ਫਿਲਮ ਮਣਿਕਰਣਿਕਾ ਦ ਕਵੀਨ ਆਫ ਝਾਂਸੀ ਦੇ ਪ੍ਰਮੋਸ਼ਨ ਵਿਚ ਵਿਅਸਤ ਅਦਾਕਾਰਾ ਕੰਗਣਾ ਰਨੌਤ ਦਾ ਇਕ ਵੀਡੀਓ ਇਨੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ...
ਮੰਡੀ : ਫਿਲਮ ਮਣਿਕਰਣਿਕਾ ਦ ਕਵੀਨ ਆਫ ਝਾਂਸੀ ਦੇ ਪ੍ਰਮੋਸ਼ਨ ਵਿਚ ਵਿਅਸਤ ਅਦਾਕਾਰਾ ਕੰਗਣਾ ਰਨੌਤ ਦਾ ਇਕ ਵੀਡੀਓ ਇਨੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਜਿਸ ਵਿਚ ਉਹ ਇਕ ਮੰਦਿਰ ਵਿਚ ਭਜਨ ਅਤੇ ਡਾਂਸ ਕਰਦੀ ਹੋਈ ਵਿਖ ਰਹੀ ਹੈ। ਖਬਰਾਂ ਦੀਆਂ ਮੰਨੀਏ ਤਾਂ ਇਹ ਵੀਡੀਓ ਕੰਗਣਾ ਦੇ ਹੋਮ ਟਾਉਨ ਮੰਡੀ (ਹਿਮਾਚਲ ਪ੍ਰਦੇਸ਼) ਦਾ ਹੈ। ਜਿੱਥੇ ਕੰਗਣਾ ਵੀਰਵਾਰ ਨੂੰ ਕੁਲਦੇਵੀ ਮਾਂ ਮਹਿਸੁਰਮਰਦਿਨੀ ਦੇ ਦਰਸ਼ਨ ਕਰਨ ਲਈ ਪਰਵਾਰ ਦੇ ਨਾਲ ਪਹੁੰਚੀ ਸਨ।
Video | Kangana at the temple she build in her native village in Mandi pic.twitter.com/EdHMO4FRII
— Kangana Ranaut Daily (@KanganaDaily) January 18, 2019
ਉਸੀ ਦੌਰਾਨ ਕੰਗਣਾ ਉਥੇ ਮੌਜੂਦ ਔਰਤਾਂ ਦੇ ਨਾਲ ਨੱਚਣ ਲੱਗੀ ਅਤੇ ਕਿਸੇ ਨੇ ਇਹ ਵੀਡੀਓ ਬਣਾ ਲਿਆ। ਵੀਡੀਓ ਹੁਣ ਵਾਇਰਲ ਹੋ ਰਿਹਾ ਹੈ, ਜਿਸ ਵਿਚ ਤੁਸੀਂ ਕੰਗਣਾ ਨੂੰ ਡਾਂਸ ਕਰਦੇ ਹੋਏ ਵੇਖ ਸਕਦੇ ਹੋ। ਖਬਰ ਹੈ ਕਿ ਕੰਗਣਾ ਨੇ ਖੁਦ ਵੀ ਇੱਥੇ ਇਕ ਮੰਦਿਰ ਬਣਵਾਇਆ ਹੈ। ਇਕ ਇੰਟਰਵਿਊ ਵਿਚ ਉਨ੍ਹਾਂ ਨੇ ਦੱਸਿਆ ਕਿ ਇਹ ਮੰਦਿਰ ਇਸਲਈ ਬਣਵਾਇਆ ਤਾਂਕਿ ਲੋਕ ਇਸ ਵਿਚ ਆਕੇ ਆਰਾਮ ਨਾਲ ਪੂਜਾ ਕਰ ਸਕਦੇ ਹਨ। ਦੱਸ ਦਈਏ ਕਿ ਹਾਲ ਹੀ 'ਚ ਕਰਣੀ ਸੇਨਾ ਨੇ ਇਸ ਫਿਲਮ ਨੂੰ ਲੈ ਕੇ ਇਤਰਾਜ਼ ਜਤਾਇਆ ਸੀ।
Kangna Ranaut
ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਫਿਲਮ ਦੇ ਖਿਲਾਫ ਹੈ। ਉਨ੍ਹਾਂ ਨੇ ਕਿਹਾ ਸੀ ਕਿ ਫਿਲਮ ਵਿਚ ਰਾਣੀ ਲਕਸ਼ਮੀਬਾਈ ਦਾ ਸਬੰਧ ਇਕ ਅੰਗ੍ਰੇਜ਼ ਨਾਲ ਵਿਖਾਇਆ ਗਿਆ ਹੈ ਅਤੇ ਨਾਲ ਹੀ ਉਹ ਇਕ ਗੀਤ 'ਤੇ ਡਾਂਸ ਵੀ ਕਰਦੀ ਹੋਈ ਨਜ਼ਰ ਆ ਰਹੀ ਹੈ। ਹਾਲਾਂਕਿ, ਬਾਅਦ ਵਿਚ ਕੰਗਣਾ ਨੇ ਕਰਾਰਾ ਜਵਾਬ ਦਿਤਾ। ਕੰਗਣਾ ਰਨੌਤ ਦੀ ਇਹ ਫਿਲਮ ਝਾਂਸੀ ਦੀ ਰਾਣੀ ਲਕਸ਼ਮੀਬਾਈ ਦੇ ਜੀਵਨ 'ਤੇ ਆਧਾਰਿਤ ਹੈ। ਇਹ ਫਿਲਮ 25 ਜਨਵਰੀ ਨੂੰ ਰਿਲੀਜ਼ ਹੋ ਰਹੀ ਹੈ।
