ਪੜ੍ਹੋ ਸਾਹਿਬਜ਼ਾਦਿਆਂ ਬਾਰੇ ਰੌਚਕ ਜਾਣਕਾਰੀ

ਪ੍ਰਸ਼ਨ     :  ਗੁਰੂ ਗੋਬਿੰਦ ਸਿੰਘ ਜੀ ਸਰਸਾ ਨਦੀ ਪਾਰ ਕਰ ਕੇ ਕਿੱਥੇ ਪਹੁੰਚੇ?  
ਉੱਤਰ    : ਚਮਕੌਰ ਸਾਹਿਬ।

ਪ੍ਰਸ਼ਨ     : ਗੁਰੂ ਗੋਬਿੰਦ ਸਿੰਘ ਜੀ ਚਮਕੌਰ ਸਾਹਿਬ ਕਿੱਥੇ ਰੁਕੇ ਸਨ? 
ਉੱਤਰ     : ਚੌਧਰੀ ਬੁੱਧੀ ਚੰਦ ਦੀ ਹਵੇਲੀ ’ਚ।

ਪ੍ਰਸ਼ਨ  : ਚੌਧਰੀ ਦੀ ਹਵੇਲੀ ’ਚ ਰਹਿ ਕੇ ਦੁਸ਼ਮਣ ਦਲ ਦਾ ਮੁਕਾਬਲਾ ਕਰਨ ਦਾ ਫ਼ੈਸਲਾ ਕਿਸ ਨੇ ਕੀਤਾ ਸੀ? 
ਉੱਤਰ     : ਗੁਰੂ ਗੋਬਿੰਦ ਸਿੰਘ ਜੀ ਨੇ।

ਪ੍ਰਸ਼ਨ     : ਚਮਕੌਰ ਸਾਹਿਬ ਗੁਰੂ ਜੀ ਦੇ ਨਾਲ ਕਿਹੜੇ ਦੋ ਸਾਹਿਬਜ਼ਾਦੇ ਸਨ? 
ਉੱਤਰ    : ਬਾਬਾ ਅਜੀਤ ਸਿੰਘ, ਬਾਬਾ  ਜੁਝਾਰ ਸਿੰਘ।

ਪ੍ਰਸ਼ਨ     : ਚਮਕੌਰ ਸਾਹਿਬ ਦਾ ਯੁੱਧ ਕਦੋਂ ਸ਼ੁਰੂ ਹੋਇਆ ਸੀ? 
ਉੱਤਰ     : 22 ਦਸੰਬਰ 1704 ਈ ਨੂੰ।

ਪ੍ਰਸ਼ਨ     :   ਜਦੋਂ ਸਿੱਖਾਂ ਨੇ ਚਮਕੌਰ ਦੀ ਗੜ੍ਹੀ ਵਿਚ ਗੁਰੂ ਜੀ ਨੂੰ ਇਹ ਕਿਹਾ ਕਿ ਤੁਸੀਂ ਸਾਹਿਬਜ਼ਾਦਿਆਂ ਸਮੇਤ ਜੰਗ ’ਚੋਂ ਨਿਕਲ ਜਾਉ ਤਾਂ ਗੁਰੂ ਜੀ ਨੇ ਕੀ ਉੱਤਰ ਦਿਤਾ?
ਉੱਤਰ     : ਤੁਸੀਂ ਸਾਰੇ ਹੀ ਮੇਰੇ ਸਾਹਿਬਜ਼ਾਦੇ ਹੋ ਕਿਹੜੇ ਸਾਹਿਬਜ਼ਾਦਿਆਂ ਦੀ ਗੱਲ ਕਰਦੇ ਹੋ?   

ਪ੍ਰਸ਼ਨ     :     ਗੁਰੂ ਜੀ ਦੀ ਫ਼ੌਜ ਦਾ ਚਮਕੌਰ ਦੀ ਜੰਗ ’ਚ ਕਿੰਨੀ ਮੁਗ਼ਲ ਫ਼ੌਜ ਨਾਲ ਮੁਕਾਬਲਾ ਹੋਇਆ ਸੀ?  
ਉੱਤਰ     : ਦਸ ਲੱਖ ਨਾਲ। 

ਪ੍ਰਸ਼ਨ     : ਚਮਕੌਰ ਸਾਹਿਬ ਦੀ ਜੰਗ ਵਿਚ ਮੁਗ਼ਲ ਫ਼ੌਜਾਂ ਦੇ ਮੁਕਾਬਲੇ ਵਿਚ ਸਿੰਘਾਂ ਦੀ ਫ਼ੌਜ ਦੀ ਕਿੰਨੀ ਗਿਣਤੀ ਸੀ? 
ਉੱਤਰ     : 40

ਪ੍ਰਸ਼ਨ     : ਚਮਕੌਰ ਦੇ ਯੁੱਧ ਵਿਚ ਬਾਬਾ ਅਜੀਤ ਸਿੰਘ ਜੀ ਨਾਲ ਕਿੰਨੇ ਸਿੱਖ ਨਾਲ ਗਏ ਸਨ?
ਉੱਤਰ  : ਪੰਜ 

ਪ੍ਰਸ਼ਨ : ਚਮਕੌਰ ਦੇ ਯੁੱਧ ’ਚ ਬਾਬਾ ਅਜੀਤ ਸਿੰਘ ਜੀ ਨਾਲ ਕਿਹੜੇ ਪੰਜ ਸਿੱਖ ਨਾਲ ਗਏ ਸਨ?
ਉੱਤਰ : ਭਾਈ ਮੋਹਕਮ ਸਿੰਘ, ਭਾਈ ਈਸ਼ਰ ਸਿੰਘ, ਭਾਈ ਲਾਲ ਸਿੰਘ, ਭਾਈ ਨੰਦ  ਸਿੰਘ ਤੇ ਭਾਈ ਕੇਸਰ ਸਿੰਘ

ਪ੍ਰਸ਼ਨ : ਭਾਈ ਉਦੈ ਸਿੰਘ ਜੀ ਕਿਸ ਨੂੰ ਬਚਾਉਂਦੇ ਹੋਏ ਸ਼ਹੀਦ ਹੋਏ ਸਨ?  
ਉੱਤਰ : ਬਾਬਾ ਅਜੀਤ ਸਿੰਘ ਜੀ ਨੂੰ

ਪ੍ਰਸ਼ਨ : ਸਾਹਿਬਜ਼ਾਦਾ ਅਜੀਤ ਸਿੰਘ ਜੀ ਨੇ ਕਿਹੜੇ ਹਥਿਆਰ ਰਣ-ਭੂਮੀ ’ਚ ਵਰਤੇ ਸਨ? 
ਉੱਤਰ : ਕ੍ਰਿਪਾਨ, ਨੇਜ਼ਾ ਤੇ ਤੀਰ ਕਮਾਨ

ਪ੍ਰਸ਼ਨ : ਸਾਹਿਬਜ਼ਾਦਾ ਅਜੀਤ ਸਿੰਘ ਜੀ ਦੀ ਸੂਰਬੀਰਤਾ ਨੂੰ ਵੇਖ ਕੇ ਕੌਣ ਅਸ਼-ਅਸ਼ ਕਰ ਉਠਿਆ ਸੀ?
ਉੱਤਰ : ਲਾਹੌਰ ਦਾ ਫ਼ੌਜਦਾਰ ਜ਼ਬਰਦਸਤ ਖ਼ਾਂ। 

ਪ੍ਰਸ਼ਨ :  ਬਾਬਾ ਅਜੀਤ ਸਿੰਘ ਜੀ ਕਿੱਥੇ ਤੇ ਕਦੋਂ ਸ਼ਹੀਦ ਹੋਏ ਸਨ? 
ਉੱਤਰ    :  ਚਮਕੌਰ ਦੀ ਲੜਾਈ ’ਚ 17 ਮਾਘ, 1761 ਸੰਮਤ (22 ਦਸੰਬਰ 1704 ਈ:)

ਪ੍ਰਸ਼ਨ     : ਬਾਬਾ ਅਜੀਤ ਸਿੰਘ ਜੀ ਦੀ ਸ਼ਹੀਦੀ ਸਮੇਂ ਕਿੰਨੀ ਉਮਰ ਸੀ?
ਉੱਤਰ     :     17 ਸਾਲ। 

- ਬਲਵਿੰਦਰ ਸਿੰਘ ਮੁਹੱਲਾ ਹਰਨਾਮਪੁਰਾ  
ਵਾ: ਨੰ: 16  ਕੋਟਕਪੂਰਾ (ਫ਼ਰੀਦਕੋਟ)