ਸ਼੍ਰੋਮਣੀ ਕਮੇਟੀ ਚੋਣਾਂ ਲਈ ਚੌਕਸ ਰਹੇ ਪੰਥਕ ਧਿਰ
Published : Nov 22, 2020, 9:19 am IST
Updated : Nov 22, 2020, 9:22 am IST
SHARE ARTICLE
Ranjit Singh Brahmpura - Sukhdev Dhindsa
Ranjit Singh Brahmpura - Sukhdev Dhindsa

ਮੂਹਰਲੀ ਕਤਾਰ ਦਾ ਆਗੂ ਉਹੀ ਕਹਾਏਗਾ ਜਿਸ 'ਚ ਅਪਣੇ ਦਲ ਜਾਂ ਪਾਰਟੀ ਤੇ ਕੌਮ ਨੂੰ ਵਿਸ਼ਵਾਸ 'ਚ ਲੈ ਕੇ ਚੱਲਣ ਦਾ ਹੁਨਰ ਹੋਵੇਗਾ।

ਮੁੱਖ ਮੁੱਦੇ ਤੋਂ ਥਿੜਕ ਜਾਣਾ ਨਿਸ਼ਾਨੇ ਦੀ ਪੂਰਤੀ ਨਹੀਂ ਹੋਣ ਦਿੰਦਾ, ਮੱਛੀ ਦੀ ਅੱਖ 'ਚ ਨਿਸ਼ਾਨਾ ਲਾਉਣ ਵਾਲਾ ਸਿਰਫ਼ ਉਸ ਦੀ ਅੱਖ ਨੂੰ ਵੇਖਦਾ ਰਿਹਾ। ਆਖ਼ਰ ਮੌਕਾ ਆਉਣ 'ਤੇ ਸਹੀ ਨਿਸ਼ਾਨਾ ਲਾ ਕੇ ਦੁਨੀਆਂ ਲਈ ਇਕ ਉਦਾਹਰਣ ਪੈਦਾ ਕਰ ਗਿਆ, ਜਿਸ ਦੀ ਅੱਜ ਵੀ ਮਿਸਾਲ ਦਿਤੀ ਜਾਂਦੀ ਹੈ। ਕਿਸੇ ਵੀ ਟੀਚੇ ਨੂੰ ਪੂਰਨ ਲਈ ਉਸ ਪ੍ਰਤੀ ਇਮਾਨਦਾਰ ਸੋਚ ਦਾ ਹੋਣਾ ਬੇਹੱਦ ਵੱਡੇ ਮਾਇਨੇ ਰਖਦਾ ਹੈ।

Donald TrumpDonald Trump

ਸਿਆਸਤਦਾਨ ਸਵਾਰਥੀ ਜਾਂ ਭ੍ਰਿਸ਼ਟ ਹੋ ਸਕਦਾ ਹੈ ਪਰ ਉਸ ਦੀ ਜਿੱਤ ਉਸ ਦੇ ਨਿਸ਼ਾਨੇ ਪ੍ਰਤੀ ਇਮਾਨਦਾਰ ਅਤੇ ਸਤਰਕ ਰਹਿਣ ਨਾਲ ਹੀ ਹੁੰਦੀ ਹੈ। ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਫਸਵੀਂ ਟੱਕਰ 'ਚ ਅਪਣੇ ਵਿਰੋਧੀ ਤੋਂ ਨਾ ਹਾਰਦਾ, ਜੇਕਰ ਉਹ ਅਪਣੇ ਰਾਜ ਕਾਲ ਸਮੇਂ ਅਮਰੀਕੀ ਲੋਕਾਂ ਦੀ ਭਲਾਈ ਅਤੇ ਆਮਦਨ ਵਧਾਉਣ ਵਲ ਧਿਆਨ ਦਿੰਦਾ। ਮੂਹਰਲੀ ਕਤਾਰ ਦਾ ਆਗੂ ਉਹੀ ਕਹਾਏਗਾ ਜਿਸ 'ਚ ਅਪਣੇ ਦਲ ਜਾਂ ਪਾਰਟੀ ਤੇ ਕੌਮ ਨੂੰ ਵਿਸ਼ਵਾਸ 'ਚ ਲੈ ਕੇ ਚੱਲਣ ਦਾ ਹੁਨਰ ਹੋਵੇਗਾ।

SGPCSGPC

ਮੌਜੂਦਾ ਹਾਲਾਤ 'ਚ ਪੰਜਾਬ ਵਿਚ ਸ਼੍ਰੋਮਣੀ ਕਮੇਟੀ ਚੋਣਾਂ ਨੁੰੰ ਲੈ ਕੇ ਬਾਦਲ ਦਲ ਤੋਂ ਉਲਟ ਪੰਥਕ ਆਗੂ ਇਕ ਮੰਚ ਦੇ ਆਉਂਦੇ ਵਿਖਾਈ ਦੇ ਰਹੇ ਹਨ। ਇਹ ਪੰਥਕ ਸਫ਼ਾਂ ਲਈ ਖ਼ੁਸ਼ੀ ਦੀ ਗੱਲ ਹੈ। ਲੜਾਈ ਲੰਮੀ ਹੈ ਪਰ ਅਸੰਭਵ ਕੁੱਝ ਵੀ ਨਹੀ। ਇਸ ਤੋਂ ਪਹਿਲਾਂ ਵੀ ਸੁਝਾਅ ਦੇ ਤੌਰ 'ਤੇ ਮੈਂ ਕੁੱਝ ਸ਼ਬਦ ਲਿਖੇ ਸਨ ਜਿਨ੍ਹਾਂ ਨੂੰ ਪੜ੍ਹਨ ਤੋਂ ਬਾਅਦ ਕਈ ਪੰਥਕ ਆਗੂ ਅਤੇ ਪਾਠਕ ਨਿਰਾਸ਼ ਹੋਏ ਅਤੇ ਕਹਿਣ ਲੱਗੇ ਕਿ ਤੁਸੀ ਪੰਥਕ ਧਿਰਾਂ ਦੇ ਸਬੰਧ 'ਚ ਕਾਫ਼ੀ ਕੁੱਝ ਸਿੱਧਾ ਹੀ ਲਿਖ ਦਿਤਾ।

SGPCSGPC

ਅਸਲ ਵਿਚ ਲਿਖਣਾ ਉਹੀ ਚਾਹੀਦਾ ਹੈ, ਜਿਸ ਨੂੰ ਪੜ੍ਹਨ ਨਾਲ ਕਿਸੇ ਨੂੰ ਕੋਈ ਥੋੜੀ ਬਹੁਤੀ ਸੇਧ ਜਾਂ ਸਮਝ ਮਿਲਦੀ ਹੋਵੇ, ਬਾਕੀ ਸ਼ਾਇਦ ਸਾਰੇ ਹੀ ਮੇਰੇ ਨਾਲੋਂ ਸਮਝਦਾਰ ਨੇ। ਖ਼ੈਰ! ਪੰਥਕ ਪ੍ਰਸ਼ਾਸਨ ਸ਼੍ਰੋਮਣੀ ਕਮੇਟੀ ਦੇ ਜ਼ਰੀਏ ਪੰਥਕ ਧਿਰਾਂ ਹੱਥ ਆਵੇ, ਫ਼ਿਲਹਾਲ ਇਹੀ ਕੋਸ਼ਿਸ਼ ਹੈ, ਜਿਸ ਨੂੰ ਪੂਰਨ ਲਈ ਘਾਗ ਸਿਆਸਤਦਾਨ ਅਤੇ ਸਾਬਕਾ ਅਕਾਲੀ ਆਗੂ ਸ. ਸੁਖਦੇਵ ਸਿੰਘ ਢੀਂਡਸਾ, ਜਥੇਦਾਰ ਰਣਜੀਤ ਸਿੰਘ ਬ੍ਰਹਮਪੁਰਾ, ਸ. ਰਵੀ ਇੰਦਰ ਸਿੰਘ, ਬਾਬਾ ਸਰਬਜੋਤ ਸਿੰਘ ਬੇਦੀ ਅਤੇ ਨਿਰੋਲ ਪੰਥਕ ਸ਼ਖ਼ਸੀਅਤ ਭਾਈ ਰਣਜੀਤ ਸਿੰਘ ਪਿਛਲੇ ਦਿਨੀਂ ਇਕ ਮੰਚ 'ਤੇ ਇਕੱਠੇ ਵੇਖੇ ਗਏ, ਜਿਸ ਦਾ ਪੰਥਕ ਹਲਕਿਆਂ 'ਚ ਭਰਵਾਂ ਸਵਾਗਤ ਕੀਤਾ ਗਿਆ।

sukhdev singh dhindsasukhdev singh dhindsa

ਇਕੱਠੇ ਹੋ ਜਾਣਾ ਵੱਡੀ ਗੱਲ ਹੈ ਪਰ ਉਸ ਤੋਂ ਵੀ ਵੱਡੀ ਗੱਲ ਹੈ ਮਕਸਦ ਦੀ ਜਿੱਤ ਲਈ ਰਣਨੀਤੀ ਉਲੀਕਣੀ। ਸ. ਸੁਖਦੇਵ ਸਿੰਘ ਢੀਂਡਸਾ ਦਾ ਸਿਆਸੀ ਤਜਰਬਾ ਇਸ ਪੰਥਕ ਫ਼ਰੰਟ ਨੂੰ ਕਾਫ਼ੀ ਤਾਕਤ ਦੇ ਸਕਦਾ ਹੈ। ਉਨ੍ਹਾਂ ਦਾ ਲੰਮਾ ਅਤੇ ਸਫ਼ਲ ਸਿਆਸੀ ਤਜਰਬਾ ਇਹ ਬਾਜ਼ੀ ਜਿਤਾ ਸਕਦਾ ਹੈ। ਜਥੇਦਾਰ ਭਾਈ ਰਣਜੀਤ ਸਿੰਘ ਦੀ ਨਿਰੋਲ ਪੰਥਕ ਸ਼ਖ਼ਸੀਅਤ ਇਸ ਫ਼ਰੰਟ ਨੂੰ ਪੂਰੀ ਤਰ੍ਹਾਂ ਪੰਥਕ ਬਣਾਉਂਦੀ ਹੈ, ਜਿਸ ਦਾ ਇਸ ਪੰਥਕ ਫ਼ਰੰਟ ਨੂੰ ਸਿੱਧਾ ਫ਼ਾਇਦਾ ਹੋਵੇਗਾ।

ranjit singh brahmpuraRanjit Singh Brahmpura

ਜਥੇਦਾਰ ਰਣਜੀਤ ਸਿੰਘ ਬ੍ਰਹਮਪੁਰਾ, ਸ. ਰਵੀ ਇੰਦਰ ਸਿੰਘ ਅਤੇ ਬਾਬਾ ਸਰਬਜੋਤ ਸਿੰਘ ਬੇਦੀ ਦੀ ਸ਼ਮੂਲੀਅਤ ਟੀਚਾ ਪੂਰਨ 'ਚ ਕਾਫ਼ੀ ਸਹਾਈ ਹੋਵੇਗੀ। ਬੇਸ਼ੱਕ ਸਾਰੇ ਹੀ ਪੰਥਕ ਆਗੂ ਸਿਆਸੀ ਤਜਰਬੇ ਪੱਖਂੋ 'ਬਾਬਾ ਬੋਹੜ ਨੇ' ਪਰ ਪੰਥਕ ਧੜੇ ਲਈ ਮੈਂ ਅਪਣੇ ਮਨ ਦੇ ਕੁੱਝ ਵਿਚਾਰ ਸਾਂਝੇ ਕਰਨਾ ਚਾਹੁੰਦਾ ਹਾਂ। ਸੱਭ ਤੋਂ ਪਹਿਲਾਂ ਇਹ ਧਿਆਨ ਰਖਣਾ ਹੋਵੇਗਾ ਕਿ ਜਿਸ ਉਮੀਦਵਾਰ ਨੂੰ ਜਿਥੋਂ ਚੋਣ ਲੜਾਉਣੀ ਹੈ ਉਸ ਦਾ ਐਲਾਨ ਜਲਦੀ ਕਰਨਾ ਹੋਵੇਗਾ, ਤਾਂ ਜੋ ਉਮੀਦਵਾਰ ਨੂੰ ਪਤਾ ਹੋਵੇ ਕਿ ਉਸ ਨੇ ਚੋਣ ਕਿਥੋਂ ਲੜਨੀ ਹੈ? ਇਸ ਨਾਲ ਐਨ ਸਮੇਂ 'ਤੇ ਟਿਕਟਾਂ ਦੀ ਖਿਚੋਤਾਣ ਘਟੇਗੀ।

Jathedar Bhai Ranjit SinghJathedar Bhai Ranjit Singh

ਦੂਜਾ ਕਿਸੇ ਵੀ ਉਮੀਦਵਾਰ ਨੂੰ ਟਿਕਟ ਦੇਣ ਦਾ ਝੂਠਾ ਲਾਰਾ ਲਾ ਕੇ ਉਸ ਤੋਂ ਕੰਮ ਲੈਣ ਦੇ ਮਕਸਦ ਸਬੰਧੀ ਉਸ ਨਾਲ ਵਿਸ਼ਵਾਸ਼ਘਾਤ ਨਾ ਕੀਤਾ ਜਾਵੇ। ਅਜਿਹਾ ਕਰਨ ਦੀ ਸਥਿਤੀ 'ਚ ਨਿਰਾਸ਼ ਹੋਏ ਉਮੀਦਵਾਰ ਕੁੱਝ ਵੀ ਕਰ ਸਕਣ ਦੀ ਤਾਕਤ 'ਚ ਆ ਜਾਂਦੇ ਹਨ, ਜਿਸ ਦੀ ਪ੍ਰਤੱਖ ਉਦਾਹਰਣ ਪਿਛਲੀਆਂ ਵਿਧਾਨ ਸਭਾ ਚੋਣਾਂ 'ਚ ਆਮ ਆਦਮੀ ਪਾਰਟੀ ਦੀ ਹੈ। ਉਸ ਸਮੇਂ ਮੈਨੂੰ ਯਾਦ ਹੈ ਕਿ ਮੈਂ ਆਮ ਆਦਮੀ ਪਾਰਟੀ ਦੇ ਇਕ ਆਗੂ ਨਾਲ ਗੱਲ ਕੀਤੀ ਕਿ ਇਕ ਇਕ ਸੀਟ 'ਤੇ ਟਿਕਟਾਂ ਮੰਗਣ ਵਾਲੇ ਉਮੀਦਵਾਰ ਕਈ ਹਨ ਪਰ ਪਾਰਟੀ ਸੱਭ ਨੂੰ ਹੀ ਟਿਕਟ ਦਾ ਲਾਰਾ ਲਾ ਕੇ ਅਪਣੇ ਨਾਲ ਲਾਈ ਫਿਰਦੀ ਹੈ।

SGPCSGPC

ਕੀ ਇਸ ਦਾ ਨੁਕਸਾਨ ਨਹੀਂ ਹੋਵੇਗਾ? ਉਸ ਨੇ ਕਿਹਾ ਇਸ ਦਾ ਕੋਈ ਨੁਕਸਾਨ ਨਹੀਂ ਹੁੰਦਾ। ਪਾਰਟੀ ਦਾ ਪ੍ਰਚਾਰ ਮੁਫ਼ਤ 'ਚ ਹੀ ਐਨੇ ਜਣੇ ਕਰ ਰਹੇ ਹੋਣ, ਹੋਰ ਕੀ ਚਾਹੀਦੈ? ਉਸ ਨੇ ਕਿਹਾ ਕਿ ਇਸ ਤਰ੍ਹਾਂ ਸਾਰਿਆਂ ਨੂੰ ਹੀ ਲਾਲਚ ਵਸ ਕੰਮ ਲਾਈ ਰੱਖੋ। ਮੈਂ ਉਸ ਦੀ ਗੱਲ ਤਾਂ ਸੁਣ ਲਈ ਪਰ ਉਸ ਨਾਲ ਸਹਿਮਤ ਨਾ ਹੋਇਆ। ਆਖ਼ਰ ਉਹੀ ਹੋਇਆ, ਟਿਕਟਾਂ ਨਾ ਮਿਲਣ ਵਾਲਿਆਂ ਨੇ ਇਨ੍ਹਾਂ ਨੂੰ ਦਿਨੇ ਤਾਰੇ ਦਿਖਾ ਦਿਤੇ ਅਤੇ ਆਮ ਆਦਮੀ ਪਾਰਟੀ ਨੂੰ ਮੁੱਧੇ ਮੂੰਹ ਸੁੱਟ ਦਿਤਾ। ਇਸ ਤੋਂ ਬਾਅਦ ਆਪ ਵੀ ਉਹ ਆਗੂ ਬਾਅਦ 'ਚ ਕਈ ਪਾਰਟੀਆਂ ਬਦਲ ਕੇ ਆਖਰ ਘਰ ਬੈਠ ਗਿਆ। ਕਹਿੰਦੇ ਨੇ ਕਿ ਬਹੁਤਾ ਸਿਆਣਾ ਅਤੇ ਚਾਲਾਕ ਬੰਦਾ ਛੇਤੀ ਹੀ ਮਾਰ ਖਾ ਜਾਇਆ ਕਰਦਾ ਹੈ, ਸੋ ਉਹੀ ਹੋਇਆ।

Aam Aadmi Party Aam Aadmi Party

ਬੀ.ਏ ਦੇ ਸਿਲੇਬਸ 'ਚ ਇਤਿਹਾਸ ਦੀ ਕਿਤਾਬ ਦੇ ਪਹਿਲੇ ਪੰਨੇ 'ਤੇ ਲਿਖੇ ਸ਼ਬਦ 'ਇਤਿਹਾਸ ਇਨਸਾਨ ਨੂੰ ਸਿਆਣਾ ਬਣਾਉਂਦਾ ਹੈ' ਮੈਨੂੰ ਕਦੇ ਨਹੀਂ ਭੁੱਲਦੇ। ਇਤਿਹਾਸ ਤੋਂ ਜੇਕਰ ਕੁੱਝ ਸਿਖੀਏ ਹੀ ਨਾ ਫਿਰ ਕਾਹਦੀਆਂ ਸਿਆਣਪਾਂ? ਤੀਜਾ ਵਿਚਾਰ ਮੇਰਾ ਇਹ ਹੈ ਕਿ ਸਾਰੇ ਪੰਥਕ ਨੇਤਾ ਭਾਈ ਰਣਜੀਤ ਸਿੰਘ ਨੂੰ ਅਪਣਾ ਪੰਥਕ ਆਗੂ ਮੰਨਣ ਦਾ ਐਲਾਨ ਕਰਨ। ਇਸ ਨਾਲ ਸੰਗਤ ਨੂੰ ਇਹ ਪਤਾ ਲੱਗ ਜਾਵੇਗਾ ਕਿ ਚੋਣਾਂ ਉਪਰੰਤ ਵਾਗਡੋਰ ਕਿਸ ਆਗੂ ਹੱਥ ਹੋਵੇਗੀ। ਆਖਰੀ ਪਰ ਸੱਭ ਤੋਂ ਅਹਿਮ ਵਿਚਾਰ ਹੈ, ਵੋਟਾਂ ਬਣਾਉਣ ਸਬੰਧੀ।

Shiromani CommitteeShiromani Committee

ਸ਼੍ਰੋਮਣੀ ਕਮੇਟੀ ਚੋਣਾਂ 'ਚ ਅਕਾਲੀ ਦਲ ਦੀਆਂ ਪਿਛਲੀਆਂ ਜਿੱਤਾਂ ਵਲ ਜੇਕਰ ਨਜ਼ਰ ਮਾਰੀਏ ਤਾਂ ਪਤਾ ਲਗਦਾ ਹੈ ਅਕਾਲੀ ਦਲ ਵੋਟਾਂ ਬਣਾਉਣ ਦੇ ਮਾਮਲੇ 'ਚ ਕਾਫ਼ੀ ਅੱਗੇ ਨਿਕਲ ਜਾਂਦਾ ਹੈ, ਜਿਸ ਦਾ ਸਿੱਧਾ ਨੁਕਸਾਨ ਵਿਰੋਧੀ ਧਿਰਾਂ ਨੂੰ ਹੁੰਦਾ ਹੈ। ਚੋਣਾਂ ਸਬੰਧੀ ਨੋਟੀਫ਼ਿਕੇਸ਼ਨ ਜਾਰੀ ਹੋਣ 'ਤੇ ਤੁਰਤ ਵੋਟਾਂ ਬਣਾਉਣ ਦਾ ਕੰਮ ਸ਼ੁਰੂ ਹੋਵੇਗਾ, ਜਿਸ ਦੌਰਾਨ ਪੰਥਕ ਫ਼ਰੰਟ ਨੂੰ ਹਿੰਮਤ ਕਰ ਕੇ ਜਿਨ੍ਹਾਂ ਦੀਆਂ ਵੋਟਾਂ ਨਹੀਂ ਬਣੀਆਂ, ਉਹ ਬਣਾਉਣੀਆਂ ਚਾਹਦੀਆਂ ਹਨ। ਇਹ ਉਹ ਕੰਮ ਹੈ ਜਿਸ ਨਾਲ ਸ਼੍ਰੋਮਣੀ ਕਮੇਟੀ ਚੋਣਾਂ 'ਚ ਅਕਸਰ ਜਿੱਤ ਹਾਰ ਤੈਅ ਹੁੰਦੀ ਹੈ। ਉਮੀਦ ਹੈ ਕਿ ਨਵਾਂ ਪੰਥਕ ਮੰਚ ਸਿੱਖਾਂ ਨੂੰ ਇਕ ਨਵਾਂ ਗੁਰਦਵਾਰਾ ਪ੍ਰਬੰਧ ਦੇਵੇਗਾ ਅਤੇ ਪੰਥਕ ਅਸੂਲਾਂ 'ਚ ਆਏ ਨਿਘਾਰ ਨੂੰ ਠੱਲਣ ਲਈ ਨਵੇਂ ਚਿਹਰੇ, ਨਵੇਂ ਉਪਰਾਲੇ ਕਰਨਗੇ ਜਿਸ ਦਾ ਪੰਥ ਅਤੇ ਕੌਮ ਨੂੰ ਵੱਡਾ ਫ਼ਾਇਦਾ ਹੋਵੇਗਾ।

-ਪ੍ਰੋਫੈਸਰ ਧਰਮਜੀਤ ਸਿੰਘ ਜਲਵੇੜਾ,
ਜ਼ਿਲ੍ਹਾ - ਸ਼੍ਰੀ ਫ਼ਤਹਿਗੜ੍ਹ ਸਾਹਿਬ।
ਮੋਬਾਈਲ : 9478460084          

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 13/07/2025

13 Jul 2025 9:00 PM

ਖੇਡਾਂ ਬਦਲਣਗੀਆਂ ਪੰਜਾਬ ਦਾ ਭਵਿੱਖ, ਕਿਵੇਂ ਖ਼ਤਮ ਹੋਵੇਗਾ ਨਸ਼ਾ ?

13 Jul 2025 8:56 PM

Chandigarh police slapped a Sikh youth | Police remove Sikh turban | Chandigarh police Latest News

12 Jul 2025 5:52 PM

Batala Conductor Woman Clash : Batala 'ਚ Conductor ਨਾਲ਼ ਤੂੰ ਤੂੰ ਮੈਂ ਮੈਂ ਮਗਰੋਂ ਔਰਤ ਹੋਈ ਬੇਹੋਸ਼

12 Jul 2025 5:52 PM

Harpal Cheema VS Partap Bajwa : ਪ੍ਰਤਾਪ ਬਾਜਵਾ ਤੇ ਹਰਪਾਲ ਚੀਮਾ ਦੀ ਹੋ ਗਈ ਬਹਿਸ ਤੁਸੀ ਗੈਂਗਸਟਰ ਪਾਲੇ ਆ

11 Jul 2025 12:17 PM
Advertisement