ਅਟਲ ਬਿਹਾਰੀ ਵਾਜਪਾਈ ਮਹਾਨ ਸਨ ਪਰ ਪੰਜਾਬ ਬਾਰੇ ਉਨ੍ਹਾਂ ਦੀ ਨੀਤੀ ਇਕ ਬੁਝਾਰਤ ਹੀ ਬਣੀ ਰਹੀ
Published : Aug 18, 2018, 11:29 am IST
Updated : Aug 18, 2018, 11:29 am IST
SHARE ARTICLE
Atal Bihari Vajpayee
Atal Bihari Vajpayee

ਅਟਲ ਬਿਹਾਰੀ ਵਾਜਪਾਈ 93 ਸਾਲ ਦੀ ਉਮਰ ਵਿਚ ਇਕ ਭਰਪੂਰ ਜੀਵਨ ਪੂਰਾ ਕਰ ਕੇ ਚਲੇ ਗਏ...............

ਅਟਲ ਬਿਹਾਰੀ ਵਾਜਪਾਈ 93 ਸਾਲ ਦੀ ਉਮਰ ਵਿਚ ਇਕ ਭਰਪੂਰ ਜੀਵਨ ਪੂਰਾ ਕਰ ਕੇ ਚਲੇ ਗਏ। ਭਾਵੇਂ ਉਨ੍ਹਾਂ ਦੇ ਆਖ਼ਰੀ ਸਾਲਾਂ ਵਿਚ ਉਨ੍ਹਾਂ ਨੂੰ ਭਾਜਪਾ ਵਿਚ ਉਹ ਸਥਾਨ ਨਹੀਂ ਸੀ ਮਿਲ ਸਕਿਆ ਜਿਸ ਦੇ ਉਹ ਹੱਕਦਾਰ ਸਨ ਪਰ ਭਾਜਪਾ ਅੱਜ ਦੇਸ਼ ਦੀ ਰਾਜਨੀਤੀ ਵਿਚ ਜੋ ਵੀ ਕੇਂਦਰੀ ਸਥਾਨ ਹਾਸਲ ਕਰ ਸਕੀ ਹੈ, ਉਸ ਦੀ ਬੁਨਿਆਦ ਤਾਂ ਅਟਲ ਬਿਹਾਰੀ ਵਾਜਪਾਈ ਨੇ ਹੀ ਰੱਖੀ ਸੀ। ਦਿਲ ਤੋਂ ਇਕ ਕਵੀ, ਮਨ ਤੋਂ ਆਰ.ਐਸ.ਐਸ. ਦੀ ਸਿਖਲਾਈ ਪ੍ਰਾਪਤ ਇਕ ਹਿੰਦੂ, ਕਰਮ ਤੋਂ ਇਕ ਅਸਲ ਸਿਆਸਤਦਾਨ, ਅਟਲ ਬਿਹਾਰੀ, ਅਜਿਹਾ ਸਿਆਸਤਦਾਨ ਸੀ ਜਿਸ ਨੇ ਸਿਆਸਤ ਨੂੰ ਖੇਡ ਨਹੀਂ ਬਣਨ ਦਿਤਾ ਤੇ ਹਰ ਚੀਜ਼ ਨੂੰ ਗੰਭੀਰਤਾ ਨਾਲ ਲਿਆ।

ਅਟਲ ਬਿਹਾਰੀ ਵਾਜਪਾਈ ਨੇ ਅਪਣੇ ਵਿਰੋਧੀਆਂ ਨਾਲ ਵੀ ਰਿਸ਼ਤਾ ਬਣਾਈ ਰਖਿਆ ਭਾਵੇਂ ਉਹ ਨਹਿਰੂ ਸੀ ਜਾਂ ਅਪਣੀ ਹੀ ਪਾਰਟੀ ਦੇ ਉਲਟ ਜਾਣ ਵਾਲੀ ਵਿਚਾਰਧਾਰਾ ਵਾਲਾ ਅਡਵਾਨੀ। ਕਸ਼ਮੀਰ ਵੀ ਅੱਜ ਤਕ ਵਾਜਪਾਈ ਨੂੰ ਯਾਦ ਕਰਦਾ ਹੈ। ਭਾਰਤ ਦੀ ਆਰਥਕਤਾ ਨੂੰ ਡਾ. ਮਨਮੋਹਨ ਸਿੰਘ ਵਾਸਤੇ ਤਿਆਰ ਕਰਨ ਦਾ ਕੰਮ ਵੀ ਉਨ੍ਹਾਂ ਨੇ ਹੀ ਕੀਤਾ। ਵਾਜਪਾਈ ਉਹ ਆਗੂ ਸਨ ਜਿਨ੍ਹਾਂ ਵਿਚ ਹਿੰਮਤ ਸੀ ਕਿ ਉਹ ਆਰ.ਐਸ.ਐਸ. ਨੂੰ ਵੀ ਸਿਆਸਤ ਤੋਂ ਬਾਹਰ ਰਹਿਣ ਵਾਸਤੇ ਆਖ ਸਕਦੇ ਸਨ।

ਪ੍ਰੈੱਸ ਨੂੰ ਨਿਰਪੱਖ ਰਹਿਣ ਦੀ ਨਸੀਹਤ ਦੇਣ ਵਾਲੇ ਵਾਜਪਾਈ ਵਲੋਂ ਪੰਜਾਬ ਵਿਚ ਦਰਬਾਰ ਸਾਹਿਬ ਉਤੇ ਹਮਲੇ ਦੀ ਹਮਾਇਤ ਅਤੇ ਇੰਦਰਾ ਗਾਂਧੀ ਉਤੇ ਪੰਜਾਬ ਵਿਚ ਫ਼ੌਜ ਭੇਜਣ ਲਈ ਦਬਾਅ ਪਾਉਣ ਦਾ ਮਤਲਬ ਸਮਝ ਨਹੀਂ ਆਉਂਦਾ। ਇਕ ਕੋਮਲ ਕਵੀ ਦੀ ਰੂਹ ਪੰਜਾਬ ਦੇ ਮਾਮਲੇ ਵਿਚ ਕਿਸ ਤਰ੍ਹਾਂ ਏਨੀ ਸਖ਼ਤ ਹੋ ਗਈ ਸੀ? ਵਾਜਪਾਈ ਬਾਬਰੀ ਮਸਜਿਦ ਢਾਹੁਣ ਵਿਚ ਸ਼ਾਮਲ ਨਹੀਂ ਸਨ ਬਲਕਿ ਉਹ ਤਾਂ .... ਨਾਲ ਹੱਥ ਮਿਲਾਉਣ ਵਾਲਿਆਂ 'ਚੋਂ ਸਨ।

ਇੰਦਰਾ ਗਾਂਧੀ ਵਲੋਂ ਲਾਈ ਗਈ ਐਮਰਜੰਸੀ ਵਿਚ ਡੱਟ ਕੇ ਵਿਰੋਧ ਕਰਨ ਵਾਲੇ ਵਾਜਪਾਈ ਦੀ ਪੰਜਾਬ ਪ੍ਰਤੀ ਸੋਚ ਸਮਝ ਤੋਂ ਪਰੇ ਹੈ। ਉਨ੍ਹਾਂ ਦਾ ਕੱਦ ਉੱਚਾ ਸੀ ਅਤੇ ਇਕ ਹਿੰਦੂ ਆਗੂ ਵਜੋਂ ਹਮੇਸ਼ਾ ਉੱਚਾ ਰਹੇਗਾ। ਘੱਟ-ਗਿਣਤੀਆਂ ਦੇ ਦਿਲਾਂ ਦੀ ਗੱਲ ਕਰਨੀ ਅਜੇ ਸਮੇਂ ਮੁਤਾਬਕ ਠੀਕ ਨਹੀਂ ਹੋਵੇਗੀ। ਜੇ ਜਾਂਦੇ-ਜਾਂਦੇ ਪੰਜਾਬ ਨੂੰ ਉਨ੍ਹਾਂ ਪਲਾਂ ਦਾ ਸੱਚ ਦਸ ਜਾਂਦੇ ਤਾਂ ਸ਼ਾਇਦ ਸਿੱਖਾਂ ਦੇ ਮਨਾਂ ਵਿਚ ਉਨ੍ਹਾਂ ਦੇ ਦਾਮਨ ਉਤੇ ਕਿਸੇ ਵੀ ਦਾਗ਼ ਦੀ ਪਰਛਾਈਂ ਵੀ ਨਾ ਦਿਸਦੀ।     -ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

'ਕਾਗ਼ਜ਼ੀ ਮੁੱਖ ਮੰਤਰੀ ਬਣਾਉਣ ਦੀ ਸ਼ੁਰੂਆਤ ਭਾਜਪਾ ਨੇ ਹੀ ਕੀਤੀ ਸੀ'

25 May 2024 2:17 PM

'ਕਾਗ਼ਜ਼ੀ ਮੁੱਖ ਮੰਤਰੀ ਬਣਾਉਣ ਦੀ ਸ਼ੁਰੂਆਤ ਭਾਜਪਾ ਨੇ ਹੀ ਕੀਤੀ ਸੀ'

25 May 2024 2:15 PM

TODAY BARNALA NEWS : ਤਾਪਮਾਨ 45 ਡਿਗਰੀ ਤੋਂ ਪਾਰ ! ਕੋਈ ਪੀ ਰਿਹਾ ਗੰਨੇ ਦਾ ਜੂਸ ਤੇ ਕੋਈ ਪੀ ਰਿਹਾ ਨਿੰਬੂ ਪਾਣੀ

25 May 2024 9:58 AM

Punjab Weather Update : ਲਓ ਜੀ ਆ ਗਿਆ ਤੇਜ਼ ਮੀਂਹ, ਪੰਜਾਬ 'ਚ ਲੋਕਾਂ ਨੂੰ ਮਿਲੀ ਗਰਮੀ ਤੋਂ ਰਾਹਤ, ਦੇਖੋ LIVE

25 May 2024 8:57 AM

ਕਾਕਾ ਬਰਾੜ ਨੂੰ ਕਮਜ਼ੋਰ ਦੱਸਣ ਵਾਲਿਆਂ ਨੂੰ Goldy Kamboj ਦਾ ਜਵਾਬ"ਇੱਕ ਆਮ ਇਨਸਾਨ ਇਨ੍ਹਾਂ ਨੂੰ ਸਹਿਣ ਨਹੀਂ ਹੋ ਰਿਹਾ"

24 May 2024 4:29 PM
Advertisement