ਮੌਕੇ 'ਤੇ ਮੌਜੂਦ ਲੋਕ ਉਸ ਨੂੰ ਹਸਪਤਾਲ ਲੈ ਕੇ ਗਏ ਪਰ ਉਸ ਦੀ ਹਸਪਤਾਲ ਲਿਜਾਣ ਦੌਰਾਨ ਮੌਤ ਹੋ ਗਈ।
ਮੁੰਬਈ - ਬਾਲੀਵੁੱਡ ਅਦਾਕਾਰਾ ਦੀਆ ਮਿਰਜ਼ਾ ਦੀ ਭਤੀਜੀ ਤਾਨਿਆ ਕਾਕੜੇ ਛੋਟੀ ਉਮਰ 'ਚ ਹੀ ਇਸ ਦੁਨੀਆ ਨੂੰ ਹਮੇਸ਼ਾ ਲਈ ਛੱਡ ਕੇ ਚਲੀ ਗਈ ਹੈ। 25 ਸਾਲ ਦੀ ਤਾਨਿਆ ਕਾਕੜੇ ਦਾ ਸੜਕ ਹਾਦਸੇ 'ਚ ਦੇਹਾਂਤ ਹੋ ਗਿਆ ਹੈ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਤਾਨਿਆ ਹੈਦਰਾਬਾਦ ਦੇ ਰਾਜੀਵ ਇੰਟਨੈਸ਼ਨਲ ਏਅਰਪੋਰਟ ਤੋਂ ਆਪਣੇ ਚਾਰ ਦੋਸਤਾਂ ਦੇ ਨਾਲ ਵਾਪਸ ਆ ਰਹੀ ਸੀ ਤਾਂ ਉਦੋਂ ਇਹ ਹਾਦਸਾ ਹੋਇਆ। ਇਹ ਹਾਦਸਾ ਐੱਨ.ਐੱਚ. 44 'ਤੇ ਹੋਇਆ, ਮੌਕੇ 'ਤੇ ਮੌਜੂਦ ਲੋਕ ਉਸ ਨੂੰ ਹਸਪਤਾਲ ਲੈ ਕੇ ਗਏ ਪਰ ਉਸ ਦੀ ਹਸਪਤਾਲ ਲਿਜਾਣ ਦੌਰਾਨ ਮੌਤ ਹੋ ਗਈ। ਤਾਨਿਆ ਦੀ ਬਾਡੀ ਨੂੰ ਅਸਮਾਨੀਆ ਹਸਪਤਾਲ ਲਿਜਾਇਆ ਗਿਆ ਅਤੇ ਉਸ ਦੇ ਮਾਤਾ-ਪਿਤਾ ਨੂੰ ਵੀ ਤੁਰੰਤ ਸੂਚਿਤ ਕੀਤਾ ਗਿਆ ਸੀ।
ਦੀਆ ਮਿਰਜ਼ਾ ਨੇ ਇੰਸਟਾਗ੍ਰਾਮ 'ਤੇ ਆਪਣੀ ਭਤੀਜੀ ਦੀ ਇਕ ਬਹੁਤ ਹੀ ਖੂਬਸੂਰਤ ਅਤੇ ਹੱਸਦੀ ਹੋਈ ਦੀ ਤਸਵੀਰ ਸਾਂਝੀ ਕਰਕੇ ਭਾਵੁਕ ਪੋਸਟ ਲਿਖੀ। ਦੀਆ ਮਿਰਜ਼ਾ ਨੇ ਲਿਖਿਆ-'ਮੇਰੀ ਭਤੀਜੀ, ਮੇਰਾ ਬੱਚਾ, ਮੇਰੀ ਜਾਨ। ਇਸ ਦੁਨੀਆ ਨੂੰ ਛੱਡ ਕੇ ਚਲੀ ਗਈ ਹੈ। ਮੇਰੀ ਡਾਰਲਿੰਗ ਤੁਸੀਂ ਜਿਥੇ ਵੀ ਰਹੋ ਤੁਹਾਨੂੰ ਪਿਆਰ ਅਤੇ ਸੁਕੂਨ ਮਿਲੇ। ਤੁਸੀਂ ਹਮੇਸ਼ਾ ਸਾਡੇ ਦਿਲ 'ਚ ਖੁਸ਼ੀਆਂ ਭਰੀਆਂ ਹਨ ਅਤੇ ਤੁਸੀਂ ਜਿਥੇ ਵੀ ਹੋ ਉਸ ਜਹਾਨ 'ਚ ਵੀ ਆਪਣੇ ਡਾਂਸ, ਹਾਸੇ ਅਤੇ ਗਾਇਕੀ ਨਾਲ ਰੌਸ਼ਨੀ ਭਰ ਦੇਵੋਗੀ। ਓਮ ਸ਼ਾਂਤੀ'।
