾਂ 'ਚ ਪੂਰੀ ਕੀਤੀ ਹੈ। ਪਹਿਲਾਂ ਇਹ ਰਿਕਾਰਡ ਕਰੀਬ 8 ਸਾਲ ਦਾ ਸੀ। ਪੂਰਜਾ ਨੇ ਚੀਨ 'ਚ ਆਖਰੀ ਚੋਟੀ 'ਤੇ ਚੜਾਈ ਕਰਨ ਤੋਂ ਬਾਅਦ ਆਪਣੇ ਫੇਸਬੁੱਕ ਪੇਜ 'ਤੇ ਲਿਖਿਆ ਕਿ ਮਿਸ਼ਨ ਪੂਰਾ ਹੋਇਆ। ਸਾਲ 1987 'ਚ ਪੋਲਿਸ਼ ਪਰਬਤਾਰੋਹੀ ਜੇਰਜੀ ਕੁਕੁਜਕਾ ਨੇ ਇਹ ਚੜਾਈ ਸੱਤ ਸਾਲ, 11 ਮਹੀਨੇ ਤੇ 14 ਦਿਨਾਂ 'ਚ ਪੂਰੀ ਕੀਤੀ ਸੀ। ਜੇਰਜੀ ਤੋਂ ਪਹਿਲਾਂ 1986 'ਚ ਇਟਲੀ ਦੇ ਰੇਨਹੋਲਡ ਮੇਸਨਰ ਅਜਿਹੀਆਂ ਚੜਾਈਆਂ ਕਰਨ ਵਾਲੇ ਪਹਿਲੇ ਵਿਅਕਤੀ ਬਣ ਗਏ ਸਨ।
Nepal Mountaineer Claims Record For Climbing World's 14 Highest Peaks
ਸਾਬਕਾ ਗੋਰਖਾ ਫੌਜੀ ਪੁਰਜਾ ਨੇ ਆਪਣੀ ਚੜਾਈ ਦੇ ਪਹਿਲੇ ਪੜਾਅ 'ਚ ਅਪ੍ਰੈਲ 'ਚ ਅੰਨਪੂਰਣਾ, ਧੌਲਾਗਿਰੀ, ਕੰਚਨਜੰਘਾ, ਐਵਰੈਸਟ, ਲਹੋਤਸੇ ਤੇ ਮਕਾਲੂ 'ਤੇ ਚੜਾਈ ਪੂਰੀ ਕੀਤੀ ਸੀ। ਇਸ ਤੋਂ ਇਕ ਮਹੀਨੇ ਬਾਅਦ ਪਾਕਿਸਤਾਨ ਜਾ ਕੇ ਉਨ੍ਹਾਂ ਨੇ 8,125 ਮੀਟਰ ਉੱਚੇ ਨੰਗਾ ਪਰਬਤ ਦੀ ਚੜਾਈ ਕੀਤੀ। ਉਨ੍ਹਾਂ ਨੇ ਪਾਕਿਸਤਾਨ ਦੀ ਗਸ਼ੇਰਬ੍ਰਮ ਪ੍ਰਥਮ, ਗਸ਼ੇਰਬ੍ਰਮ ਦੂਜੀ ਤੇ ਕੇ2 ਜਿਹੀਆਂ ਉੱਚੀਆਂ ਚੋਟੀਆਂ 'ਤੇ ਫਤਿਹ ਹਾਸਲ ਕੀਤੀ।
Nepal Mountaineer Claims Record For Climbing World's 14 Highest Peaks
ਆਪਣੇ ਟੀਚੇ ਨੂੰ ਪੂਰਾ ਕਰਨ ਦੌਰਾਨ ਉਨ੍ਹਾਂ ਦੀ ਨੀਂਦ ਵੀ ਪੂਰੀ ਨਹੀਂ ਹੋਈ। ਪੂਰਜਾ ਨੇ ਸਤੰਬਰ 'ਚ ਆਪਣੀ ਆਖਰੀ ਪੜਾਅ ਸ਼ੁਰੂ ਕੀਤਾ ਤੇ ਹਫਤੇ ਦੇ ਅੰਦਰ ਉਨ੍ਹਾਂ ਨੇ 'ਚੋਂ ਓਯੂ ਤੇ ਮਨਾਸਲੂ 'ਤੇ ਚੜਾਈ ਕਰ ਲਈ। ਪੂਰਜਾ ਨੇ ਏ.ਐੱਫ.ਪੀ. ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਦੁਨੀਆ 'ਚ ਸਭ ਤੋਂ ਉੱਚੀਆਂ ਚੋਟੀਆਂ ਨੇਪਾਲ 'ਚ ਹਨ ਤੇ ਇਥੇ ਕਈ ਚੰਗੇ ਪਰਬਤਾਰੋਹੀ ਹਨ ਪਰ ਉਨ੍ਹਾਂ ਨੂੰ ਮੌਕਾ ਨਹੀਂ ਮਿਲ ਰਿਹਾ।
