2019 ਦੀਆਂ ਆਮ ਚੋਣਾਂ ਨੇੜੇ ਆ ਗਈਆਂ ਹਨ। ਅਜਿਹੇ ਵਿਚ ਕਿਹਾ ਜਾ ਰਿਹਾ ਹੈ ਕਿ ਕਈ ਰਾਜਨੀਤਕ ਪਾਰਟੀਆਂ...
ਨਵੀਂ ਦਿੱਲੀ : 2019 ਦੀਆਂ ਆਮ ਚੋਣਾਂ ਨੇੜੇ ਆ ਗਈਆਂ ਹਨ। ਅਜਿਹੇ ਵਿਚ ਕਿਹਾ ਜਾ ਰਿਹਾ ਹੈ ਕਿ ਕਈ ਰਾਜਨੀਤਕ ਪਾਰਟੀਆਂ ਫ਼ਿਲਮੀ ਸਿਤਾਰੀਆਂ ਨੂੰ ਖੜਾ ਕਰਨਾ ਚਾਹੁੰਦੀਆਂ ਹਨ ਅਤੇ ਉਨ੍ਹਾਂ ਨੂੰ ਅਪਣੀ ਪਾਰਟੀ ਦਾ ਟਿਕਟ ਦੇਣਾ ਚਾਹੁੰਦੀਆਂ ਹਨ। ਹਾਲ ਹੀ ਵਿਚ ਖ਼ਬਰ ਆਈ ਸੀ ਕਿ ਕਰੀਨਾ ਕਪੂਰ ਖ਼ਾਨ, ਕਾਂਗਰਸ ਦੇ ਟਿਕਟ ਉਤੇ ਭੋਪਾਲ ਤੋਂ ਚੋਣ ਲੜ ਸਕਦੀ ਹੈ। ਕਾਂਗਰਸ ਦੇ ਇਕ ਸਥਾਨਕ ਸੇਵਾਦਾਰ ਨੇ ਰਾਹੁਲ ਗਾਂਧੀ ਨੂੰ ਪੱਤਰ ਲਿਖ ਕੇ ਕਰੀਨਾ ਨੂੰ ਉਮੀਦਵਾਰ ਬਣਾਉਣ ਦੀ ਮੰਗ ਕੀਤੀ ਸੀ।
kareena kapoor
ਹਾਲਾਂਕਿ ਕਰੀਨਾ ਨੇ ਅਫ਼ਵਾਹਾਂ ਨੂੰ ਖਾਰਜ ਕੀਤਾ ਅਤੇ ਚੋਣ ਲੜਨ ਦੀ ਕਿਸੇ ਸੰਭਾਵਨਾ ਤੋਂ ਇਨਕਾਰ ਕਰ ਦਿਤਾ। ਕਰੀਨਾ ਤੋਂ ਬਾਅਦ ਹੁਣ 90 ਦੇ ਦੌਰ ਦੀ ਸੁਪਰ ਸਟਾਰ ਮਾਧੁਰੀ ਦਿਕਸ਼ਿਤ ਦੀ ਵੀ ਚੋਣ ਲੜਨ ਦੀ ਅਫ਼ਵਾਹ ਸਾਹਮਣੇ ਆ ਰਹੀ ਹੈ। ਇਕ ਰਿਪੋਰਟ ਦੇ ਅਨੁਸਾਰ, ਜਦੋਂ ਮਾਧੁਰੀ ਤੋਂ ਇਸ ਬਾਰੇ ਵਿਚ ਸਵਾਲ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਹੱਸਦੇ ਹੋਏ ਕਿਹਾ, ਪਹਿਲਾਂ ਤੁਸੀ ਦੱਸੋ ਕਿ ਤੁਹਾਡਾ ਸੋਰਸ ਕੌਣ ਹੈ। ਮਾਧੁਰੀ ਨੇ ਭਲੇ ਹੀ ਚੋਣ ਲੜਨ ਦੀ ਸੰਭਾਵਨਾ ਤੋਂ ਮਨਾਹੀ ਕੀਤੀ ਹੋਵੇ,
Madhuri Dixit
ਪਰ ਉਨ੍ਹਾਂ ਦੇ ਦੌਰ ਦੇ ਕਈ ਸਿਤਾਰੇ ਇਸ ਵਾਰ ਅਪਣੀ ਰਾਜਨੀਤਕ ਪਾਰੀ ਸ਼ੁਰੂ ਕਰ ਸਕਦੇ ਹਨ। ਕਿਹਾ ਇਹ ਵੀ ਜਾ ਰਿਹਾ ਹੈ ਕਿ ਲੋਕਸਭਾ ਚੋਣ ਵਿਚ ਸਨੀ ਦਿਓਲ, ਅਜੇ ਦੇਵਗਨ, ਕਪਿਲ ਦੇਵ, ਅਕਸ਼ੈ ਕੁਮਾਰ ਸਹਿਤ ਕਈ ਨਾਮੀ ਹਸਤੀਆਂ ਰਾਜਨੀਤੀ ਦੇ ਮੈਦਾਨ ਵਿਚ ਉਤਰ ਸਕਦੀਆਂ ਹਨ। ਹਾਲਾਂਕਿ ਹੁਣ ਤੱਕ ਨਾ ਤਾਂ ਪਾਰਟੀਆਂ ਅਤੇ ਨਾ ਹੀ ਇਨ੍ਹਾਂ ਲੋਕਾਂ ਵਲੋਂ ਅਜਿਹੀ ਕਿਸੇ ਸੰਭਾਵਨਾ ਦੇ ਵੱਲ ਸੰਕੇਤ ਦਿਤਾ ਗਿਆ ਹੈ।
