ਫ਼ਿਲਮ ਸ਼ਮਸ਼ੇਰਾ 'ਚ ਅਦਾਕਾਰਾ ਵਾਣੀ ਕਪੂਰ ਅਭਿਨੇਤਾ ਰਣਬੀਰ ਕਪੂਰ ਦੀ ਨਾਇਕਾ ਦੇ ਰੂਪ ਵਿਚ ਨਜ਼ਰ ਆਵੇਗੀ। ਨਿਰਦੇਸ਼ਕ ਕਰਨ ਮਲਹੋਤਰਾ ਨੇ ਇਸ ਦੀ ਪੁਸ਼ਟੀ ਕੀਤੀ। ਕਰਨ ਨੇ ਬਿਆਨ...
ਮੰਬਈ : ਫ਼ਿਲਮ ਸ਼ਮਸ਼ੇਰਾ 'ਚ ਅਦਾਕਾਰਾ ਵਾਣੀ ਕਪੂਰ ਅਭਿਨੇਤਾ ਰਣਬੀਰ ਕਪੂਰ ਦੀ ਨਾਇਕਾ ਦੇ ਰੂਪ ਵਿਚ ਨਜ਼ਰ ਆਵੇਗੀ। ਨਿਰਦੇਸ਼ਕ ਕਰਨ ਮਲਹੋਤਰਾ ਨੇ ਇਸ ਦੀ ਪੁਸ਼ਟੀ ਕੀਤੀ। ਕਰਨ ਨੇ ਬਿਆਨ 'ਚ ਕਿਹਾ ਕਿ ਫ਼ਿਲਮ 'ਚ ਬਾਣੀ ਰਣਬੀਰ ਦੀ ਨਾਇਕਾ ਦੀ ਭੂਮਿਕਾ ਵਿਚ ਹਨ ਅਤੇ ਉਨ੍ਹਾਂ ਦੇ ਕਿਰਦਾਰ ਦੇ ਸਫ਼ਰ 'ਚ ਮਹੱਤਵਪੂਰਣ ਸਾਥੀ ਹਨ।
ਉਨ੍ਹਾਂ ਦੇ ਕਿਰਦਾਰ ਦਾ ਗਰਾਫ਼ ਫ਼ਿਲਮ ਦੀ ਪਿਛੋਕੜ ਨਾਲ ਜੁੜਿਆ ਹੋਇਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਕਿਰਦਾਰ ਲਈ ਬਾਣੀ ਬਿਲਕੁਲ ਉਚਿਤ ਹਨ। ਉਹ ਇਕ ਚੰਗੀ ਅਦਾਕਾਰਾ, ਡਾਂਸਰ ਅਤੇ ਖ਼ੂਬਸੂਰਤ ਹੈ। ਅਸੀਂ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਲਈ ਪਰਦੇ 'ਤੇ ਕੁਝ ਨਵਾਂ ਅਤੇ ਸ਼ਾਨਦਾਰ ਲਿਆਉਣਾ ਚਾਹੁੰਦੇ ਸੀ ਅਤੇ ਬਾਣੀ ਇਸ ਦੇ ਲਈ ਬਿਲਕੁਲ ਫਿਟ ਹੈ।
ਫ਼ਿਲਮ 'ਚ ਸ਼ਾਨਦਾਰ ਐਕਸ਼ਨ ਦ੍ਰਿਸ਼ ਹੋਣਗੇ। ਰਣਬੀਰ ਕਪੂਰ ਇਸ 'ਚ ਬਿਲਕੁਲ ਵੱਖ ਅਵਤਾਰ 'ਚ ਨਜ਼ਰ ਆਉਣਗੇ। ਫ਼ਿਲਮ 'ਸ਼ਮਸ਼ੇਰਾ' ਦੀ ਸ਼ੂਟਿੰਗ ਸਾਲ 2018 ਦੇ ਅੰਤ ਵਿਚ ਸ਼ੁਰੂ ਹੋਵੇਗੀ ਅਤੇ ਸਾਲ 2019 ਵਿਚਕਾਰ ਤਕ ਸ਼ੂਟਿੰਗ ਪੂਰੀ ਹੋ ਜਾਵੇਗੀ।