22 ਸਾਲਾ ਸਲਮਾਨ ਦੀ ਆਡੀਸ਼ਨ ਟੇਪ ਆਈ ਸਾਹਮਣੇ, 'ਮੈਂਨੇ ਪਿਆਰ ਕੀਆ' ਲਈ ਦਿੱਤਾ ਸੀ ਆਡੀਸ਼ਨ 

By : KOMALJEET

Published : Apr 8, 2023, 1:12 pm IST
Updated : Apr 8, 2023, 1:12 pm IST
SHARE ARTICLE
Salman Khan’s audition tape for ‘Maine Pyar Kiya’ resurfaces on the internet
Salman Khan’s audition tape for ‘Maine Pyar Kiya’ resurfaces on the internet

ਸਕਰੀਨ ਟੈਸਟ ਵਿੱਚ ਹੋਏ ਫੇਲ੍ਹ ਫਿਰ 6 ਮਹੀਨਿਆਂ ਬਾਅਦ ਫਿਲਮ ਨਾਲ ਮੁੜ ਜੁੜੇ

ਮੁੰਬਈ : ਸਲਮਾਨ ਖਾਨ ਨੂੰ ਅਸਲੀ ਪ੍ਰਸਿੱਧੀ ਮੈਂਨੇ ਪਿਆਰ ਕੀਆ ਤੋਂ ਬਾਅਦ ਮਿਲੀ। ਇਸ ਫਿਲਮ ਤੋਂ ਬਾਅਦ ਉਨ੍ਹਾਂ ਲਈ ਇੰਡਸਟਰੀ ਦਾ ਰਾਹ ਪੂਰੀ ਤਰ੍ਹਾਂ ਖੁੱਲ੍ਹ ਗਿਆ। 1989 'ਚ ਰਿਲੀਜ਼ ਹੋਈ ਇਸ ਫਿਲਮ 'ਚ ਸਲਮਾਨ ਦੀ ਐਂਟਰੀ ਕਿਵੇਂ ਹੋਈ, ਇਹ ਹੁਣ ਇਕ ਵੀਡੀਓ ਰਾਹੀਂ ਪਤਾ ਲੱਗਾ ਹੈ।

ਇਸ ਫਿਲਮ ਲਈ ਸਲਮਾਨ ਦੇ ਆਡੀਸ਼ਨ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਸ ਆਡੀਸ਼ਨ ਟੇਪ 'ਚ 22 ਸਾਲਾ ਸਲਮਾਨ ਗਿਟਾਰ ਅਤੇ ਗੁਲਾਬ ਨਾਲ ਪ੍ਰਪੋਜ਼ਲ ਸੀਨ ਕਰਦੇ ਨਜ਼ਰ ਆ ਰਹੇ ਹਨ।

ਸਲਮਾਨ ਦੇ ਇਸ ਅਵਤਾਰ ਨੂੰ ਦੇਖ ਕੇ ਪ੍ਰਸ਼ੰਸਕ ਦੰਗ ਰਹਿ ਗਏ। ਇਸ ਆਡੀਸ਼ਨ 'ਚ ਸਲਮਾਨ ਕਾਫੀ ਪਤਲੇ ਨਜ਼ਰ ਆ ਰਹੇ ਹਨ। ਹੁਣ ਇਸ ਵੀਡੀਓ ਦੇ ਲੀਕ ਹੋਣ ਤੋਂ ਬਾਅਦ ਪ੍ਰਸ਼ੰਸਕ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ। ਕੁਝ ਯੂਜ਼ਰਸ ਸਲਮਾਨ ਦੇ ਇਸ ਅਣਦੇਖੇ ਲੁੱਕ 'ਤੇ ਕਮੈਂਟ ਵੀ ਕਰ ਰਹੇ ਹਨ।

ਇਹ ਵੀ ਪੜ੍ਹੋ: ਜਨਮ ਦਿਨ 'ਤੇ ਵਿਸ਼ੇਸ਼ : ਅੰਮ੍ਰਿਤਸਰ 'ਚ ਜਨਮੇ ਜਿਤੇਂਦਰ ਫ਼ਿਲਮਾਂ 'ਚ ਜਾਣ ਤੋਂ ਪਹਿਲਾਂ ਵੇਚਦੇ ਸਨ ਨਕਲੀ ਗਹਿਣੇ?

ਕੁਝ ਯੂਜ਼ਰਸ ਸਲਮਾਨ ਦੇ ਇਸ ਲੁੱਕ ਨੂੰ ਬਿਲਕੁੱਲ ਮਾਸੂਮ ਦੱਸਦੇ ਹਨ ਅਤੇ ਕੁਝ ਕਹਿੰਦੇ ਹਨ ਕਿ ਸਲਮਾਨ ਦੀ ਆਵਾਜ਼ 'ਚ ਉਹ ਤਾਕਤ ਨਹੀਂ ਹੈ ਜੋ ਅੱਜ ਦੇ ਸਮੇਂ 'ਚ ਦੇਖਣ ਨੂੰ ਮਿਲਦੀ ਹੈ। ਦੂਜੇ ਪਾਸੇ, ਕੁਝ ਲੋਕ ਸੋਚ ਰਹੇ ਹਨ ਕਿ ਸਲਮਾਨ ਇੱਕ ਪਿਆਰੇ ਲੜਕੇ ਦੀ ਤਰ੍ਹਾਂ ਦਿਖਾਈ ਦੇ ਰਹੇ ਹਨ, ਜੋ ਆਪਣੇ ਆਪ ਵਿੱਚ ਗੁਆਚਿਆ ਹੋਇਆ ਹੈ, ਉਸ ਨੇ ਇਸ ਪੜਾਅ ਤੋਂ ਭਾਈਜਾਨ ਬਣਨ ਤੱਕ ਦਾ ਸਫ਼ਰ ਕਿਵੇਂ ਕੀਤਾ ਹੋਵੇਗਾ।

ਪਿੰਕਵਿਲਾ ਨਾਲ ਇੱਕ ਤਾਜ਼ਾ ਇੰਟਰਵਿਊ ਵਿੱਚ, ਮੈਂਨੇ ਪਿਆਰ ਕੀਆ ਦੇ ਨਿਰਦੇਸ਼ਕ ਸੂਰਜ ਬੜਜਾਤਿਆ ਨੇ ਕਿਹਾ ਕਿ ਉਨ੍ਹਾਂ ਨੂੰ ਸਲਮਾਨ ਦਾ ਪਹਿਲਾ ਲੁਕ ਪਸੰਦ ਨਹੀਂ ਆਇਆ। ਸੂਰਜ ਨੇ ਕਿਹਾ, 'ਪਹਿਲਾਂ ਮੈਂ ਸੋਚਿਆ ਕਿ ਸਲੀਮ ਖਾਨ ਦਾ ਬੇਟਾ ਸਾਡੇ ਨਾਲ ਕੰਮ ਕਿਉਂ ਕਰਨਾ ਚਾਹੁੰਦਾ ਹੈ।'

ਮੈਂ ਉਸਨੂੰ ਸੁਨੇਹਾ ਦਿੱਤਾ, ਉਹ ਆ ਗਿਆ। ਉਹ ਛੋਟਾ ਨਜ਼ਰ ਆ ਰਿਹਾ ਸੀ। ਮੈਂ ਕਿਹਾ ਇਹ ਕੀ ਹੀਰੋ ਇਸ ਤਰ੍ਹਾਂ... ਪਰ ਜਦੋਂ ਉਸ ਨੇ ਮੈਨੂੰ ਆਪਣੀਆਂ ਤਸਵੀਰਾਂ ਦਿੱਤੀਆਂ, ਤਾਂ ਮੈਂ ਹੈਰਾਨ ਰਹਿ ਗਿਆ। ਉਹ ਬਿਲਕੁਲ ਜਾਦੂਈ ਸੀ। ਉਹ ਸੋਚ ਰਿਹਾ ਸੀ ਕਿ 'ਜੇ ਤੁਸੀਂ ਮੈਨੂੰ ਧੋਤੀ ਪਹਿਨਾ ਦਿਓ, ਮੈਂ ਤੁਹਾਨੂੰ ਮਨਾ ਲਵਾਂਗਾ'। ਮੈਂ ਉਸਨੂੰ ਕਹਾਣੀ ਸੁਣਾਉਣ ਲੱਗਾ। ਨਾਲ ਹੀ, ਵਿਚਕਾਰ, ਮੈਂ ਉਸਦੇ ਛੋਟੇ ਕੱਦ ਬਾਰੇ ਸੋਚ ਰਿਹਾ ਸੀ। 

ਸੂਰਜ ਨੇ ਖੁਲਾਸਾ ਕੀਤਾ ਸੀ ਕਿ ਸ਼ੁਰੂਆਤੀ ਦੌਰ 'ਚ ਮੈਂਨੇ ਪਿਆਰ ਕੀਆ ਦੇ ਸਕ੍ਰੀਨ ਟੈਸਟ 'ਚ ਸਲਮਾਨ ਖਾਨ ਨੂੰ ਠੁਕਰਾ ਦਿੱਤਾ ਗਿਆ ਸੀ। ਹਾਲਾਂਕਿ 6 ਮਹੀਨਿਆਂ ਦੇ ਅੰਦਰ ਹੀ ਉਨ੍ਹਾਂ ਨੂੰ ਫਿਲਮ ਲਈ ਦੁਬਾਰਾ ਕਾਸਟ ਕਰ ਲਿਆ ਗਿਆ। ਇਸ ਦਾ ਕਾਰਨ ਇਹ ਸੀ ਕਿ ਉਸ ਸਮੇਂ ਰਾਜਸ਼੍ਰੀ ਪ੍ਰੋਡਕਸ਼ਨ ਘਾਟੇ 'ਚ ਚੱਲ ਰਹੀ ਸੀ। ਕੋਈ ਵੀ ਵੱਡਾ ਅਦਾਕਾਰ ਰਾਜਸ਼੍ਰੀ ਨਾਲ ਕੰਮ ਨਹੀਂ ਕਰਨਾ ਚਾਹੁੰਦਾ ਸੀ।

ਬਾਅਦ ਵਿਚ, ਥੱਕ ਹਾਰ ਕੇ ਸੂਰਜ ਨੇ ਫਿਰ ਸਲਮਾਨ ਨਾਲ ਸੰਪਰਕ ਕੀਤਾ, ਜਿਸ ਨੂੰ ਉਨ੍ਹਾਂ ਨੇ 6 ਮਹੀਨੇ ਪਹਿਲਾਂ ਠੁਕਰਾ ਦਿੱਤਾ ਸੀ। ਫਿਲਮ ਲਈ ਸਲਮਾਨ ਦੇ ਆਉਣ ਤੋਂ ਬਾਅਦ ਜੋ ਹੋਇਆ ਉਹ ਇਤਿਹਾਸ ਬਣ ਗਿਆ।

ਸਲਮਾਨ ਨੇ ਇਸ ਫ਼ਿਲਮ ਦੇ ਆਡੀਸ਼ਨ ਲਈ ਇੱਕ ਦੋਸਤ ਤੋਂ ਕੱਪੜੇ ਉਧਾਰ ਲਏ ਸਨ। ਸਲਮਾਨ ਦਾ ਇਹ ਦੋਸਤ ਬੰਟੀ ਵਾਲੀਆ ਸੀ, ਜਿਸ ਨੇ 'ਹੈਲੋ ਬ੍ਰਦਰ' ਅਤੇ 'ਪਿਆਰ ਕਿਆ ਤੋ ਡਰਨਾ ਕਯਾ' ਦਾ ਨਿਰਮਾਣ ਕੀਤਾ ਸੀ। ਬੰਟੀ ਵਾਲੀਆ ਨੇ ਕਿਹਾ ਸੀ ਕਿ ਆਡੀਸ਼ਨ ਵਾਲੇ ਦਿਨ ਸਲਮਾਨ ਸਵੇਰੇ 6 ਵਜੇ ਉਨ੍ਹਾਂ ਦੇ ਘਰ ਆਏ ਅਤੇ ਪੂਰੀ ਅਲਮਾਰੀ ਖਾਲੀ ਕਰਕੇ ਆਪਣੀ ਕਾਰ 'ਚ ਰੱਖ ਲਈ। ਉਸ ਦੇ ਅਨੁਸਾਰ, ਉਹ ਉਸ ਦਿਨ ਕਾਫ਼ੀ ਘਬਰਾਇਆ ਹੋਇਆ ਸੀ ਕਿਉਂਕਿ ਉਹ ਜਾਣਦਾ ਸੀ ਕਿ ਇਹ ਸਲਮਾਨ ਲਈ ਸਭ ਤੋਂ ਮਹੱਤਵਪੂਰਨ ਦਿਨ ਹੋਣ ਵਾਲਾ ਹੈ।

ਮੈਂਨੇ ਪਿਆਰ ਕੀਆ, ਨੂੰ ਬਾਲੀਵੁੱਡ ਦੀਆਂ ਆਈਕੋਨਿਕ ਫਿਲਮਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਰੋਮਾਂਸ ਅਤੇ ਸ਼ਾਨਦਾਰ ਸੰਗੀਤ ਨਾਲ ਭਰਪੂਰ ਇਹ ਫਿਲਮ 1989 ਵਿੱਚ ਰਿਲੀਜ਼ ਹੋਈ ਸੀ। ਸੂਰਜ ਬੜਜਾਤਿਆ ਦੁਆਰਾ ਨਿਰਦੇਸ਼ਤ, ਫਿਲਮ ਵਿੱਚ ਸਲਮਾਨ ਖਾਨ ਅਤੇ ਭਾਗਿਆ ਸ਼੍ਰੀ ਮੁੱਖ ਭੂਮਿਕਾਵਾਂ ਵਿੱਚ ਸਨ। ਫਿਲਮ ਨੇ ਦੁਨੀਆ ਭਰ ਵਿੱਚ 28 ਕਰੋੜ ਦੀ ਕਮਾਈ ਕੀਤੀ ਅਤੇ ਇੱਕ ਆਲ ਟਾਈਮ ਬਲਾਕਬਸਟਰ ਸਾਬਤ ਹੋਈ।

SHARE ARTICLE

ਏਜੰਸੀ

Advertisement

Mukhtar Ansari ਦੀ ਹੋਈ ਮੌਤ, Jail 'ਚ ਪਿਆ ਦਿਲ ਦਾ ਦੌਰਾ, UP ਦੇ ਕਈ ਜ਼ਿਲ੍ਹਿਆਂ 'ਚ High Alert

29 Mar 2024 9:33 AM

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM
Advertisement