ਐਕਟਰ ਇਮਰਾਨ ਹਾਸ਼ਮੀ ਨੇ ਸੋਮਵਾਰ ਨੂੰ ਖੁਲਾਸਾ ਕੀਤਾ ਕਿ ਉਨ੍ਹਾਂ ਦੇ ਬੇਟੇ ਅਯਾਨ ਨੂੰ ਕੈਂਸਰ ਅਜ਼ਾਦ ਐਲਾਨ ਕਰ ਦਿਤਾ ਗਿਆ ਹੈ। ਅਯਾਨ ਨੂੰ 2014 ਵਿਚ ਤਿੰਨ ਸਾਲ ਦੀ ਉਮਰ...
ਮੁੰਬਈ : ਐਕਟਰ ਇਮਰਾਨ ਹਾਸ਼ਮੀ ਨੇ ਸੋਮਵਾਰ ਨੂੰ ਖੁਲਾਸਾ ਕੀਤਾ ਕਿ ਉਨ੍ਹਾਂ ਦੇ ਬੇਟੇ ਅਯਾਨ ਨੂੰ ਕੈਂਸਰ ਅਜ਼ਾਦ ਐਲਾਨ ਕਰ ਦਿਤਾ ਗਿਆ ਹੈ। ਅਯਾਨ ਨੂੰ 2014 ਵਿਚ ਤਿੰਨ ਸਾਲ ਦੀ ਉਮਰ ਵਿਚ ਹੀ ਕਿਡਨੀ ਦੇ ਅਨੋਖੇ ਕੈਂਸਰ ਨਾਲ ਪੀੜਤ ਪਾਇਆ ਗਿਆ ਸੀ। ਇਮਰਾਨ ਹਾਸ਼ਮੀ ਨੇ ਅਯਾਨ ਦੇ ਨਾਲ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਟਵੀਟ ਕੀਤਾ, ਪੰਜ ਸਾਲ ਬਾਅਦ ਅਯਾਨ ਨੂੰ ਕੈਂਸਰ ਅਜ਼ਾਦ ਐਲਾਨ ਕਰ ਦਿਤਾ ਗਿਆ ਹੈ।
Emraan Hashmi & Ayan
ਇਹ ਇਕ ਲੰਮਾ ਸਫਰ ਸੀ। ਪ੍ਰਾਰਥਨਾਵਾਂ ਅਤੇ ਕਾਮਨਾ ਲਈ ਮੈਂ ਤੁਹਾਡੇ ਸਾਰਿਆਂ ਦਾ ਧੰਨਵਾਦ ਕਰਦਾ ਹਾਂ। ਇਮਰਾਨ ਨੇ ਲਿਖਿਆ, ਕੈਂਸਰ ਨਾਲ ਜੂਝ ਰਹੇ ਸਾਰੇ ਲੋਕਾਂ ਨੂੰ ਪਿਆਰ ਅਤੇ ਦੁਆਵਾਂ, ਆਸ ਅਤੇ ਭਰੋਸਾ ਬਰਕਰਾਰ ਰਹਿਣਾ ਚਾਹੀਦਾ ਹੈ। ਤੁਸੀਂ ਇਹ ਜੰਗ ਜਿੱਤ ਸਕਦੇ ਹੋ। ਅਯਾਨ ਦਾ ਜਨਮ 2010 ਵਿਚ ਹੋਇਆ ਸੀ। ਅਯਾਨ ਇਮਰਾਨ ਅਤੇ ਉਨ੍ਹਾਂ ਦੀ ਪਤਨੀ ਪ੍ਰਵੀਨ ਸ਼ਾਹਨੀ ਦੀ ਪਹਿਲੀ ਔਲਾਦ ਹੈ। ਸਾਲ 2014 ਵਿਚ ਜਦੋਂ ਅਯਾਨ ਚਾਰ ਸਾਲ ਦੇ ਸਨ ਤਾਂ ਇਮਰਾਨ ਨੂੰ ਉਨ੍ਹਾਂ ਦੇ ਕੈਂਸਰ ਦੇ ਬਾਰੇ ਵਿਚ ਪਤਾ ਲਗਾ ਸੀ। ਅਯਾਨ ਨੂੰ ਪਹਿਲੀ ਸਟੇਜ ਦਾ ਕੈਂਸਰ ਸੀ।
Today, 5 years after his diagnosis Ayaan has been declared cancer free. It has been quite a journey. Thank you for all your prayers and wishes. Love and prayers for all the cancer fighters out there, hope and belief goes a long way. You can WIN this battle !!! #thekissoflife pic.twitter.com/sp3gySFjbS
— WHY Emraan Hashmi (@emraanhashmi) January 14, 2019
ਜਦੋਂ ਇਮਰਾਨ ਨੂੰ ਅਯਾਨ ਦੇ ਕੈਂਸਰ ਬਾਰੇ ਪਤਾ ਲਗਾ ਤਾਂ ਉਹ ਹੈਰਾਨ ਰਹਿ ਗਏ ਸਨ। ਉਨ੍ਹਾਂ ਨੇ ਅਪਣੇ ਆਪ ਤੋਂ ਸਵਾਲ ਕਰਨਾ ਸ਼ੁਰੂ ਕੀਤਾ ਕਿ ਅਖੀਰ ਉਨ੍ਹਾਂ ਤੋਂ ਗਲਤੀ ਕਿੱਥੇ ਹੋਈ ? ਇਸ ਤੋਂ ਬਾਅਦ ਕੈਂਸਰ ਦੇ ਬਾਰੇ ਵਿਚ ਲੋਕਾਂ ਨੂੰ ਜਾਗਰੂਕ ਕਰਨ ਅਤੇ ਅਪਣੀ ਕਹਾਣੀ ਸ਼ੇਅਰ ਕਰਨ ਦੇ ਉਦੇਸ਼ ਨਾਲ ਉਨ੍ਹਾਂ ਨੇ ਇਕ ਕਿਤਾਬ ਲਿਖੀ। ਇਸ ਕਿਤਾਬ 'ਚ ਉਨ੍ਹਾਂ ਨੇ ਦ ਕਿਸ ਆਫ ਲਾਈਫ : ਹਾਉ ਅ ਸੁਪਰਹੀਰੋ ਐਂਡ ਮਾਈ ਸੰਨ ਡਿਫੈਕਟਿਡ ਕੈਂਸਰ ਨਾਮ ਦਿਤਾ। ਇਸ ਵਿਚ ਉਨ੍ਹਾਂ ਨੇ ਅਯਾਨ ਦੇ ਜਨਮ, ਉਨ੍ਹਾਂ ਨੂੰ ਕੈਂਸਰ ਹੋਣ ਅਤੇ ਉਸਦੇ ਇਲਾਜ਼ ਦੇ ਬਾਰੇ ਵਿਚ ਦੱਸਿਆ ਹੈ।
