ਲਾਲ ਸਿੰਘ ਚੱਢਾ ਨੇ 6 ਅਕਤੂਬਰ 2022 ਨੂੰ ਨੈੱਟਫਲਿਕਸ 'ਤੇ ਆਪਣੇ ਪ੍ਰੀਮੀਅਰ ਤੋਂ ਬਾਅਦ ਦੁਨੀਆ ਭਰ ਦੇ ਦਰਸ਼ਕਾਂ ਤੋਂ ਅਥਾਹ ਪਿਆਰ, ਪ੍ਰਸ਼ੰਸਾ ਪ੍ਰਾਪਤ ਕੀਤੀ ਹੈ।
ਨਵੀਂ ਦਿੱਲੀ: 'ਲਾਲ ਸਿੰਘ ਚੱਢਾ' ਬੇਸ਼ੱਕ ਬਾਕਸ ਆਫ਼ਿਸ 'ਤੇ ਕੋਈ ਕਮਾਲ ਨਹੀਂ ਦਿਖਾ ਸਕੀ ਪਰ ਫ਼ਿਲਮ ਨੇ ਓਟੀਟੀ ਪਲੇਟਫਾਰਮ ਨੈੱਟਫਲਿਕਸ 'ਤੇ ਰਿਲੀਜ਼ ਹੁੰਦੇ ਹੀ ਦੇਸ਼ ਅਤੇ ਦੁਨੀਆ ਦੇ ਦਰਸ਼ਕਾਂ ਵਿਚਕਾਰ ਆਪਣੀ ਮਜ਼ਬੂਤ ਪਛਾਣ ਬਣਾਉਣੀ ਸ਼ੁਰੂ ਕਰ ਦਿੱਤੀ ਹੈ। ਲਾਲ ਸਿੰਘ ਚੱਢਾ ਨੇ 6 ਅਕਤੂਬਰ 2022 ਨੂੰ ਨੈੱਟਫਲਿਕਸ 'ਤੇ ਆਪਣੇ ਪ੍ਰੀਮੀਅਰ ਤੋਂ ਬਾਅਦ ਦੁਨੀਆ ਭਰ ਦੇ ਦਰਸ਼ਕਾਂ ਤੋਂ ਅਥਾਹ ਪਿਆਰ, ਪ੍ਰਸ਼ੰਸਾ ਪ੍ਰਾਪਤ ਕੀਤੀ ਹੈ।
ਇੱਕ ਹਫ਼ਤੇ ਅੰਦਰ, ਇਹ ਫਿਲਮ ਨੈੱਟਫਲਿਕਸ 'ਤੇ ਨੰਬਰ 1 ਫਿਲਮ ਅਤੇ ਭਾਰਤ ਵਿਚ ਨੰਬਰ 2 ਗੈਰ-ਅੰਗਰੇਜ਼ੀ ਫ਼ਿਲਮ ਬਣ ਗਈ ਹੈ। ਫਿਲਮ ਨੂੰ 6.63 ਮਿਲੀਅਨ ਘੰਟੇ ਤੱਕ ਦੇਖਿਆ ਗਿਆ ਹੈ ਅਤੇ ਮਾਰੀਸ਼ਸ, ਬੰਗਲਾਦੇਸ਼, ਸਿੰਗਾਪੁਰ, ਓਮਾਨ, ਸ਼੍ਰੀਲੰਕਾ, ਬਹਿਰੀਨ, ਮਲੇਸ਼ੀਆ ਅਤੇ ਯੂਏਈ ਸਮੇਤ ਦੁਨੀਆ ਭਰ ਦੇ 13 ਦੇਸ਼ਾਂ ਵਿਚ ਫਿਲਮਾਂ ਦੇ ਸਿਖ਼ਰ 10 ਵਿਚ ਦਰਜਾ ਪ੍ਰਾਪਤ ਹੈ।
ਵਾਇਆਕਾਮ 18 ਸਟੂਡੀਓਜ਼ ਦੁਆਰਾ ਪ੍ਰਸਤੁਤ, ਅਦਵੈਤ ਚੰਦਨ ਦੁਆਰਾ ਨਿਰਦੇਸ਼ਤ, ਪ੍ਰੋਡਕਸ਼ਨ 'ਲਾਲ ਸਿੰਘ ਚੱਢਾ' ਵਿਚ ਆਮਿਰ ਖਾਨ, ਕਰੀਨਾ ਕਪੂਰ ਖਾਨ, ਮੋਨਾ ਸਿੰਘ, ਨਾਗਾ ਚੈਤੰਨਿਆ ਅਕੀਨੇਨੀ ਅਤੇ ਮਾਨਵ ਵਿੱਜ ਮੁੱਖ ਭੂਮਿਕਾਵਾਂ ਵਿਚ ਹਨ। ਨੈੱਟਫਲਿਕਸ ਦੇ ਨਾਲ ਪ੍ਰਭਾਵਸ਼ਾਲੀ ਕਹਾਣੀਆਂ ਵਾਲੀਆਂ ਭਾਰਤੀ ਫਿਲਮਾਂ ਹੱਦ ਪਾਰ ਕਰ ਰਹੀਆਂ ਹਨ ਅਤੇ ਸਾਰੀਆਂ ਭਾਸ਼ਾਵਾਂ ਵਿਚ ਚੰਗੇ ਸਿਨੇਮਾ ਦਾ ਆਨੰਦ ਲੈਣ ਵਾਲੇ ਦਰਸ਼ਕਾਂ ਨੂੰ ਲੱਭ ਰਹੀਆਂ ਹਨ। ਇਸ ਹਫ਼ਤੇ ਦੀ ਗਲੋਬਲ ਗੈਰ-ਅੰਗਰੇਜ਼ੀ ਫਿਲਮਾਂ ਦੀ ਸੂਚੀ ਵਿਚ ਚਾਰ ਭਾਰਤੀ ਫਿਲਮਾਂ ਸ਼ਾਮਲ ਹਨ - ਲਾਲ ਸਿੰਘ ਚੱਢਾ, ਪਲਾਨ ਏ ਪਲਾਨ ਬੀ, ਰੰਗਾ ਰੰਗਾ ਵੈਭਵੰਗਾ ਅਤੇ ਸਾਕਿਨੀ ਡਾਕਿਨੀ ਜੋ ਵਿਸ਼ਵ ਪੱਧਰ 'ਤੇ ਦਿਲ ਜਿੱਤ ਰਹੀਆਂ ਹਨ।
Author - Amanjot Singh
