india's got latent controversy : ਇਹ ਬਹੁਤ ਗੰਭੀਰ ਮੁੱਦਾ ਹੈ : ਸੁਪਰੀਮ ਕੋਰਟ ਨੇ ਕਿਹਾ
Samay Raina in trouble again for comments on disabled people Latest News in punjabi : ਕਾਮੇਡੀਅਨ ਸਮਯ ਰੈਨਾ ਦੀਆਂ ਮੁਸ਼ਕਲਾਂ ਘੱਟ ਹੋਣ ਦੇ ਕੋਈ ਸੰਕੇਤ ਨਹੀਂ ਦਿਖਾ ਰਹੀਆਂ ਹਨ। ਉਸ ਨੇ ਇਕ ਸ਼ੋਅ ਦੌਰਾਨ ਅਪਾਹਜਾਂ ਬਾਰੇ ਟਿੱਪਣੀ ਕੀਤੀ ਸੀ, ਜਿਸ ਬਾਰੇ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ। ਸੁਪਰੀਮ ਕੋਰਟ ਨੇ ਇਸ ਮਾਮਲੇ 'ਤੇ ਕਿਹਾ ਕਿ ਇਹ ਬਹੁਤ ਗੰਭੀਰ ਮੁੱਦਾ ਹੈ।
ਸੁਪਰੀਮ ਕੋਰਟ ਨੇ ਇਨ੍ਹਾਂ ਟਿੱਪਣੀਆਂ 'ਤੇ ਡੂੰਘੀ ਚਿੰਤਾ ਪ੍ਰਗਟ ਕੀਤੀ ਹੈ, ਇਨ੍ਹਾਂ ਘਟਨਾਵਾਂ ਨੂੰ "ਸੱਚਮੁੱਚ ਪ੍ਰੇਸ਼ਾਨ ਕਰਨ ਵਾਲੀਆਂ" ਕਿਹਾ ਹੈ ਅਤੇ ਇਸ ਮਾਮਲੇ 'ਤੇ ਸੁਪਰੀਮ ਕੋਰਟ ਨੇ ਸਖ਼ਤ ਸਟੈਂਡ ਲਿਆ ਹੈ। ਇਹ ਵਿਵਾਦ ਰੈਨਾ ਦੇ ਯੂਟਿਊਬ ਸ਼ੋਅ ਇੰਡੀਆਜ਼ ਗੌਟ ਲੇਟੈਂਟ ਤੋਂ ਪੈਦਾ ਹੋਇਆ ਹੈ।
ਇੰਡੀਆਜ਼ ਗੌਟ ਲੇਟੈਂਟ ਮਾਮਲੇ ਵਿਚ ਸਮਯ ਰੈਨਾ ਦੀਆਂ ਮੁਸ਼ਕਲਾਂ ਵਧ ਗਈਆਂ ਹਨ। ਸੁਪਰੀਮ ਕੋਰਟ ਨੇ ਸਮਯ ਰੈਨਾ ਦੀ ਅਪਾਹਜ ਲੋਕਾਂ ਬਾਰੇ ਟਿੱਪਣੀ 'ਤੇ ਸਖ਼ਤ ਰੁਖ਼ ਅਪਣਾਇਆ ਹੈ। ਸੁਪਰੀਮ ਕੋਰਟ ਨੇ ਸਮਯ ਰੈਨਾ ਦੀ ਉਸ ਕਲਿੱਪ ਨੂੰ ਰਿਕਾਰਡ 'ਤੇ ਲਿਆ ਹੈ ਜਿਸ ਵਿਚ ਉਸ ਨੇ ਇਕ ਅੰਨ੍ਹੇ ਆਦਮੀ ਦੇ ਨਾਲ-ਨਾਲ ਇਕ ਦੋ ਮਹੀਨੇ ਦੇ ਬੱਚੇ ਦਾ ਮਜ਼ਾਕ ਉਡਾਇਆ ਸੀ ਜਿਸ ਨੂੰ ਬਚਣ ਲਈ 16 ਕਰੋੜ ਰੁਪਏ ਦੇ ਟੀਕਿਆਂ ਦੀ ਲੋੜ ਸੀ।
ਦਰਅਸਲ, ਇਹ ਦੋਸ਼ ਕਿਊਰ ਐਸਐਮਏ ਫ਼ਾਊਂਡੇਸ਼ਨ ਆਫ਼ ਇੰਡੀਆ ਨੇ ਲਗਾਏ ਹਨ। ਫ਼ਾਊਂਡੇਸ਼ਨ ਨੇ ਅਦਾਲਤ ਨੂੰ ਦਸਿਆ ਕਿ ਸਮਯ ਰੈਨਾ ਨੇ ਇਕ ਸ਼ੋਅ ਦੌਰਾਨ ਦੋ ਮਹੀਨੇ ਦੇ ਬੱਚੇ ਦੇ ਮਾਮਲੇ ਵਿਚ ਸਪਾਈਨਲ ਮਾਸਕੂਲਰ ਐਟ੍ਰੋਫੀ ਦੇ ਇਲਾਜ ਲਈ 16 ਕਰੋੜ ਰੁਪਏ ਦੇ ਟੀਕੇ ਦੇ ਵਿਕਲਪ ਦਾ ਮਜ਼ਾਕ ਉਡਾਇਆ ਸੀ। ਸਮਯ ਰੈਨਾ ਨੇ ਸ਼ੋਅ ਦੌਰਾਨ ਮਜ਼ਾਕ ਕਰਦੇ ਹੋਏ ਕਿਹਾ ਸੀ ਕਿ ਇਸ ਗੱਲ ਦੀ ਕੋਈ ਗਰੰਟੀ ਨਹੀਂ ਹੈ ਕਿ ਉਸ ਟੀਕੇ ਤੋਂ ਬਾਅਦ ਵੀ ਬੱਚਾ ਬਚੇਗਾ। ਉਹ ਮਰ ਵੀ ਸਕਦਾ ਹੈ। ਉਸ ਨੇ ਅੱਗੇ ਮਜ਼ਾਕ ਕਰਦੇ ਹੋਏ ਕਿਹਾ ਕਿ ਜੇ ਬੱਚਾ ਬਚ ਜਾਵੇ ਅਤੇ ਵੱਡਾ ਹੋ ਕੇ ਕਹੇ ਕਿ ਉਹ ਕਵੀ ਬਣਨਾ ਚਾਹੁੰਦਾ ਹੈ।
ਜਾਣਕਾਰੀ ਅਨੁਸਾਰ, ਮਾਮਲੇ ਦੀ ਸੁਣਵਾਈ ਕਰ ਰਹੇ ਜਸਟਿਸ ਕਾਂਤ ਨੇ ਕਿਹਾ, 'ਇਹ ਇਕ ਬਹੁਤ ਗੰਭੀਰ ਮੁੱਦਾ ਹੈ। ਅਸੀਂ ਇਹ ਦੇਖ ਕੇ ਸੱਚਮੁੱਚ ਪ੍ਰੇਸ਼ਾਨ ਹਾਂ। ਅਸੀਂ ਚਾਹੁੰਦੇ ਹਾਂ ਕਿ ਤੁਸੀਂ ਇਨ੍ਹਾਂ ਘਟਨਾਵਾਂ ਨੂੰ ਵੀ ਰਿਕਾਰਡ 'ਤੇ ਲਿਆਉ। ਜੇ ਤੁਹਾਡੇ ਕੋਲ ਟ੍ਰਾਂਸਕ੍ਰਿਪਟਾਂ ਵਾਲੀਆਂ ਵੀਡੀਉ-ਕਲਿੱਪਾਂ ਹਨ, ਤਾਂ ਉਨ੍ਹਾਂ ਨੂੰ ਲਿਆਉ। ਸਬੰਧਤ ਵਿਅਕਤੀਆਂ ਨੂੰ ਸ਼ਾਮਲ ਕਰੋ। ਨਾਲ ਹੀ ਉਹ ਹੱਲ ਵੀ ਸੁਝਾਉ ਜੋ ਤੁਹਾਨੂੰ ਸਹੀ ਲੱਗਦੇ ਹਨ... ਫਿਰ ਅਸੀਂ ਦੇਖਾਂਗੇ।" ਤੁਹਾਨੂੰ ਦੱਸ ਦੇਈਏ ਕਿ ਮਾਪਿਆਂ 'ਤੇ ਕੀਤੀਆਂ ਗਈਆਂ ਟਿੱਪਣੀਆਂ ਤੋਂ ਬਾਅਦ ਹਾਲ ਹੀ ਵਿਚ ਹੋਏ ਵਿਵਾਦ ਵਿਚ, ਸ਼ੋਅ ਨਾਲ ਜੁੜੇ ਲੋਕਾਂ ਵਿਰੁਧ ਕੇਸ ਦਰਜ ਕੀਤੇ ਗਏ ਸਨ।
