ਜਥੇਦਾਰ ਨੇ ਪੂਰਾ ਨਹੀਂ ਕੀਤਾ ਸੀ ਭਾਈ ਗੁਰਬਖ਼ਸ਼ ਸਿੰਘ ਨਾਲ ਕੀਤਾ ਵਾਅਦਾ

ਭਾਈ ਗੁਰਬਖ਼ਸ਼ ਸਿੰਘ ਖ਼ਾਲਸਾ ਦੀ ਆਖ਼ਰੀ ਗੱਲਬਾਤ ਨੇ ਕੌਮੀ ਆਗੂਆਂ ਦੇ ਕਿਰਦਾਰ 'ਤੇ ਹੀ ਸਵਾਲੀਆ ਚਿੰਨ੍ਹ ਲਗਾ ਦਿਤਾ ਹੈ। ਬੈਲਜੀਅਮ ਤੋਂ ਜਸਵਿੰਦਰ ਸਿੰਘ ਨਾਂ ਦੇ ਵਿਅਕਤੀ ਨੇ ਗੱਲਬਾਤ ਦੇ ਸ਼ੁਰੂ ਵਿਚ ਹੀ ਭਾਈ ਖ਼ਾਲਸਾ ਰੋ ਕੇ ਗੱਲ ਕਰ ਰਹੇ ਹਨ। ਉਹ ਫ਼ੋਨ ਕਰਨ ਵਾਲੇ ਨੂੰ ਦਸਦੇ ਹਨ ਕਿ ਉਹ ਟੈਂਕੀ ਤੇ ਚੜੇ ਹੋਏ ਹਨ ਤੇ ਹੇਠਾਂ ਪੂਰੇ ਹਰਿਆਣਾ ਦਾ ਪ੍ਰਸ਼ਾਸਨ ਖੜਾ ਹੈ। ਐਸ ਐਸ ਪੀ ਡੀ ਸੀ ਆਦਿ ਸਾਰੇ ਟੈਕੀ ਹੇਠਾਂ ਖੜੇ ਹਨ।  ਭਾਈ ਖਾਲਸਾ ਦਸਦੇ ਹਨ ਕਿ ਮੇਰੇ ਨਾਲ ਧੱਕਾ ਹੋ ਰਿਹਾ ਹੈ।  ਪਾਣੀ ਵਾਲੀਆਂ ਗਡੀਆਂ ਵੀ ਹੇਠਾ ਖੜੀਆਂ ਕੀਤੀਆਂ ਹੋਈਆਂ ਹਨ। ਭਾਈ ਖਾਲਸਾ ਇਸ ਗਲ ਤੇ ਰੋਸ ਜਿਤਾਉਾਂਦੇਹਨ ਕਿ ਜੋ ਮੈਨੂੰ ਕਹਿੰਦੇ ਸਨ ਕਿ ਮਰ ਗਿਆ ਉਹ ਕਿਥੇ ਮਰ ਗਏ ਮੇਰੇ ਨਾਲ ਆ ਕੇ ਖੜੇ ਕਿਉਂ ਨਹੀ ਹੁੰਦੇ? ਮੈਂ ਅਪਣਾ ਬਚਨ ਪੂਰਾ ਕਰਨਾ ਹੈ। ਜ਼ੋਰ ਲਗਾ ਲਏ ਪ੍ਰਸ਼ਾਸ਼ਨ। ਮੇਰੀ ਟੈਕੀ ਘੇਰੀ ਹੋਈ ਹੈ। ਗੁਰਮੀਤ ਸਿੰਘ (ਬੇਅੰਤ ਸਿੰਘ ਕਾਂਡ) ਨੇ ਮੈਨੂੰ ਪਹਿਲਾਂ ਉਠਾਇਆ ਸੀ, ਉਸ ਨੇ ਹੀ ਮੈਨੂੰ ਮੁੜ ਬਿਠਾਇਆ ਹੈ। ਮੈਂ ਭੁੱਖ ਹੜਤਾਲ 'ਤੇ ਨਹੀਂ ਮਰਨ ਵਰਤ 'ਤੇ ਬੈਠਾ ਹੋÎਇਆ ਹਾਂ। ਵਾਇਰਲ ਆਡੀਉ ਵਿਚ ਕਿਹਾ ਗਿਆ ਹੈ ਕਿ ਮੈਂ ਧਰਤੀ ਤੋਂ 100 ਫੁਟ ਉਪਰ ਖੜਾ ਹਾਂ ਤੇ ਮੇਰੇ ਕੋਲ ਪਟਰੌਲ ਅਤੇ ਸਾਇਨਾਈਡ ਵੀ ਹੈ। ਮੇਰੇ ਕੋਲ ਕੋਈ ਸਿੰਘ ਨਹੀਂ ਆਇਆ। ਜ਼ਿੰਮੇਵਾਰ ਲੋਕਾਂ ਨੇ ਜ਼ਿੰਮੇਵਾਰੀ ਲਈ ਹੋਈ ਹੈ। ਸਿੰਘ ਸਾਹਿਬ ਅਤੇ ਭਾਈ ਦਿੱਲੀ ਵਾਲੇ ਦੀ ਦੇਖ ਰੇਖ ਵਿਚ ਜ਼ਿੰਮੇਵਾਰੀ ਲਈ ਹੋਈ ਸੀ। ਸਿੰਘ ਸਾਹਿਬ ਅਤੇ ਭਾਈ ਦਿੱਲੀ ਵਾਲੇ ਨੇ ਲੋਕਾਂ ਨੂੰ ਭਰੋਸਾ ਦਿਵਾਇਆ ਸੀ ਕਿ (ਬੰਦੀ ਸਿੰਘਾਂ ਦੀ ਰਿਹਾਈ ਲਈ) ਅਸੀਂ ਸਾਰੇ ਯਤਨ ਕਰਾਂਗੇ। ਪਤਾ ਨਹੀ ਸੀ ਕਿ ਇਨਾਂ ਧੱਕਾ ਹੋ ਜਾਣੈ। ਜੋ ਕਹਿੰਦੈ ਸੀ ਕਿ ਕਿਉਂ ਭੱਜ ਗਿਆ ਉਨ੍ਹਾਂ ਨੂੰ ਸੱਦਾ ਦਿਉਂ ਕਿ ਆਉ ਮੈ ਖੜਾ ਹਾਂ। ਦਸਣਯੋਗ ਹੈ ਕਿ ਭਾਈ ਖਾਲਸਾ ਨਾਲ 30 ਦਸੰਬਰ 2013 ਨੂੰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਨੇ ਸ੍ਰੀ ਦਰਬਾਰ ਸਾਹਿਬ ਦੀ ਪ੍ਰਕਰਮਾਂ ਵਿਚ ਜੂਸ ਪਿਲਾਉਣ ਸਮੇਂ ਵਾਅਦਾ ਕੀਤਾ ਸੀ ਕਿ ਉਹ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਸਮੇ ਦੀ ਸਰਕਾਰ (ਅਕਾਲੀ ਦਲ ਭਾਰਤੀ ਜਨਤਾ ਪਾਰਟੀ ਦੀ ਸਰਕਾਰ) ਨਾਲ ਗੱਲਬਾਤ ਕਰ ਕੇ ਸਜ਼ਾਵਾਂ ਪੂਰੀਆਂ ਕਰ ਚੁੱਕੇ ਸਿੰਘਾਂ ਦੀ ਰਿਹਾਈ ਲਈ ਯਤਨ ਕਰਨਗੇ ਪਰ ਜਥੇਦਾਰ ਦਾ ਕੀਤਾ ਵਾਅਦਾ ਪੂਰਾ ਨਾ ਹੋਇਆ। ਭਾਈ ਖ਼ਾਲਸਾ ਸਮੇਂ-ਸਮੇਂ ਤੇ ਜਥੇਦਾਰ ਨਾਲ ਮੁਲਾਕਾਤਾਂ ਕਰਕੇ ਉਨ੍ਹਾਂ ਨੂੰ ਵਾਅਦਾ ਯਾਦ ਕਰਵਾਉਾਂਦੇਰਹੇ। ਇਸੇ ਦੌਰਾਣ ਤਖ਼ਤ ਸ੍ਰੀ ਹਰਿਮੰਦਰ ਜੀ ਪਟਨਾ ਸਾਹਿਬ ਦੇ ਧਰਮ ਪ੍ਰਚਾਰ ਕਮੇਟੀ ਦੇ ਸਾਬਕਾ ਚੈਅਰਮੈਨ ਭਾਈ ਭੁਪਿੰਦਰ ਸਿੰਘ ਸਾਧੂ ਨੇ ਭਾਈ ਗੁਰਬਖਸ਼ ਸਿੰਘ ਦੀ ਮੌਤ ਦਾ  ਕਾਰਨ ਮਨਜੀਤ ਸਿੰਘ ਜੀ ਕੇ ਅਤੇ ਜਥੇਦਾਰ ਗੁਰਬਚਨ ਸਿੰਘ ਨੂੰ ਦਸਆ।

Bhai gurbaksh singh khalsa

ਭਾਈ ਸਾਧੂ ਨੇ ਕਿਹਾ ਕਿ ਇਹਨਾ ਨੇ ਗੁਰਬਖਸ਼ ਸਿੰਘ ਨੂੰ ਪਹਿਲਾ ਦੋਵੇ ਵਾਰ ਝੂਠਾ ਭਰੋਸਾ ਦਵਾ ਕੇ ਭੁੱਖ ਹੜਤਾਲ ਖਤਮ ਕਰਾਈ। ਭਾਈ ਗੁਰਬਖਸ਼ ਸਿੰਘ ਨੇ ਦੋਵੇ ਵਾਰ  ਭਰੋਸਾ ਕਰ ਕੇ ਭੁੱਖ ਹੜਤਾਲ ਅਤੇ ਮਰਨ ਵਰਤ ਖਤਮ ਕਰ ਦਿੱਤਾ ਜਿਸ ਕਰਕੇ  ਸੰਗਤਾਂ ਦਾ ਗੁਰਬਖਸ਼ ਸਿੰਘ ਤੋ ਵਿਸ਼ਵਾਸ ਉਠ ਗਿਆ। ਸੰਗਤ ਭਾਈ ਗੁਰਬਖਸ਼ ਸਿੰਘ ਦਾ ਸਾਥ ਦੇਣ ਦੀ ਬਜਾਏ ਵਿਰੋਧ ਕਰਨ ਲੱਗ ਪਈ। ਕੌਮ ਦਾ ਗਦਾਰ ਸਮਝਣ ਲੱਗੇ , ਭਾਈ ਗੁਰਬਖਸ਼ ਸਿੰਘ ਜਾਦਾ ਸਮੇ ਨਮੋਸ਼ੀ ਨਾ ਝੱਲ ਸਕੇ ,ਆਖਰੀ ਉਹਨਾ ਮੌਤ ਵਾਲਾ ਕਦਮ ਚੁੱਕਿਆ ਭਾਈ ਗੁਰਬਖਸ਼ ਸਿੰਘ ਸੱਚੇ ਸੀ ਕਿਉਕਿ ਉਹਨਾ ਆਪਣੀ  ਮਰਜੀ ਨਾਲ ਭੁੱਖ ਹੜਤਾਲ (ਮਰਨ ਵਰਤ) ਖਤਮ ਨਹੀ ਕੀਤੀ ਸੀ।   ਉਹਨਾ ਤੋ ਮਨਜੀਤ ਸਿੰਘ ਜੀ ਕੇ ਅਤੇ ਅਕਾਲ ਤਖਤ ਦੇ ਜੱਥੇਦਾਰ ਗੁਰਚਰਨ ਸਿੰਘ ਨੇ ਜਬਰਦਸਤੀ ਨਾਲ ਵਿਸ਼ਵਾਸ ਦਿਵਾ ਕੇ ਸਿੰਘਾ ਦੀ ਰਿਹਾਈ ਦੀ ਜ਼ਿੰਮੇਵਾਰੀ ਲੈ ਕੇ ਭੁੱਖ ਹੜਤਾਲ (ਮਰਨ ਵਰਤ) ਖਤਮ ਕਰਾ ਦਿੱਤਾ । ਭਾਈ ਸਾਧੂ ਨੇ ਕਿਹਾ ਕਿ ਮਨਜੀਤ ਸਿੰਘ ਜੀ ਕੇ ਅਤੇ ਗਿਆਨੀ  ਗੁਰਬਚਨ ਸਿੰਘ ਨੇ ਭੁੱਖ ਹੜਤਾਲ ਖਤਮ ਕਿਉ ਕਰਾਈ ? ਕਿਉਂਕਿ ਭਾਈ ਗੁਰਬਖਸ਼ ਸਿੰਘ ਦੇ ਸਘਰੰਸ਼ ਕਰਕੇ ਸਾਰੇ ਲੋਕ ਬਾਬੇ ਕਲਾਕਾਰ ਇਕਠੇ ਹੋਗਏ ਸਨ ਬਹੁਤ ਵੱਡੀ ਲਹਿਰ ਬਣ ਗਈ ਸੀ ਜਿਸ ਕਰਕੇ ਉਸ ਸਮੇ ਪੰਜਾਬ ਵਿੱਚ  ਅਕਾਲੀ ਸਰਕਾਰ ਬਾਦਲ ਦਾ ਰਾਜ ਤਾਸ਼ ਦੇ ਪੱਤੀਆ ਵਾਗ ਖਿਲਰਨ ਵਾਲਾ ਸੀ ਉਸ ਨੂੰ ਬਚਾਉਣ ਲਈ  ਭਾਈ ਗੁਰਬਖਸ਼ ਸਿੰਘ ਦੀ ਭੁੱਖ ਹੜਤਾਲ ਖਤਮ ਕਰਾਈ। ਉਨ੍ਹਾਂ ਕਿਹਾ ਕਿ ਭਾਈ ਗੁਰਬਖਸ਼ ਸਿੰਘ ਦੇ ਅਸਲੀ ਕਾਤਲ ਮਨਜੀਤ ਸਿੰਘ ਜੀ ਕੇ ਤੇ ਜਥੇਦਾਰ ਗੁਰਬਚਨ ਸਿੰਘ ਹੈ, ਇਨ੍ਹਾਂ 'ਤੇ ਹੀ ਭਰੋਸਾ ਕਰ ਕੇ ਉਨ੍ਹਾਂ ਦੋਵੇਂ ਵਾਰ ਭੁੱਖ ਹੜਤਾਲ ਖ਼ਤਮ ਕਰ ਕੇ ਅਪਣੀ ਇੱਜ਼ਤ ਗਵਾਈ ਅਤੇ ਕੌਮ ਨਾਲ ਗਦਾਰੀ ਕਰਨ ਦਾ ਦਾਗ ਵੀ ਲਵਾ ਲਿਆ ਜਿਸ ਨੂੰ ਧੋਣ ਲਈ ਅਪਣੀ ਜਾਨ ਦੇ ਦਿਤੀ।