ਚੰਡੀਗੜ੍ਹ, 31 ਅਗੱਸਤ (ਨੀਲ ਭਲਿੰਦਰ): ਪੀ.ਜੀ.ਆਈ. ਵਿਚ ਬਤੌਰ ਸੀਨੀਅਰ ਰਿਸਰਚ ਫੈਲੋ (ਮੈਡੀਕਲ) ਤੈਨਾਤ ਤੇਜਿੰਦਰ ਕੌਰ ਕੁਸ਼ਟ ਰੋਗ ਨੂੰ ਜੜ੍ਹੋਂ ਮਿਟਾਉਣ ਲਈ ਨਿਰੰਤਰ ਯਤਨ ਕਰ ਰਹੀ ਜਿਸ ਨੂੰ ਹਾਲ ਹੀ ਵਿਚ ਸੂਬਾ ਪਧਰੀ ਪੁਰਸਕਾਰ ਨਾਲ ਸਨਮਾਨਤ ਕੀਤਾ ਗਿਆ ਹੈ। ਕੁਸ਼ਟ ਰੋਗੀਆਂ ਦੇ ਕਲਿਆਣ, ਪੁਨਰਵਾਸ ਅਤੇ ਉਨ੍ਹਾਂ ਦੇ ਸਮੁਦਾਏ ਦੇ ਵਿਕਾਸ ਲਈ ਅਪਣੀਆਂ ਸੇਵਾਵਾਂ ਪ੍ਰਦਾਨ ਕਰਨ ਲਈ ਤੇਜਿੰਦਰ ਨੂੰ ਇਹ ਸਨਮਾਨ ਦਿਤਾ ਗਿਆ ਹੈ। ਤਜਿੰਦਰ ਕੌਰ ਨੂੰ ਹਾਲ ਹੀ ਵਿਚ ਸੂਬਾ ਪੱਧਰੀ ਸਮਾਰੋਹ ਵਿਚ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਸਨਮਾਨਤ ਕੀਤਾ। ਤੇਜਿੰਦਰ ਕੌਰ ਨੂੰ ਇਕ ਗੋਲਡ ਮੈਡਲ, ਸ਼ਾਲ, 11000 ਰੁਪਏ ਦਾ ਚੈੱਕ, ਪ੍ਰਮਾਣ ਪੱਤਰ ਅਤੇ ਪ੍ਰਸ਼ੰਸਾ ਪੱਤਰ ਵੀ ਪ੍ਰਦਾਨ ਕੀਤਾ ਗਿਆ। ਰੋਪੜ ਦੇ ਪਿੰਡ ਬਹਿਰਾਮਪੁਰ ਜਮੀਂਦਾਰ ਵਿਚ ਪੈਦਾ ਹੋਈ ਤੇਜਿੰਦਰ ਨੇ ਅਪਣੇ ਪਿਤਾ ਪ੍ਰੇਮ ਸਿੰਘ ਦੇ ਮਾਰਗ 'ਤੇ ਚਲਦਿਆਂ 2001 ਵਿਚ ਪੰਜਾਬ ਅਤੇ ਚੰਡੀਗੜ੍ਹ ਦੇ ਕੁਸ਼ਟ ਰੋਗੀਆਂ ਦੇ ਕਲਿਆਣਾ, ਪੁਨਰਵਾਸ ਅਤੇ ਸਮੁਦਾਏ ਵਿਕਾਸ ਦੀ ਦਿਸ਼ਾ ਵਿਚ ਕੰਮ ਕਰਨਾ ਸ਼ੁਰੂ ਕੀਤਾ। ਤੇਜਿੰਦਰ ਮੋਹਾਲੀ ਦੀ ਕੁਸ਼ਟ ਰੋਗ ਉਨਮੁਲਨ ਸੁਸਾਇਟੀ ਦੇ ਪ੍ਰਧਾਨ ਦਾ ਅਹੁਦਾ ਅਤੇ ਕੁਸ਼ਟ ਰੋਗ ਮਿਸ਼ਨ ਚੰਡੀਗੜ੍ਹ ਦੇ ਪੁਨਰਵਾਸ ਸਕੱਤਰ ਦੇ ਅਹੁਦਾ ਸੰਭਾਲ ਚੁੱਕੀ ਹੈ। ਉਨ੍ਹਾਂ ਨੂੰ ਸਾਲ 2007 ਵਿਚ ਮੋਹਾਲੀ ਜ਼ਿਲ੍ਹਾ ਪ੍ਰਸ਼ਾਸਨ ਵਲੋਂ ਸਨਮਾਨਤ ਵੀ ਕੀਤਾ ਜਾ ਚੁਕਿਆ ਹੈ। ਕੁਸ਼ਟ ਰੋਗ ਕਲਿਆਣ ਮਿਸ਼ਨ ਚੰਡੀਗੜ੍ਹ ਵਲੋਂ ਸ਼ੁਰੂ ਕੀਤੇ ਗਏ ਲੇਪਰੋ ਵੇਲ ਅਭਿਆਨ ਵਿਚ ਤੇਜਿੰਦਰ ਕੌਰ ਨੇ ਬਤੌਰ ਪ੍ਰੋਜੈਕਟ ਡਾਇਰੈਕਟਰ ਦੀ ਅਹਿਮ ਭੂਮਿਕਾ ਅਦਾ ਕੀਤੀ। ਲੇਪਰੋ ਵੇਲ ਅਭਿਆਨ ਦਾ ਮੁੱਖ ਮੰਤਵ ਝੁੱਗੀ ਝੋਪੜਿਆਂ ਵਿਚ ਪ੍ਰਵਾਸੀ ਮਜਦੂਰਾਂ ਦੇ ਵਿਚ ਜਾਕੇ ਉਨ੍ਹਾਂ ਨੂੰ ਕੁਸ਼ਠ ਰੋਗ ਦੇ ਬਾਰੇ ਵਿਚ ਜਾਗਰੂਕ ਕਰਨਾ ਅਤੇ ਉਨ੍ਹਾਂ ਨੂੰ ਇਸਦੇ ਉਪਚਾਰ ਸਬੰਧੀ ਤਰੀਕਿਆਂ ਨਾਲ ਜਾਣੂ ਕਰਵਾਉਣਾ ਸੀ। ਇਸਦੇ ਲਈ ਪੰਚਾਇਤਾਂ, ਨਗਰ ਨਿਗਮਾਂ ਅਤੇ ਸਵੇਂ ਇਛੁੱਕ ਵਰਕਰਾਂ ਨੂੰ ਨਾਲ ਲੈਕੇ ਇਕ ਵਿਆਪਕ ਸਿੱÎਖਿਅਕ ਪ੍ਰੋਗਰਾਮ ਸ਼ੁਰੂ ਕੀਤਾ ਗਿਆ ਸੀ। ਪ੍ਰੋਗਰਾਮ ਦੀ ਉਪਲਬਧੀ 'ਤੇ ਬੋਲਦਿਆਂ ਤੇਜਿੰਦਰ ਕੌਰ ਨੇ ਕਿਹਾ ਕਿ ਸਮਾਜ ਵਿਚ ਕੁਸ਼ਠ ਰੋਗ ਨੂੰ ਕਲੰਕ ਦੇ ਤੌਰ 'ਤੇ ਦੇਖਿਆ ਜਾਂਦਾ ਹੈ, ਲਿਹਾਜਾ ਕੁਸ਼ਠ ਰੋਗੀ ਇਸ ਰੋਗ ਨੂੰ ਗੁਪਤ ਰੱਖਦੇ ਹਨ ਅਤੇ ਡਾਕਟਰ ਨਾਲ ਮਿਲਣ ਤੋਂ ਪਰਹੇਜ ਕਰਦੇ ਹਨ। ਲੇਪਰੋ ਵੇਲ ਅਭਿਆਨ ਦੇ ਜਰੀਏ ਇਹ ਜਾਗਰੂਕਤਾ ਫੈਲਾਈ ਗਈ ਕਿ ਇਹ ਬੀਮਾਰੀ ਛੁਆਛੂਤ ਤੋਂ ਨਹੀਂ ਫੈਲਦੀ ਅਤੇ ਇਸਦਾ ਇਲਾਜ ਹੈ। ਨਤੀਜਾ ਇਹ ਰਿਹਾ ਕਿ 32 ਕੁਸ਼ਠ ਰੋਗੀਆਂ ਦੀ ਪਹਿਚਾਣ ਕੀਤੀ ਗਈ ਅਤੇ ਉਨ੍ਹਾਂ ਨੂੰ ਇਲਾਜ਼ ਦੇ ਲਈ ਹਸਪਤਾਲ ਭੇਜਿਆ ਗਿਆ। ਤੇਜਿੰਦਰ ਕੌਰ ਨੇ ਸਰਕਾਰ ਤੋਂ ਇਕ ਕਾਨੂੰਨ ਬਨਾਉਣ ਦੀ ਅਪੀਲ ਕੀਤੀ ਹੈ ਜਿਸ ਨਾਲ ਜਿਲਾ ਪ੍ਰਸ਼ਾਸਨ ਅਤੇ ਸਿਹਤ ਅਧਿਕਾਰੀ ਨਾਲ ਮਿਲਕੇ ਕੁਸ਼ਠ ਰੋਗ ਉਨਮੁਲਨ ਦੀ ਦਿਸ਼ਾ ਵਿਚ ਕੰਮ ਕਰੇ। ਉਹ ਚਾਹੁੰਦੀ ਹੈ ਕਿ ਪ੍ਰਵਾਸੀ ਮਜਦੂਰ ਕੁਸ਼ਠ ਰੋਗੀਆਂ ਨੂੰ ਇਕ ਮੈਡੀਕਲ ਕਾਰਡ ਜਾਰੀ ਕੀਤਾ ਜਾਵੇ, ਤਾਂ ਜੋ ਉਨ੍ਹਾਂ ਦੇ ਮਾਲਕਾਂ ਨੂੰ ਉਨ੍ਹਾਂ ਨੂੰ ਕੰਮ 'ਤੇ ਰੱਖਣ ਤੋਂ ਪਹਿਲਾਂ ਜਾਣਕਾਰੀ ਮਿਲ ਪਾਵੇ। ਤੇਜਿੰਦਰ ਨੇ ਸਮਾਜਿਕ ਨਿਆਂ ਅਤੇ ਅਧਿਕਾਰਿਤਾ ਮੰਤਰਾਲੇ ਅਤੇ ਮਨੁੱਖੀ ਅਧਿਕਾਰ ਕਮੀਸ਼ਨ ਦਾ ਧਿਆਨ ਇਸ ਗੱਲ ਵੱਲ ਦਿਵਾਇਆ ਕਿ ਕੁਸ਼ਠ ਰੋਗੀਆਂ ਨੂੰ ਭੇਦਭਾਵ ਤੋਂ ਬਚਾਉਣ ਦੇ ਲਈ ਇਕ ਕਾਨੂੰਨ ਲਿਆਂਦਾ ਜਾਵੇ। ਤੇਜਿੰਦਰ ਕਹਿੰਦੀ ਹੈ ਕਿ ਕੁਸ਼ਠ ਰੋਗੀਆਂ ਨੂੰ ਨਾ ਸਿਰਫ਼ ਚਿਕਿਤਸਾ ਦੇਖਰੇਖ ਦੀ ਜਰੂਰਤ ਹੈ, ਬਲਕਿ ਉਨ੍ਹਾਂ ਨੂੰ ਸਾਡੇ ਪ੍ਰੇਮ ਅਤੇ ਪਿਆਰ ਦੀ ਵੀ ਜਰੂਰਤ ਹੇ। end-of