ਵਿਆਹ ਦਾ ਕਾਰਡ ਬਾਹਰ ਆ ਚੁੱਕਿਆ ਹੈ ਜਿਸਦੇ ਮੁਤਾਬਕ ਰਸਮਾਂ ਦੀ ਸ਼ੁਰੁਆਤ 7 ਮਈ ਨੂੰ ਮਹਿੰਦੀ ਨਾਲ ਹੋਵੇਗੀ
ਮੁੰਬਈ, 5 ਮਈ : ਅਦਾਕਾਰ ਅਨਿਲ ਕਪੂਰ ਦੀ ਧੀ ਅਦਾਕਾਰਾ ਸੋਨਮ ਕਪੂਰ ਅਪਣੇ ਕਰੀਬੀ ਦੋਸਤ ਆਨੰਦ ਆਹੂਜਾ ਦੇ ਨਾਲ 8 ਮਈ ਨੂੰ ਮੁੰਬਈ ਵਿਚ ਵਿਆਹ ਦੇ ਪਵਿਤਰ ਬੰਧਨ ਵਿਚ ਬੱਝਣੇ ਜਾ ਰਹੀ ਹੈ । ਇਸ ਗੱਲ ਦੀ ਪੁਸ਼ਟੀ ਸੋਨਮ ਅਤੇ ਆਨੰਦ ਦੇ ਪਰਵਾਰਾਂ ਨੇ ਪਿਛਲੇ ਦਿਨਾਂ 'ਚ ਕੀਤੀ ਸੀ । ਹਾਲ ਹੀ ਵਿਚ ਇਹ ਜੋੜਾ ਬਾਂਦਰਾ ਦੇ ਇਕ ਕਲੀਨਿਕ ਵਿਚ ਵਿਖਾਈ ਦਿਤਾ ਅਤੇ ਵਿਆਹ ਦੀ ਖ਼ਬਰ ਦੇ ਬਾਅਦ ਪਹਿਲੀ ਵਾਰ ਇਨ੍ਹਾਂ ਦੋਹਾਂ ਦੀਆਂ ਤਸਵੀਰਾਂ ਕੈਮਰੇ ਵਿਚ ਕੈਦ ਹੋਈਆਂ ਹਨ ।
sonam kapoor
ਤੁਹਾਨੂੰ ਦੱਸ ਦੇਈਏ ਕਿ, ਵਿਆਹ ਦਾ ਕਾਰਡ ਬਾਹਰ ਆ ਚੁੱਕਿਆ ਹੈ ਜਿਸਦੇ ਮੁਤਾਬਕ ਰਸਮਾਂ ਦੀ ਸ਼ੁਰੁਆਤ 7 ਮਈ ਨੂੰ ਮਹਿੰਦੀ ਨਾਲ ਹੋਵੇਗੀ । ਇਸ ਦਿਨ ਬੀਕੇਸੀ ਸਥਿਤ ਸਨਟੇਕ ਸਿਗਨੇਚਰ ਆਇਲੈਂਡ ਵਿੱਚ ਮਹਿੰਦੀ ਦਾ ਪਰੋਗਰਾਮ ਹੋਵੇਗਾ । ਇਸਦੇ ਬਾਅਦ ਵਿਆਹ ਦਾ ਪ੍ਰੋਗਰਾਮ ਦੂਸਰੇ ਦਿਨ 8 ਮਈ ਨੂੰ ਹੋਵੇਗਾ । ਇਸ ਦਿਨ ਰਾਤ 8 ਵਜੇ ਮੁੰਬਈ ਦੇ ਇਕ ਹੋਟਲ ਵਿੱਚ ਪਾਰਟੀ ਦਾ ਪ੍ਰਬੰਧ ਕੀਤਾ ਜਾਵੇਗਾ । ਇਸ ਵਿਆਹ ਨਾਲ ਵੱਖ-ਵੱਖ ਪ੍ਰੋਗਰਾਮਾਂ ਲਈ ਵੱਖ-ਵੱਖ ਡਰੈੱਸ ਕੋਡ ਰੱਖਿਆ ਗਿਆ ਹੈ ।
sonam's house
ਜ਼ਿਕਰਯੋਗ ਹੈ ਕਿ , ਹਾਲ ਹੀ ਵਿੱਚ ਕਪੂਰ ਅਤੇ ਆਹੂਜਾ ਪਰਵਾਰ ਦੇ ਵੱਲੋਂ ਆਫਿਸ਼ਿਅਲ ਸਟੇਟਮੇਂਟ ਜਾਰੀ ਕੀਤਾ ਗਿਆ ਸੀ । ਇਸ ਵਿਚ ਲਿਖਿਆ ਸੀ ਕਿ , ਕਪੂਰ ਅਤੇ ਆਹੂਜਾ ਪਰਵਾਰ ਇਹ ਦੱਸਦੇ ਹੋਏ ਬਹੁਤ ਖੁਸ਼ ਹਨ ਕਿ ਅਸੀਂ ਸੋਨਮ ਅਤੇ ਆਨੰਦ ਦੇ ਵਿਆਹ ਦਾ ਐਲਾਨ ਕਰਨ ਜਾ ਰਹੇ ਹਾਂ । ਵਿਆਹ ਮੁੰਬਈ ਵਿਚ 8 ਮਈ ਨੂੰ ਹੋਵੇਗਾ । ਅਸੀਂ ਤੁਹਾਨੂੰ ਬੇਨਤੀ ਕਰਦੇ ਹਾਂ ਕਿ ਪਰਵਾਰ ਦੀ ਨਿੱਜਤਾ ਨੂੰ ਬਰਕਰਾਰ ਰੱਖੋ । ਤੁਹਾਡੀਆਂ ਸ਼ੁਭਕਾਮਨਾਵਾਂ ਅਤੇ ਪਿਆਰ ਲਈ ਧੰਨਵਾਦ ।
