ਉਹਨਾਂ ਕਿਹਾ ਕਿ ਸੁਰਿੰਦਰ ਸ਼ਿੰਦਾ ਜੇ ਗਾਇਕ ਬਣਿਆ ਤਾਂ ਕਿਸਾਨਾਂ ਨੇ ਬਣਾਇਆ ਹੈ
ਨਵੀਂ ਦਿੱਲੀ: ਕੇਂਦਰ ਸਰਕਾਰ ਵੱਲੋਂ ਬਣਾਏ ਗਏ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਕਿਸਾਨਾਂ ਨੇ ਖੇਤੀ ਕਾਨੂੰਨਾਂ ਦੇ ਵਿਰੋਧ ਵਿਚ ਦਿੱਲੀ ਬਾਰਡਰ ’ਤੇ ਮੋਰਚਾ ਲਾਇਆ ਹੋਇਆ ਹੈ। ਕਿਸਾਨਾਂ ਨੂੰ ਦੇਸ਼ ਦੇ ਹਰ ਕੋਨੇ ਤੋਂ ਹਰ ਕਿੱਤੇ ਨਾਲ ਸਬੰਧਤ ਲੋਕਾਂ ਦਾ ਸਾਥ ਮਿਲ ਰਿਹਾ ਹੈ।
Surinder Shinda
ਦੇਸ਼ ਦੇ ਹਰ ਵਰਗ ਦੇ ਲੋਕਾਂ ਦਾ ਸਾਥ ਮਿਲ ਰਿਹਾ ਹੈ ਕਲਾਕਾਰਾਂ ਦਾ ਵੀ ਪੂਰਾ ਸਮਰਥਨ ਮਿਲ ਰਿਹਾ ਹੈ। ਸਿੰਘੂ ਬਾਰਡਰ ਤੇ ਪਹੁੰਚੇ ਸੁਰਿੰਦਰ ਸ਼ਿੰਦੇ ਨੇ ਭਾਵੁਕ ਹੁੰਦਿਆਂ ਕਿਹਾ ਕਿ ਬੜੀਆਂ ਜਗ੍ਹਾਵਾਂ ਕੇ ਨਤਮਸਤਕ ਹੋਏ ਹਾਂ ਪਰ ਅੱਜ ਇਥੇ ਆ ਕੇ ਇਸ ਤਰ੍ਹਾਂ ਲੱਗਾ ਕੇ ਇਸ ਤੋਂ ਵੱਡਾ ਕੋਈ ਤੀਰਥ ਹੈ ਹੀ ਨਹੀਂ।
Surinder Shinda
ਜਿਥੇ ਸਤਿਗੁਰੂ ਦੀਆਂ ਰਹਿਮਤਾਂ ਵਰਸਦੀਆਂ ਹੋਣ, ਉਥੇ ਹਮੇਸ਼ਾਂ ਜਿੱਤ ਨਸੀਬ ਹੁੰਦੀ ਹੈ। ਉਹਨਾਂ ਕਿਹੀ ਕਿ ਇੱਕ ਸਮੇਂ ਭਗਤ ਸਿੰਘ ਨੇ ਇਨਕਲਾਬ ਲਿਆਂਦਾ ਸੀ ਪਰ ਅੱਜ ਲੱਖਾਂ ਭਗਤ ਸਿੰਘ ਆਪਣੇ ਹੱਕਾਂ ਲਈ ਖੜ੍ਹੇ ਹਨ।
Surinder Shinda
ਉਹਨਾਂ ਕਿਹਾ ਕਿ ਸੁਰਿੰਦਰ ਸ਼ਿੰਦਾ ਜੇ ਗਾਇਕ ਬਣਿਆ ਤਾਂ ਕਿਸਾਨਾਂ ਨੇ ਬਣਾਇਆ ਹੈ। ਸੁਰਿੰਦਰ ਸ਼ਿੰਦਾ ਨੇ ਕਿਹਾ ਕਿ ਮੇਰੇ ਪੁੱਤਰ ਕੈਨੇਡਾ ਵਿਚ ਰਹਿੰਦੇ ਹਨ ਉਹਨਾਂ ਨੇ ਕਿਹਾ ਕਿ ਤੁਸੀਂ ਘਰ ਵਿਚ ਬੈਠੇ ਰਹਿੰਦੇ ਹੋ ਦਿੱਲੀ ਕਿਉਂ ਨਹੀਂ ਜਾਂਦੇ।
Surinder Shinda
ਮੇਰੇ ਪੁੱਤਰਾਂ ਨੇ ਕਿਹਾ ਕਿ ਪਿਤਾ ਜੀ ਬੇਨਤੀ ਹੈ ਕਿ ਜੇ ਉਸ ਵੱਡੇ ਅੰਦੋਲਨ ਵਿਚ ਨਾ ਗਏ ਤਾਂ ਸਾਡੇ ਕੋਲ ਕੈਨੇਡਾ ਆਉਣ ਦੀ ਲੋੜ ਨਹੀਂ ਹੈ। ਉਹਨਾਂ ਨੇ ਗੀਤ ਗਾ ਕੇ ਵੀ ਦੱਸਿਆ ਕਿ ਜ਼ਮੀਨ ਤਾਂ ਜੱਟ ਦੀ ਮਾਂ ਹੁੰਦੀ ਹੈ।
