ਬਾਲੀਵੁੱਡ ਅਦਾਕਾਰਾ ਕੰਗਣਾ ਰਨੌਤ ਅਤੇ ਰਾਜਕੁਮਾਰ ਰਾਵ ਦੀ ਜੋੜੀ ਇਕ ਵਾਰ ਫਿਰ ਤੋਂ ਨਜ਼ਰ ਆਵੇਗੀ ਫਿਲਮ ਮੈਂਟਲ ਹੈ ਕਿਆ ਵਿਚ। ਇਸ ਫਿਲਮ ਦਾ ਪਹਿਲਾ ਪੋਸਟਰ ਸਾਹਮਣੇ ਆ ਗਿਆ ਹੈ, ਫਿਲਮ ਦੇ ਜਾਰੀ ਹੋਏ ਇਸ ਪੋਸਟਰ ਵਿਚ ਕੰਗਣਾ ਅਤੇ ਰਾਜਕੁਮਾਰ ਬਿਲਕੁਲ ਮੈਂਟਲ ਦੀ ਤਰ੍ਹਾਂ ਹੀ ਨਜ਼ਰ ਆ ਰਹੇ ਹਨ।
ਕੰਗਣਾ ਅਤੇ ਰਾਜਕੁਮਾਰ ਦਾ ਮੈਂਟਲ ਲੁੱਕ ਸਚਮੁੱਚ ਤੁਹਾਨੂੰ ਆਕਰਸ਼ਤ ਜ਼ਰੂਰ ਕਰੇਗਾ। ਇਸ ਫਿਲਮ ਵਿਚ ਕੰਗਣਾ ਦਾ ਲੁੱਕ ਵੇਖ ਕੇ ਉਨ੍ਹਾਂ ਦੀ ਪਿਛਲੀ ਫਿਲਮ ਸਿਮਰਨ ਅਤੇ ਤਨੁ ਵੇਡਸ ਮਨੂੰ ਰਿਟਰਨਸ ਦੀ ਯਾਦ ਵੀ ਜ਼ਰੂਰ ਆਵੇਗੀ ਕਿਉਂਕਿ ਮੈਂਟਲ ਦੇ ਪਹਿਲੇ ਪੋਸਟਰ ਵਿਚ ਕੰਗਣਾ ਦਾ ਬੁਆਏ ਕਟ ਲੁੱਕ ਹੈ, ਜਿਵੇਂ ਦਾ ਉਨ੍ਹਾਂ ਦੀ ਪਿਛਲੀ ਫਿਲਮ ਵਿਚ ਸੀ। ਪੋਸਟਰ ਵਿਚ ਬੇਹੱਦ ਸ਼ਰਾਰਤੀ ਲੁੱਕ ਵਿਚ ਨਜ਼ਰ ਆ ਰਹੀ ਕੰਗਣਾ ਅਤੇ ਰਾਜਕੁਮਾਰ ਦਾ ਸਿਰਫ ਚਿਹਰਾ ਹੈ। ਪੋਸਟਰ ਵੇਖਕੇ ਤੁਸੀਂ ਇਹ ਜ਼ਰੂਰ ਕਹੋਗੇ ਕਿ ਕੰਗਣਾ ਮੈਂਟਲ ਹੈ ਕਿਆ।
ਕੰਗਣਾ ਅਤੇ ਰਾਜਕੁਮਾਰ ਦੀ ਜੋੜੀ ਪਿਛਲੀ ਵਾਰ ਨਿਰਦੇਸ਼ਕ ਵਿਕਾਸ ਬਹਿਲ ਦੀ ਫਿਲਮ ਕਵੀਨ ਵਿਚ ਨਾਲ ਨਜ਼ਰ ਆਈ ਸੀ। ਇਹ ਜੋੜੀ ਕਵੀਨ ਵਿਚ ਸੁਪਰਹਿਟ ਸਾਬਤ ਹੋਈ ਸੀ। ਇਕ ਵਾਰ ਫਿਰ ਦੋਨਾਂ ਨੂੰ ਸਾਇਨ ਕਰਨ ਦਾ ਮਕਸਦ ਇਕ ਕਾਮਯਾਬ ਫਿਲਮ ਦੇਣ ਦਾ ਹੀ ਹੈ। ਸ਼ੈਲੇਸ਼ ਆਰ. ਸਿੰਘ ਅਤੇ ਏਕਤਾ ਕਪੂਰ ਇਸ ਫਿਲਮ ਦੇ ਪ੍ਰੋਡਿਊਸਰ ਹਨ।
ਮੈਂਟਲ ਹੈ ਕਿਆ ਇਕ ਮਨੋਵਿਗਿਆਨਕ ਥ੍ਰਿਲਰ ਫਿਲਮ ਹੋਵੇਗੀ। ਇਸਨੂੰ ਨੈਸ਼ਨਲ ਅਵਾਰਡ ਵਿਨਰ ਡਾਇਰੈਕਟਰ ਪ੍ਰਕਾਸ਼ ਕੋਵੇਲਾਮੁਦੀ ਡਾਇਰੈਕਟ ਕਰ ਰਹੇ ਹਨ। ਫਿਲਮ ਦੀ ਕਹਾਣੀ ਲੰਦਨ ਅਤੇ ਮੁੰਬਈ ਦੀ ਪ੍ਰਸ਼ਠਭੂਮੀ 'ਤੇ ਆਧਾਰਿਤ ਹੈ। ਰਾਜਕੁਮਾਰ ਰਾਵ ਨੇ ਫਿਲਮ ਦੀ ਸਕਰਿਪਟ ਸੁਣਦੇ ਹੀ ਇਸਦੇ ਲਈ ਹਾਂ ਕਰ ਦਿੱਤੀ ਸੀ।
ਕੰਗਣਾ ਅਤੇ ਰਾਜਕੁਮਾਰ ਇਸ ਫਿਲਮ ਨੂੰ ਲੈ ਕੇ ਕਾਫ਼ੀ ਉਤਸ਼ਾਹਿਤ ਹਨ। ਰਾਜਕੁਮਾਰ ਨੇ ਕਿਹਾ, ਕੰਗਣਾ ਅਤੇ ਮੈਂ ਬਹੁਤ ਚੰਗੇ ਦੋਸਤ ਹਾਂ। ਕਵੀਨ ਦੇ ਸੈੱਟ 'ਤੇ ਸਾਡੇ ਦੋਵਾਂ 'ਚ ਬਹੁਤ ਛੇਤੀ ਹੀ ਦੋਸਤੀ ਹੋ ਗਈ ਸੀ। ਕੰਗਣਾ ਨੂੰ ਖੁਸ਼ ਕਰਨਾ ਬਹੁਤ ਹੀ ਆਸਾਨ ਕੰਮ ਹੈ।
