ਚੰਡੀਗੜ੍ਹ, 19 ਦਸੰਬਰ (ਤਰੁਣ ਭਜਨੀ): ਯੂ.ਟੀ. ਸਿਖਿਆ ਵਿਭਾਗ ਨੇ ਸਾਲ 2017 ਵਿਚ ਕਈ ਮੁਕਾਮ ਤੈਅ ਕੀਤੇ। ਸਰਵ ਸਿਖਿਆ ਅਭਿਆਨ ਦੇ ਲਗਭਗ 1100 ਅਧਿਆਪਕਾਂ ਨੂੰ ਕਈ ਮਹੀਨੇ ਬਿਨਾਂ ਤਨਖ਼ਾਹ ਦੇ ਗੁਜ਼ਾਰਨੇ ਪਏ। ਇਸ ਤੋਂ ਇਲਾਵਾ ਵਿਭਾਗ ਵਿਚ ਭਰਤੀ ਨੂੰ ਲੈ ਕੇ ਵੀ ਆਖ਼ਰ ਤਕ ਕੋਈ ਯੋਜਨਾ ਨਹੀਂ ਬਣੀ ਅਤੇ ਪੂਰੇ ਸਾਲ ਵਿਚ ਅਧਿਆਪਕਾਂ ਦੀ ਭਰਤੀ ਨਹੀਂ ਹੋ ਸਕੀ, ਉਥੇ ਹੀ ਵਿਭਾਗ ਨੇ ਵੀ ਇਸ ਸਾਲ ਕੁੱਝ ਨਵੇਂ ਤਜਰਬੇ ਕੀਤੇ ਜਿਸ ਵਿਚ ਇੰਟਰਨੈੱਟ ਨੇ ਵੀ ਸਕੂਲਾਂ ਵਿਚ ਅਪਣੀ ਧਾਕ ਵਿਖਾਈ ਅਤੇ ਕਈ ਨਵੀਆਂ ਚੀਜ਼ਾਂ ਦੀ ਸ਼ੁਰੂਆਤ ਕੀਤੀ ਗਈ, ਉਸ ਵਿਚ ਸੱਭ ਤੋਂ ਅਹਿਮ ਈ-ਪੇਮੈਂਟ ਰਹੀ। ਸਕੂਲਾਂ ਵਿਚ ਫ਼ੀਸਾਂ ਸਵਾਈਪ ਮਸ਼ੀਨਾਂ ਨਾਲ ਜਮਾ ਹੋਈ ਅਤੇ ਵਿਦਿਆਰਥੀਆਂ ਦੀ ਵਰਦੀ ਦੇ ਪੈਸੇ ਵੀ ਸਿੱਧੇ ਬੈਂਕ ਖ਼ਾਤੇ ਵਿਚ ਗਏ।  ਅਧਿਆਪਕਾਂ ਦੀ ਨਹੀਂ ਹੋਈ ਭਰਤੀ : ਸ਼ਹਿਰ ਦੇ 115 ਸਰਕਾਰੀ ਸਕੂਲਾਂ ਵਿਚ ਅਧਿਆਪਕਾਂ ਦੀ ਕਮੀ ਹੈ। ਇਸ ਸਮੇਂ ਕਰੀਬ 5100 ਦੇ ਕਰੀਬ ਅਧਿਆਪਕ ਸਕੂਲਾਂ ਵਿਚ ਕੰਮ ਕਰ ਰਹੇ ਹਨ ਜਦਕਿ ਜ਼ਰੂਰਤ 7000 ਦੇ ਕਰੀਬ ਹੈ। ਅਜਿਹੇ ਵਿਚ ਇਸ ਵਾਰ ਵਿਭਾਗ ਨੇ ਅਕਤੂਬਰ-ਨਬੰਵਰ 2017 ਵਿਚ ਅਧਿਆਪਕਾਂ ਦੀ ਭਰਤੀ ਕਰਨ ਦੀ ਯੋਜਨਾ ਬਣਾਈ ਸੀ ਪਰ ਉਹ ਸਿਰੇ ਨਹੀਂ ਚੜ੍ਹ ਸਕੀ। ਸੂਤਰਾਂ ਮੁਤਾਬਕ ਕੇਂਦਰ ਸਰਕਾਰ ਵਲੋਂ ਘੱਟ ਬਜਟ ਦੇਣ ਦੇ ਕਾਰਨ ਇਹ ਭਰਤੀ ਨਹੀਂ ਹੋ ਸਕੀ। ਜਦਕਿ ਸਾਲ 2015 ਵਿਚ ਸਾਹਮਣੇ ਆਇਆ ਅਧਿਆਪਕ ਭਰਤੀ ਘੋਟਾਲੇ ਵਿਚ ਪੁਲਿਸ ਦੀ ਜਾਂਚ ਹੌਲੀ ਹੋ ਗਈ ਹੈ।ਕੰਪਿਊਟਰ ਅਧਿਆਪਕ ਤੇ ਡਾਟਾ ਅਪਰੇਟਰਾਂ ਨੂੰ ਕੱਢ ਕੇ ਮੁੜ ਰਖਿਆ: ਸ਼ਹਿਰ ਦੇ ਸਰਕਾਰੀ ਸਕੂਲਾਂ ਵਿਚ 200 ਕੰਪਿਊਟਰ ਅਧਿਆਪਕ ਅਤੇ ਡਾਟਾ ਅਪਰੇਟਰ ਕੰਮ ਕਰ ਰਹੇ ਸਨ।  ਉਨ੍ਹਾਂ ਮਾਰਚ 2017 ਵਿਚ ਤਨਖ਼ਾਹ ਵਧਾਉਣ ਅਤੇ ਪੱਕਾ ਕਰਨ ਦੀ ਮੰਗ ਕੀਤੀ ਸੀ ਜਿਸ ਤੋਂ ਬਾਅਦ ਸਿਖਿਆ ਵਿਭਾਗ ਨੇ ਉਨ੍ਹਾਂ ਦੀ ਮੰਗਾਂ ਮਨਣ ਦੀ ਬਜਾਏ ਉਨ੍ਹਾਂ ਨੂੰ ਸੇਵਾਮੁਕਤ ਹੀ ਕਰ ਦਿਤਾ ਸੀ। ਕਰੀਬ ਇਕ ਮਹੀਨਾ ਧਰਨੇ ਆਦਿ ਦੇਣ ਤੋਂ ਬਾਅਦ ਸੇਵਾ ਮੁਕਤ ਉਕਤ ਅਧਿਆਪਕਾਂ ਨੂੰ ਸਿਖਿਆ ਵਿਭਾਗ ਨੇ ਮੁੜ ਕੰਟਰੈਕਟ 'ਤੇ ਰੱਖ ਲਿਆ ਸੀ।  

ਨਵੇਂ ਸਿਖਿਆ ਸਕੱਤਰ ਨੇ ਸਾਂਭਿਆ ਕਾਰਜਭਾਰ, ਕਈ ਅਧਿਕਾਰੀ ਹੋਏ ਸੇਵਾਮੁਕਤ: ਇਸੇ ਸਾਲ ਨਵੇਂ ਸਿਖਿਆ ਸਕੱਤਰ ਬੰਸੀ ਲਾਲ ਸ਼ਰਮਾ ਨੇ ਚੰਡੀਗੜ੍ਹ ਪ੍ਰਸ਼ਾਸਨ ਵਿਚ ਅਪਣਾ ਕਾਰਜਭਾਰ ਸੰਭਾਲਿਆ। ਬੰਸੀ ਲਾਲ ਸ਼ਰਮਾ ਨੇ ਸਰਬਜੀਤ ਸਿੰਘ ਦੀ ਥਾਂ ਤੇ ਕਾਰਜਭਾਰ ਸੰਭਾਲਿਆ ਸੀ। ਇਸੇ ਤਰ੍ਹਾਂ ਅਨੁਜੀਤ ਕੌਰ ਨੂੰ ਜਿਲਾ ਸਿਖਿਆ ਅਧਿਕਾਰੀ ਬਣਾਇਆ ਗਿਆ। ਜ਼ਿਲ੍ਹਾ ਸਿਖਿਆ ਅਧਿਕਾਰੀ ਦੇ ਤੌਰ 'ਤੇ ਕੰਮ ਕਰ ਰਹੀ ਰਾਜਿੰਦਰ ਕੌਰ ਨੂੰ ਅਡਲਟ ਐਜੂਕੇਸ਼ਨ ਦਾ ਕਾਰਜਭਾਰ ਦਿਤਾ ਗਿਆ ਜਦਕਿ ਅਡਲਟ ਐਜੂਕੇਸ਼ਨ ਦਾ ਕਾਰਜਭਾਰ ਦੇਖਣ ਵਾਲੀ ਵਿਨੇ ਆਰ ਸੂਦ ਸੇਵਾ ਮੁਕਤ ਹੋ ਗਈ। ਵਿਨੇ ਆਰ ਸੂਦ ਸੇਵਾ ਮੁਕਤ ਹੋਣ ਦੇ ਬਾਅਦ ਚੰਡੀਗੜ੍ਹ ਕਮੀਸ਼ਨ ਫ਼ਾਰ ਪ੍ਰੋਟੈਕਸ਼ਨ ਆਫ਼ ਚਾਈਲਡ ਰਾਈਟ ਵਿਚ ਮੈਂਬਰ ਬਣ ਗਈ। ਇਸੇ ਤਰ੍ਹਾਂ ਸਿਖਿਆ ਵਿਭਾਗ ਵਿਚ ਕਾਫ਼ੀ ਸਮੇਂ ਤੋਂ ਜਮੇ ਹੋਏ ਚੰਚਲ ਸਿੰਘ ਵੀ ਇਸੇ ਸਾਲ ਸੇਵਾ ਮੁਕਤ ਹੋ ਗਏ। ਉਨ੍ਹਾਂ ਦੀ ਥਾਂ ਸਰੋਜ ਮਿੱਤਲ ਨੂੰ ਡਿਪਟੀ ਡਾਇਰੈਕਟਰ ਸਕੂਲ ਐਜੂਕੇਸ਼ਨ ਬਣਾਇਆ ਗਿਆ ਉਥੇ ਹੀ ਸੁਮਨ ਸ਼ਰਮਾ ਨੂੰ ਡਿਪਟੀ ਡਾਇਰੈਕਟਰ ਵੋਕੇਸ਼ਨਲ ਐਜੂਕੇਸ਼ਨ, ਮੋਨਿਕਾ ਮੈਨੀ ਨੂੰ ਡਿਪਟੀ ਜ਼ਿਲ੍ਹਾ ਸਿਖਿਆ ਅਧਿਕਾਰੀ, ਸੁਖਨੀਰ ਕੌਰ ਦੀ ਸੇਵਾਮੁਕਤੀ ਤੋਂ ਬਾਅਦ ਰੇਣੂ ਪੁਰੀ ਨੂੰ ਜ਼ਿਲ੍ਹਾ ਸਿਖਿਆ ਅਧਿਕਾਰੀ-1 ਬਣਾਇਆ ਗਿਆ। ਸਕੂਲਾਂ 'ਚ ਅਧਿਆਪਕਾਂ ਦੀ ਨਹੀਂ ਹੋ ਸਕੀ ਭਰਤੀ ਇਸੇ ਤਰਾਂ ਅਲਕਾ ਮਹਿਤਾ ਨੂੰ ਪ੍ਰਮੋਟ ਕਰਕੇ ਸਹਾਇਕ ਡਾਇਰੈਕਟਰ ਐਡਲਟ ਐਜੂਕੇਸ਼ਨ-1 ਬਣਾਇਆ ਗਿਆ ।  ਡੈਪੂਟੇਸ਼ਨ ਨਿਤੀ 'ਤੇ ਨਹੀਂ ਹੋਇਆ ਫ਼ੈਸਲਾ ਪੰਜਾਬ ਅਤੇ ਹਰਿਆਣਾ ਤੋਂ ਡੈਪੁਟੇਸ਼ਨ ਦਾ ਮਾਮਲਾ ਲੰਬੇ ਸਮੇਂ ਤੋਂ ਲਮਕ ਰਿਹਾ ਹੈ। ਸਿਖਿਆ ਵਿਭਾਗ ਨੇ ਨਵੰਬਰ 2017 ਵਿਚ ਪਾਲਸੀ ਬਣਾਉਣ ਦਾ ਫ਼ੈਸਲਾ ਲਿਆ ਅਤੇ ਬੈਠਕ ਕਰਕੇ ਅਧਿਆਪਕ ਯੂਨੀਅਨ ਵਲੋਂ ਸੁਝਾਅ ਮੰਗੇ ਗਏ । ਯੂਟੀ ਕੈਡਰ ਐਜੁਕੇਸ਼ਨ ਇੰਪਲਾਇਜ਼ ਯੂਨਿਅਨ ਪਿਛਲੇ ਕਾਫ਼ੀ ਸਾਲਾਂ ਤੋਂ ਡੈਪੁਟੇਸ਼ਨ ਤੇ ਆਏ ਅਧਿਆਪਕਾਂ ਨੂੰ ਵਾਪਸ ਪਿਤਰ ਰਾਜ ਭੇਜਣ ਦੀ ਮੰਗ ਕਰ ਰਿਹਾ ਹੈ। ਪਰ ਇਸ ਸਾਲ ਵੀ ਪ੍ਰਥਸ਼ਾਸਨ ਇਸਤੇ ਕੋਈ ਫੈਸਲਾ ਨਹੀ ਲੈ ਸਕਿਆ ਹੈ।  ਨਿਜੀ ਸਕੂਲਾਂ ਵਿਚ ਆਰਥਕ ਕਮਜੋਰ ਵਰਗ ਦੇ ਦਾਖਲੇ ਲਈ ਆਈ ਪ੍ਰੇਸ਼ਾਨੀਇਸ ਸਮੇਂ ਨਿਜੀ ਸਕੂਲਾਂ ਵਿਚ ਐਂਟਰੀ ਲੈਵਲ ਦਾਖਲੇ ਦੀ ਪ੍ਰਕਿਰਿਆ ਜਾਰੀ ਹੈ। ਪਰ ਨਿਜੀ ਸਕੂਲਾਂ ਵਿਚ ਦਾਖਲਾ ਪਾਉਣ ਵਾਲੇ ਆਰਥਕ ਤੌਰ ਤੇ ਕਮਜੋਰ ਮਾਪਿਆਂ ਨੂੰ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ । ਹੁਣ ਤਕ ਦਾਖਲੇ ਲਈ ਅਰਜ਼ੀਆਂ ਜਮਾਂ ਹੋ ਚੁੱਕੀਆਂ ਹਨ। ਪਰ ਉਕਤ ਕੋਟੇ ਦੇ ਦਾਖਲੇ ਤੇ ਕਈ ਫੈਸਲਾ ਨਹੀ ਹੋ ਸਕਿਆ ਹੈ।