ਸਾਊਦੀ ਡੰਕੀ ਦੀ ਸ਼ੂਟਿੰਗ ਨੂੰ ਪੂਰਾ ਕਰਨ ਤੋਂ ਬਾਅਦ ਉਹ ਮੱਕਾ ਲਈ ਰਵਾਨਾ ਹੋ ਗਏ।
ਮੁੰਬਾਈ: ਬਾਲੀਵੁੱਡ ਸੁਪਰਸਟਾਰ ਸ਼ਾਹਰੁਕ ਖਾਨ ਇਨ੍ਹੀਂ ਦਿਨੀਂ ਆਪਣੀਆਂ ਆਉਣ ਵਾਲੀਆਂ ਫਿਲਮਾਂ 'ਪਠਾਨ', 'ਜਵਾਨ' ਅਤੇ 'ਡੰਕੀ' ਨੂੰ ਲੈ ਕੇ ਕਾਫ਼ੀ ਵਿਅਸਤ ਹਨ। ਸ਼ਾਹਰੁਕ ਨੇ ਇੰਸਟਾਗ੍ਰਾਮ 'ਤੇ ਇਕ ਪੋਸਟ ਸ਼ੇਅਰ ਕਰਕੇ ਦੱਸਿਆ ਕਿ ਉਹ ਆਪਣੀ ਡਾਂਕੀ ਫਿਲਮ ਦੀ ਸ਼ੂਟਿੰਗ ਸਾਊਦੀ ਅਰਬ 'ਚ ਖਤਮ ਕਰ ਚੁੱਕੇ ਹਨ। ਇਸ ਫਿਲਮ ਲਈ ਚੁਣੀ ਗਈ ਲੋਕੇਸ਼ਨ ਅੱਜ ਤੱਕ ਕਿਸੇ ਫਿਲਮ 'ਚ ਨਜ਼ਰ ਨਹੀਂ ਆਈ ਹੈ।
ਇਸ ਤੋਂ ਬਾਅਦ ਸ਼ਾਹਰੁਕ ਦਾ ਨਾਂ ਕਾਫ਼ੀ ਚਰਚਾ ਵਿਚ ਆ ਰਿਹਾ ਹੈ। ਸਾਊਦੀ ਡੰਕੀ ਦੀ ਸ਼ੂਟਿੰਗ ਨੂੰ ਪੂਰਾ ਕਰਨ ਤੋਂ ਬਾਅਦ ਉਹ ਮੱਕਾ ਲਈ ਰਵਾਨਾ ਹੋ ਗਏ। ਸ਼ਾਹਰੁਖ ਨੇ ਪ੍ਰਸ਼ੰਸ਼ਕਾਂ ਨਾਲ ਜਾਣਕਾਰੀ ਸਾਂਝੀ ਕਰਦੇ ਦੱਸਿਆ ਕਿ ਉਹ ਮੱਕਾ ਉਮਰਾਹ ਕਰਨ ਗਏ ਹਨ। ਸੋਸ਼ਲ ਮੀਡੀਆ 'ਤੇ ਵੀ ਤੀਰਥ ਯਾਤਰਾ ਉਮਰਾਹ ਕਰਦੇ ਉਨ੍ਹਾਂ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਜਿਸ ‘ਚ ਸ਼ਾਹਰੁਖ ਖਾਨ ਰਿਵਾਜ ਮੁਤਾਬਕ ਚਿੱਟੇ ਰੰਗ ਦੇ ਪਹਿਰਾਵੇ 'ਚ ਨਜ਼ਰ ਆਏ ਹਨ।
ਜ਼ਿਕਰਯੋਗ ਹੈ ਕਿ ਬਾਲੀਵੁੱਡ ਸੁਪਰਸਟਾਰ ਸ਼ਾਹਰੁਖ ਖਾਨ ਦੀਆਂ ਆਉਣ ਵਾਲੀਆਂ ਫ਼ਿਲਮਾਂ ਨੂੰ ਦੇਖਣ ਲਈ ਲੋਕ ਬਹੁਤ ਦਿਲਚਸਪੀ ਦਿਖਾ ਰਹੇ ਹਨ। ਇਸ ਤੋਂ ਇਲਾਵਾ ਡੰਕੀ ਸ਼ੈਡਿਊਲ ਤੋਂ ਬਾਅਦ ਉਨ੍ਹਾਂ ਨੇ ਸਾਊਦੀ ਲੋਕਾਂ ਦਾ ਧੰਨਵਾਦ ਕਰਦੇ ਹੋਏ ਇੱਕ ਵੀਡੀਓ ਪੋਸਟ ਕੀਤਾ ਅਤੇ ਡੰਕੀ ਸ਼ੈਡਿਊਲ ਨੂੰ ਖਤਮ ਕਰਨ ਦਾ ਐਲਾਨ ਕੀਤਾ।
