ਮਨਮੋਹਨ ਵਾਰਿਸ, ਕਮਲ ਹੀਰ ਅਤੇ ਸੰਗੀਤਕਾਰ ਸੰਗਤਾਰ ਪੁੱਜੇ ਨਿਊਜ਼ੀਲੈਂਡ
New Zealand Sikh Games: 5ਵੀਂ ਨਿਊਜ਼ੀਲੈਂਡ ਸਿੱਖ ਖੇਡਾਂ (25 ਅਤੇ 26 ਨਵੰਬਰ) ਦੀਆਂ ਤਿਆਰੀਆਂ ਇਸ ਵੇਲੇ ਬਰੂਸ ਪੁਲਮਨ ਪਾਰਕ ਟਾਕਾਨੀਨੀ ਪੂਰੇ ਜ਼ੋਰ-ਸ਼ੋਰ ਨਾਲ ਚੱਲ ਰਹੀਆਂ ਹਨ। ਵੱਡ ਅਕਾਰੀ ਦੋ ਸਟੇਜਾਂ, ਲਗਭਗ 18 ਖੇਡਾਂ ਲਈ ਖੇਡ ਮੈਦਾਨ ਅਤੇ ਇਨਡੋਰ ਸਟੇਡੀਅਮ, ਕਿ੍ਰਕਟ ਮੈਦਾਨ, ਫ਼ੁੱਟਬਾਲ ਮੈਦਾਨ, ਲੰਗਰ ਅਸਥਾਨ, ਵੱਖ-ਵੱਖ ਸਪਾਂਸਰਜ਼ ਦੇ ਸਟਾਲ, ਵੱਡੇ ਰੇਨ ਸ਼ੈਲਟਰ ਅਤੇ ਇਨਾਮਾਂ ਦੀ ਪੇਸ਼ਕਾਰੀ ਲਈ ਬਹੁਤ ਸਾਰੀਆਂ ਤਿਆਰੀਆਂ ਲਗਭਗ ਮੁਕੰਮਲ ਹੋ ਚੁਕੀਆਂ ਹਨ।
ਨਿਊਜ਼ੀਲੈਂਡ ਸਿੱਖ ਖੇਡਾਂ ਦੀ ਕਮੇਟੀ, ਨੌਜਵਾਨ ਐਡਮਿਨ ਦਲ, ਵਲੰਟੀਅਰਜ਼ ਅਤੇ ਮੀਡੀਆ ਸਹਿਯੋਗੀ ਅਪਣਾ-ਅਪਣਾ ਯੋਗਦਾਨ ਪਾਉਣ ਜੁੱਟ ਗਏ ਹਨ। ਲੰਗਰ ਦੀਆਂ ਤਿਆਰੀਆਂ ਵਾਸਤੇ ਗੁਰਦੁਆਰਾ ਸਾਹਿਬ ਬੰਬੇ ਹਿੱਲ ਵਿਖੇ ਤਿਆਰੀਆਂ ਜਾਰੀ ਹਨ। ਸਭਿਆਚਾਰਕ ਸਟੇਜ ਉਤੇ ਖੁੱਲਾ ਅਖਾੜਾ ਲਾਉਣ ਵਾਲੇ ਵਾਰਿਸ ਭਰਾ ਮਨਮੋਹਨ ਵਾਰਿਸ, ਕਮਲ ਹੀਰ ਅਤੇ ਸੰਗੀਤਕਾਰ ਸੰਗਤਾਰ ਅੱਜ ਇਥੇ ਪਹੁੰਚ ਗਏ ਹਨ। ਉਨ੍ਹਾਂ ਦਾ ਆਕਲੈਂਡ ਹਵਾਈ ਅੱਡੇ ਉਤੇ ਭਰਵਾਂ ਸਵਾਗਤ ਕੀਤਾ ਗਿਆ।
ਜ਼ਿਕਰਯੋਗ ਹੈ ਕਿ ਇਹ ਖੇਡਾਂ ਅਤੇ ਸਟੇਜ ਦੇਰ ਸ਼ਾਮ ਤਕ ਚਲਦੀ ਰਹਿੰਦੀ ਹੈ ਜਿਥੇ ਅੰਤਰਰਾਸ਼ਟਰੀ ਕਲਾਕਾਰ ਅਤੇ ਸਥਾਨਕ ਕਲਾਕਾਰ ਅਪਣੀ ਕਲਾ ਦਾ ਪ੍ਰਦਰਸ਼ਨ ਕਰਦੇ ਹਨ।
(For more news apart from 5th New Zealand Sikh Games starting today, stay tuned to Rozana Spokesman)
