ਇਹ ਸਾਡੇ ਦੇਸ਼ ਦੀ ਰਵਾਇਤੀ ਕਹਾਣੀ ਸੁਣਾਉਣ ਦੇ ਅਭਿਆਸਾਂ ’ਤੇ  ਜ਼ੋਰ ਦੇਣ ਨੂੰ ਦਰਸਾਉਂਦਾ ਹੈ : ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਸਕੱਤਰ ਸੰਜੇ ਜਾਜੂ

ਕਾਨਸ: ਕਾਨਸ ਫਿਲਮ ਫੈਸਟੀਵਲ ਦੇ 77ਵੇਂ ਐਡੀਸ਼ਨ ’ਚ ਭਾਰਤੀ ਪਵੇਲੀਅਨ ਦਾ ਰਸਮੀ ਉਦਘਾਟਨ ਬੁਧਵਾਰ  ਨੂੰ ਨਵੇਂ ਨਾਂ ‘ਭਾਰਤ’ ਪੈਵੀਲੀਅਨ ਨਾਲ ਕੀਤਾ ਗਿਆ। 

ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਸਕੱਤਰ ਸੰਜੇ ਜਾਜੂ ਨੇ ਕਿਹਾ, ‘‘ਇਹ ਸਾਡੇ ਦੇਸ਼ ਦੀ ਰਵਾਇਤੀ ਕਹਾਣੀ ਸੁਣਾਉਣ ਦੇ ਅਭਿਆਸਾਂ ’ਤੇ  ਜ਼ੋਰ ਦੇਣ ਨੂੰ ਦਰਸਾਉਂਦਾ ਹੈ ਨਾਲ ਹੀ ਇਹ ਬਾਕੀ ਦੁਨੀਆਂ ਨਾਲ ਸਰਗਰਮ ਤਰੀਕੇ ਨਾਲ ਜੁੜਨ ਦੀ ਕੋਸ਼ਿਸ਼ ਵੀ ਹੈ।’’

ਉਨ੍ਹਾਂ ਕਿਹਾ, ‘‘ਇਹ (ਭਾਰਤ) ਦੁਨੀਆਂ  ਦਾ ਸੂਤਰਧਾਰ ਹੈ। ਫੈਸਟੀਵਲ ’ਚ ਵੱਡੀ ਗਿਣਤੀ ’ਚ ਭਾਰਤੀ ਫਿਲਮਾਂ ਦੀ ਮੌਜੂਦਗੀ ਇਸ ਨਵੇਂ ਨਾਮ ਨੂੰ ਮਨਜ਼ੂਰ ਕਰਦੀ ਹੈ।’’ ਉਨ੍ਹਾਂ ਅੱਗੇ ਕਿਹਾ, ‘‘ਅਸੀਂ ਇਕ ਨੌਜੁਆਨ ਫਿਲਮ ਨਿਰਮਾਤਾ ਦੀ ਫਿਲਮ ਨਾਲ ‘ਕਾਨਸ’ ’ਚ ਭਾਰਤ ਨੂੰ ਮੁੜ ਮੁਕਾਬਲਾ ਕਰਦੇ ਵੇਖ ਕੇ ਖੁਸ਼ ਹਾਂ।’’ 

ਜਾਜੂ ਨੇ ਕਿਹਾ, ‘‘ਇਹ ਤਿਉਹਾਰ ਭੂਗੋਲਿਕ ਸੀਮਾਵਾਂ ਤੋਂ ਪਰੇ ਨੈੱਟਵਰਕਿੰਗ ਅਤੇ ਸਹਿਯੋਗ ਲਈ ਇਕ ਮੰਚ ਹੈ।’’ ਪਾਇਲ ਕਪਾਡੀਆ ਦੇ ਨਿਰਦੇਸ਼ਨ ’ਚ ਬਣੀ ‘ਆਲ ਵੀ ਇਮੇਜਿਨ ਏਜ਼ ਲਾਈਟ’ ਨੂੰ ਇੰਡੋ-ਫ੍ਰੈਂਚ ਪ੍ਰੋਡਿਊਸਰ ਪ੍ਰੋਡਿਊਸ ਕਰ ਰਹੇ ਹਨ।