ਕਾਮੇਡੀ ਸ਼ੋਅ 'ਦ ਕਪਿਲ ਸ਼ਰਮਾ ਸ਼ੋਅ' ਦੇ ਕਾਮੇਡੀਅਨ ਕੀਕੂ ਸ਼ਾਰਦਾ ਦੇ ਫੈਨਜ਼ ਲਈ ਬੁਰੀ ਖਬਰ ਹੈ। ਕਪਿਲ ਸ਼ਰਮਾ ਸ਼ੋਅ 'ਚ ਬੱਚਾ ਯਾਦਵ ਦਾ .....
ਮੁੰਬਈ : ਕਾਮੇਡੀ ਸ਼ੋਅ 'ਦ ਕਪਿਲ ਸ਼ਰਮਾ ਸ਼ੋਅ' ਦੇ ਕਾਮੇਡੀਅਨ ਕੀਕੂ ਸ਼ਾਰਦਾ ਦੇ ਫੈਨਜ਼ ਲਈ ਬੁਰੀ ਖਬਰ ਹੈ।ਕਪਿਲ ਸ਼ਰਮਾ ਸ਼ੋਅ 'ਚ ਬੱਚਾ ਯਾਦਵ ਦਾ ਰੋਲ ਨਿਭਾ ਰਹੇ ਕੀਕੂ ਸ਼ਾਰਦਾ ਦੀਆਂ ਮਸ਼ਕਿਲਾਂ ਵੱਧ ਗਈਆਂ ਹਨ। ਖਬਰ ਹੈ ਕਿ ਕੀਕੂ 'ਤੇ ਚੀਟਿੰਗ ਦੇ ਦੋਸ਼ ਲੱਗੇ ਹਨ। ਇਹ ਦੋਸ਼ ਡਾਇਰੈਕਟਰ ਨਿਤਿਨ ਕੁਲਕਰਨੀ ਨੇ ਲਗਾਏ ਹਨ।
ਨਿਤਿਨ ਕੁਲਕਰਨੀ ਨੇ ਕੀਕੂ ਸ਼ਾਰਦਾ ਸਮੇਤ 6 ਲੋਕਾਂ 'ਤੇ ਦੋਸ਼ ਦਰਜ ਕਰਵਾਏ ਹਨ। ਇਲਜ਼ਾਮ ਹੈ ਕਿ ਕੀਕੂ ਅਤੇ ਹੋਰ ਲੋਕ ਮੁੰਬਈ ਫੈਸਟ ਨਾਮਕ ਚੈਰੀਟੇਬਲ ਟਰੱਸਟ ਨਾਲ ਜੁੜੇ ਹਨ ਅਤੇ ਇਨ੍ਹਾਂ ਨੇ 50.70 ਲੱਖ ਰੁਪਏ ਦੀ ਧੋਖਾਧੜੀ ਕੀਤੀ ਹੈ।
ਹਾਲਾਂਕਿ ਕੀਕੂ ਸ਼ਾਰਦਾ ਨੇ ਸਾਰੇ ਦੋਸ਼ਾ ਨੂੰ ਸਿਰੇ ਤੋਂ ਖਾਰਜ ਕਰ ਦਿੱਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ 'ਮੈਂ ਚੈਰੀਟੇਬਲ ਟਰੱਸਟ ਨਾਲ ਨਹੀਂ ਜੁੜਿਆ ਹੋਇਆ।
ਦੋਸ਼ਾਂ 'ਤੇ ਕੀਕੂ ਨੇ ਕਿਹਾ ਕਿ ਮੈਂ ਮੁੰਬਈ ਫੈਸਟ ਦੇ ਈਵੈਂਟ 'ਚ ਭਾਗ ਲਿਆ ਹੈ ਪਰ ਮੈਂ ਇਸਦਾ ਮੈਂਬਰ ਨਹੀਂ ਹਾਂ। ਹਾਲਾਂਕਿ ਮੇਰੇ ਪਿਤਾ ਇਸਦੇ ਮੈਂਬਰ ਹਨ। ਬਿਨ੍ਹਾਂ ਕਿਸੇ ਕਾਰਨ ਮੇਰਾ ਨਾਮ ਇਸ ਵਿੱਚ ਘਸੀਟਿਆ ਜਾ ਰਿਹਾ ਹੈ।