ਤੀਜੀ ਕੋਰੋਨਾ ਲਹਿਰ ਲਈ ਆਪ ਹੀ ਕੁੱਝ ਕਰਨਾ ਪਵੇਗਾ, ਸਰਕਾਰ ਤਾਂ ਹੱਥ ਖੜੇ ਕਰੀ ਬੈਠੀ ਹੈ
Published : Jun 26, 2021, 8:18 am IST
Updated : Jun 26, 2021, 12:23 pm IST
SHARE ARTICLE
Corona Virus
Corona Virus

ਆਈ.ਆਈ.ਟੀ. ਵਲੋਂ ਤੇ ਕਈ ਵੱਡੇ ਮਾਹਰਾਂ ਵਲੋਂ ਹੁਣ ਇਹ ਚਿੰਤਾ ਪ੍ਰਗਟਾਈ ਜਾ ਰਹੀ ਹੈ ਕਿ ਤੀਜੀ ਲਹਿਰ ਸਾਡੇ ਸਿਰ ਤੇ ਮੰਡਰਾ ਰਹੀ ਹੈ

ਪੰਜਾਬ ਦੇ ਸ਼ਹਿਰਾਂ, ਕਸਬਿਆਂ ਦੀਆਂ ਸੜਕਾਂ ਵਲ ਇਕ ਉਡਦੀ ਨਜ਼ਰ ਮਾਰ ਲਈ ਜਾਵੇ ਤਾਂ ਲੱਗੇਗਾ ਹੀ ਨਹੀਂ ਕਿ ਇਸ ਸੂਬੇ ਵਿਚ ਮਹਾਂਮਾਰੀ ਕਦੇ ਆਈ ਵੀ ਸੀ। ਨਾ ਇਥੇ ਕੋਈ ਦੂਰੀ ਰੱਖਣ ਬਾਰੇ ਸੋਚ ਰਿਹਾ ਹੈ, ਨਾ ਮਾਸਕ ਪਾਉਣ ਬਾਰੇ। ਜਿਵੇਂ ਪੰਜਾਬ ਦੀਆਂ ਗੱਡੀਆਂ ਚਲਾਉਣ ਵਾਲੇ, ਚੰਡੀਗੜ੍ਹ ਪੁਲਿਸ ਤੋਂ ਡਰਦੇ ਮਾਰੇ, ਗੱਡੀ ਵਿਚ ਸੀਟ ਬੈਲਟ ਲਗਾਉਂਦੇ ਸਨ, ਅੱਜ ਮਾਸਕ ਵੀ ਚੰਡੀਗੜ੍ਹ ਪੁਲਿਸ ਦੇ ਡਰ ਕਾਰਨ ਹੀ ਲਗਾਉਂਦੇ ਹਨ ਜਿਵੇਂ ਕਿ ਮਾਸਕ ਪਾਉਣ ਨਾਲ ਫ਼ਾਇਦਾ ਉਨ੍ਹਾਂ ਨੂੰ ਨਾ ਹੋਣਾ ਹੋਵੇ ਸਗੋਂ ਪੁਲਿਸ ਨੂੰ ਹੋਣਾ ਹੋਵੇ। ਪੰਜਾਬ ਛੱਡੋ, ਪੂਰੇ ਦੇਸ਼ ਦਾ ਹਾਲ ਵੀ ਇਹੀ ਚਲ ਰਿਹਾ ਹੈ।

Photo

ਦਿੱਲੀ ਵਿਚ ਸ਼ਾਪਿੰਗ ਮਾਲ ਅੰਦਰ ਜਾਣ ਲਈ ਇਕ ਇਕ ਮੀਲ ਲੰਮੀਆਂ ਕਤਾਰਾਂ ਲਗੀਆਂ ਹੋਈਆਂ ਹਨ ਤੇ ਇਸ ਦਾ ਅਸਰ ਅੰਕੜਿਆਂ ਵਿਚ ਵੀ ਨਜ਼ਰ ਆ ਰਿਹਾ ਹੈ। ਜਿਥੇ ਦਿੱਲੀ ਵਿਚ ਨਵੇਂ ਮਰੀਜ਼ਾਂ ਦਾ ਅੰਕੜਾ 60 ਹਜ਼ਾਰ ਰੋਜ਼ਾਨਾ ਤੇ ਆ ਗਿਆ ਸੀ, ਮੁੜ ਤੋਂ ਵਧਣਾ ਸ਼ੁਰੂ ਹੋ ਗਿਆ ਹੈ। ਆਈ.ਆਈ.ਟੀ. ਵਲੋਂ ਤੇ ਕਈ ਵੱਡੇ ਮਾਹਰਾਂ ਵਲੋਂ ਹੁਣ ਇਹ ਚਿੰਤਾ ਪ੍ਰਗਟਾਈ ਜਾ ਰਹੀ ਹੈ ਕਿ ਤੀਜੀ ਲਹਿਰ ਸਾਡੇ ਸਿਰ ਤੇ ਮੰਡਰਾ ਰਹੀ ਹੈ। ਜਿਸ ਤਰੀਕੇ ਨਾਲ ਦੇਸ਼ ਤਾਲਾਬੰਦੀ ਖੋਲ੍ਹ ਰਿਹਾ ਹੈ, ਇਸ ਨਾਲ ਅਸੀ ਜੁਲਾਈ ਵਿਚ ਸ਼ਾਇਦ ਹੀ ਸਾਹ ਲੈ ਸਕਾਂਗੇ।

CoronavirusCorona virus

ਅਜੇ ਵੀ ਜੋ ਅੰਕੜਾ ਭਾਰਤ ਵਿਚ ਨਵੇਂ ਕੋਵਿਡ ਕੇਸਾਂ ਦਾ ਆ ਰਿਹਾ ਹੈ, ਉਹ ਪਿਛਲੇ ਸਾਲ ਦੇ ਜੂਨ ਦੇ ਅੰਕੜਿਆਂ ਮੁਕਾਬਲੇ ਕਿਤੇ ਵੱਧ ਹੈ। ਅੱਜ ਦੇ ਦਿਨ 54 ਹਜ਼ਾਰ ਕੇਸ ਹਨ ਤੇ ਸਾਡੇ ਵਾਸਤੇ ਦੁਨੀਆਂ ਦੇ ਸਾਰੇ ਦੇਸ਼ ਹੀ ਬੰਦ ਹਨ। ਜਿਸ ‘ਡੈਲਟਾ’ ਕੋਵਿਡ ਵਾਇਰਸ ਨੇ ਭਾਰਤ ਵਿਚ ਪਿਛਲੇ ਦੋ ਮਹੀਨੇ ਕਹਿਰ ਢਾਇਆ ਸੀ, ਹੁਣ ਉਸ ਦਾ ਅਗਲਾ ਰੂਪ ‘ਡੈਲਟਾ ਐਕਸ’ ਵੀ ਕਈ ਸੂਬਿਆਂ ਵਿਚ ਆ ਚੁੱਕਾ ਹੈ। ਅਸੀ ਸਿਰਫ਼ ਡੈਲਟਾ ਦੇ ਖ਼ਤਰੇ ਤੋਂ ਵਾਕਫ਼ ਹਾਂ। ਡੈਲਟਾ ਐਕਸ ਨੂੰ ਲੈ ਕੇ, ਸਰਕਾਰਾਂ ਜਾਂ ਮਾਹਰਾਂ ਨੇ ਕੁੱਝ ਵੀ ਸਾਂਝਾ ਨਹੀਂ ਕੀਤਾ।

oxygen cylinderoxygen

ਸੋ ਜੇ ਅਸੀ ਆਕਸੀਜਨ ਪਲਾਂਟ ਤੇ ਆਕਸੀਜਨ ਮਸ਼ੀਨਾਂ ਨੂੰ ਸੰਭਾਲ ਕੇ ਅਪਣੇ ਆਪ ਨੂੰ ਸੁਰੱਖਿਅਤ ਸਮਝ ਰਹੇ ਹਾਂ ਤਾਂ ਅਸੀ ਗ਼ਲਤ ਵੀ ਹੋ ਸਕਦੇ ਹਾਂ। ਇਕ ਤੱਥ ਜੋ ਜਾਂਚ ਨੇ ਸਿੱਧ ਕੀਤਾ ਹੈ, ਉਹ ਇਹ ਹੈ ਕਿ ਸਾਡੀ ਵੈਕਸੀਨ, ਡੈਲਟਾ ਸਾਹਮਣੇ 68 ਫ਼ੀ ਸਦੀ ਕਾਮਯਾਬੀ ਹੀ ਵਿਖਾ ਸਕਦੀ ਹੈ ਜੋ ਕਿ ਪੁਰਾਣੇ ਕੋਵਿਡ ਵਿਚ 90 ਫ਼ੀ ਸਦੀ ਤੋਂ ਵੱਧ ਸੁਰੱਖਿਆ ਦੇ ਰਹੀ ਸੀ। 

VaccineVaccine

ਮਾਹਰ ਇਹ ਵੀ ਮੰਨ ਰਹੇ ਹਨ ਕਿ ਆਉਣ ਵਾਲੇ ਸਮੇਂ ਵਿਚ ਕੋਵਿਡ ਦਾ ਨਵਾਂ ਰੂਪ ਸਾਰੀਆਂ ਵੈਕਸੀਨਾਂ ਨੂੰ ਮਾਤ ਦੇ ਦੇਵੇਗਾ। ਪਰ ਨਾਲ ਨਾਲ ਇਹ ਵੀ ਆਖਿਆ ਜਾ ਰਿਹਾ ਹੈ ਕਿ ਵੈਕਸੀਨ ਲੱਗ ਚੁੱਕਣ ਬਾਅਦ ਕੋਵਿਡ ਲਈ ਹਸਪਤਾਲ ਵਿਚ ਦਾਖ਼ਲ ਹੋਣ ਦੀ ਲੋੜ ਨਹੀਂ ਪੈਂਦੀ। ਸਰਕਾਰ ਦੀ ਵੀ ਇਹੀ ਸੋਚ ਹੈ ਕਿ ਆਰਥਕ ਗਤੀਵਿਧੀ ਤੇਜ਼ ਕਰ ਕੇ ਕੁੱਝ ਪੈਸਾ ਖ਼ਜ਼ਾਨੇ ਵਿਚ ਲਿਆਉਣ ਦਾ ਯਤਨ ਵੀ ਕਰ ਹੀ ਲਿਆ ਜਾਣਾ ਚਾਹੀਦਾ ਹੈ। ਸੋ ਉਨ੍ਹਾਂ ਸੱਭ ਕੁੱਝ ਖੋਲ੍ਹ ਦਿਤਾ ਹੈ ਤੇ ਇਹ ਸਰਕਾਰ ਦੀ ਮਜਬੂਰੀ ਵੀ ਸੀ।

Prime Minister Narendra ModiPrime Minister Narendra Modi

ਆਮ ਇਨਸਾਨ ਕੋਲ ਘੱਟ ਰਹੀ ਬੱਚਤ ਦੇ ਅੰਕੜੇ ਵੀ ਦਸ ਰਹੇ ਹਨ ਕਿ ਹੁਣ 11 ਫ਼ੀ ਸਦੀ ਘੱਟ ਬੱਚਤ ਹੋ ਰਹੀ ਹੈ ਕਿਉਂਕਿ ਆਮ ਆਦਮੀ ਘਰ ਦੇ ਖ਼ਰਚੇ ਪੂਰੇ ਕਰਨ ਵਿਚ ਹੀ ਫ਼ੇਲ੍ਹ ਹੁੰਦਾ ਜਾ ਰਿਹਾ ਹੈ ਤਾਂ ਉਹ ਬੱਚਤ ਕਿਥੋਂ ਕਰੇਗਾ? ਬੱਚਤ ਸ਼ਾਇਦ ਇਸ ਤੋਂ ਵੀ ਘੱਟ ਹੋਵੇ ਪਰ ਇਥੇ ਇਹ ਵੀ ਸਮਝ ਲੈਣਾ ਪਵੇਗਾ ਕਿ ਅੱਜ ਦੀ ਆਰਥਕ ਸਥਿਤੀ ਵਿਚ ਸਰਕਾਰ ਅਪਣੀਆਂ ਆਰਥਕ ਗ਼ਲਤੀਆਂ ਤੇ ਨੀਤੀਆਂ ਸਦਕਾ, ਔਖੀ ਘੜੀ ਵਿਚ, ਆਮ ਇਨਸਾਨ ਦੀ ਕੋਈ ਖ਼ਾਸ ਮਦਦ ਨਹੀਂ ਕਰ ਸਕੇਗੀ।

CoronavirusCorona virus

ਭਾਰਤ ਵਿਚ ਵੈਸੇ ਤਾਂ ਮੰਨਿਆ ਜਾਂਦਾ ਹੈ ਕਿ 10-15 ਲੱਖ ਮੌਤਾਂ ਹੋਈਆਂ ਹਨ ਪਰ ਸਰਕਾਰੀ ਦਾਅਵਿਆਂ ਅਨੁਸਾਰ 3 ਲੱਖ ਕੋਵਿਡ ਮੌਤਾਂ ਨੂੰ ਵੀ ਸਰਕਾਰ ਮੁਆਵਜ਼ਾ ਤਾਂ ਦੂਰ, ਇਲਾਜ ਦਾ ਖ਼ਰਚਾ ਵੀ ਮਾਫ਼ ਨਹੀਂ ਕਰ ਰਹੀ। ਸਰਕਾਰਾਂ ਤਾਂ ਇਸ ਕਦਰ ਮਜਬੂਰ ਨੇ ਕਿ ਨਾ ਉਹ ਹਸਪਤਾਲ ਬਣਾ ਸਕਦੀਆਂ ਹਨ ਤੇ ਨਾ ਹੋਰ ਤਾਲਾਬੰਦੀ ਲਗਾ ਕੇ ਤੁਹਾਨੂੰ ਸੁਰੱਖਿਅਤ ਹੀ ਰੱਖ ਸਕਦੀਆਂ ਹਨ। 

Corona vaccineCorona vaccine

ਸੋ ਅੱਜ ਤੀਜੀ ਲਹਿਰ ਦੇ ਸਾਹਮਣੇ ਮੰਡਰਾਉਂਦੇ ਖ਼ਤਰੇ ਲਈ ਸਾਨੂੰ ਇਕ ਅਮਰੀਕੀ ਰਾਸ਼ਟਰਪਤੀ ਵਲੋਂ ਕਿਹਾ ਗਿਆ ਫ਼ਿਕਰਾ ਯਾਦ ਕਰਨਾ ਪਵੇਗਾ,‘‘ਇਹ ਨਾ ਪੁਛੋ ਕਿ ਤੁਹਾਡਾ ਦੇਸ਼ ਤੁਹਾਡੇ ਵਾਸਤੇ ਕੀ ਕਰ ਸਕਦਾ ਹੈ, ਪਰ ਪੁੱਛੋ ਇਹ ਕਿ ਤੁਸੀਂ ਅਪਣੇ ਦੇਸ਼ ਲਈ ਕੀ ਕਰ ਸਕਦੇ ਹੋ।’’ ਇਸ ਸਮੇਂ ਸਰਕਾਰ ਨੇ ਨਾ ਤੀਜੀ ਲਹਿਰ ਰੋਕ ਸਕਣੀ ਹੈ ਤੇ ਨਾ ਇਹ ਘੱਟ ਘਾਤਕ ਹੋਣੀ ਹੈ। ਇਹ ਤੁਹਾਡੀ ਅਪਣੀ ਜ਼ਿੰਮੇਵਾਰੀ ਬਣਦੀ ਹੈ ਕਿ ਤੁਸੀਂ ਮਾਹਰਾਂ ਦੀ ਗੱਲ ਨੂੰ ਸੁਣ ਕੇ ਅਪਣੀ ਸੁਰੱਖਿਆ ਵਾਸਤੇ ਆਪ ਵੈਕਸੀਨ ਲਗਵਾਉ। ਪਰ ਉਹ ਤੁਹਾਡੀ ਅਪਣੀ ਮਰਜ਼ੀ ਹੈ ਜੋ ਅਦਾਲਤ ਨੇ ਵੀ ਪ੍ਰਵਾਨ ਕੀਤੀ ਹੈ ਤੇ ਜਾਂ ਫਿਰ ਤੁਸੀਂ ਮਾਸਕ ਪਾ ਕੇ, ਭੀੜਾਂ ਨੂੰ ਕਾਬੂ ਕਰੋ ਤੇ ਅਪਣੇ ਸੂਬੇ ਤੇ ਅਪਣੇ ਦੇਸ਼ ਵਿਚ ਮਹਾਂਮਾਰੀ ਨੂੰ ਫੈਲਣੋਂ ਰੋਕਣ ਵਿਚ ਅਪਣਾ ਯੋਗਦਾਨ ਪਾਉ।                 -ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM

Punjabi Family ਨਾਲ Rajasthan ’ਚ ਹਾਦਸਾ, 2 ਮਹੀਨੇ ਪਹਿਲਾਂ ਵਿਆਹੇ ਪੁੱਤ-ਨੂੰਹ ਸਮੇਤ 4 ਜੀਆਂ ਦੀ ਮੌ*ਤ...

28 Mar 2024 10:22 AM
Advertisement