ਇਹ ਮਾਮਲਾ ਹਾਲੀਆ ਨਹੀਂ ਬਲਕਿ 6 ਸਾਲ ਪੁਰਾਣਾ ਹੈ। ਹੁਣ ਪੁਰਾਣੇ ਮਾਮਲੇ ਦੀ ਤਸਵੀਰ ਨੂੰ ਹਾਲੀਆ ਦੱਸਕੇ ਵਾਇਰਲ ਕੀਤਾ ਜਾ ਰਿਹਾ ਹੈ। 

RSFC (Team Mohali)- ਸੋਸ਼ਲ ਮੀਡੀਆ 'ਤੇ ਇੱਕ ਅਖਬਾਰ ਦੀ ਕਟਿੰਗ ਵਾਇਰਲ ਹੋ ਰਹੀ ਹੈ। ਕਟਿੰਗ 'ਚ ਇੱਕ ਤਸਵੀਰ ਹੈ ਅਤੇ ਤਸਵੀਰ ਵਿਚ ਇੱਕ ਵਿਅਕਤੀ ਨੂੰ ਹਸਪਤਾਲ ਰੂਪੀ ਥਾਂ 'ਤੇ ਮਰੀਜ਼ ਦੇ ਬੈਡ ਉੱਤੇ ਲੱਤ ਰਖੇ ਖੜੇ ਵੇਖਿਆ ਜਾ ਸਕਦਾ ਹੈ। ਤਸਵੀਰ ਵਾਇਰਲ ਕਰਦਿਆਂ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਮਾਮਲਾ ਹਾਲੀਆ ਹੈ ਅਤੇ ਤਸਵੀਰ ਛੱਤੀਸਗੜ੍ਹ 'ਚ IAS ਅਧਿਕਾਰੀ ਦੀ ਹੈ। ਕੁਝ ਯੂਜ਼ਰਸ ਇਸ ਤਸਵੀਰ ਨੂੰ ਸ਼ੇਅਰ ਕਰਦਿਆਂ ਛੱਤੀਸਗੜ੍ਹ ਦੇ ਮੁੱਖ ਮੰਤਰੀ ਭੁਪੇਸ਼ ਬਘੇਲ ਤੋਂ ਕਾਰਵਾਈ ਕਰਨ ਦੀ ਮੰਗ ਕਰ ਰਹੇ ਹਨ। 

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਇਹ ਮਾਮਲਾ ਹਾਲੀਆ ਨਹੀਂ ਬਲਕਿ 6 ਸਾਲ ਪੁਰਾਣਾ ਹੈ। ਹੁਣ ਪੁਰਾਣੇ ਮਾਮਲੇ ਦੀ ਤਸਵੀਰ ਨੂੰ ਹਾਲੀਆ ਦੱਸਕੇ ਵਾਇਰਲ ਕੀਤਾ ਜਾ ਰਿਹਾ ਹੈ। 

ਵਾਇਰਲ ਪੋਸਟ

ਫੇਸਬੁੱਕ ਪੇਜ "क्षत्रिय संस्कृति संस्कार व राजपूती रीति परंपरा" ਨੇ 19 ਅਪ੍ਰੈਲ 2022 ਨੂੰ ਵਾਇਰਲ ਅਖਬਾਰ ਦੀ ਕਟਿੰਗ ਸ਼ੇਅਰ ਕਰਦਿਆਂ ਕੈਪਸ਼ਨ ਲਿਖਿਆ, "AS अफसर सोनकर .... का मरीजो से बात करने का अंदाज मानवता को शर्मशार करता है। आरक्षण देश को यही दे सकता है"

ਇਸੇ ਤਰ੍ਹਾਂ ਇੱਕ ਯੂਜ਼ਰ ਨੇ ਕਟਿੰਗ ਸ਼ੇਅਰ ਕਰਦਿਆਂ ਛੱਤੀਸਗੜ੍ਹ ਦੇ ਮੁੱਖ ਮੰਤਰੀ ਭੁਪੇਸ਼ ਬਘੇਲ ਤੋਂ ਕਾਰਵਾਈ ਦੀ ਮੰਗ ਕੀਤੀ।

जैसे जहां के नदी नवारे, तैसे तहाँ के भरका।
जैसे जाके बाप माहतारी तैसे ताके लरका।।
आईएएस हो जाने से संस्कार भी आ जाएं, यह कोई गारंटी नहीं है।
आदरणीय @bhupeshbaghel जी कृपया संज्ञान में ले @INCChhattisgarh pic.twitter.com/f2htIcHLDR

— Kamesh Shivhare ( Rahul gandhi) (@KameshShivhare3) April 17, 2022

ਪੜਤਾਲ

ਪੜਤਾਲ ਦੀ ਸ਼ੁਰੁਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਕਟਿੰਗ ਨੂੰ ਧਿਆਨ ਨਾਲ ਵੇਖਿਆ ਅਤੇ ਕੀਵਰਡ ਸਰਚ ਜਰੀਏ ਮਾਮਲੇ ਨੂੰ ਲੈ ਕੇ ਖਬਰਾਂ ਲੱਭਣੀਆਂ ਸ਼ੁਰੂ ਕੀਤੀਆਂ। 

ਇਹ ਮਾਮਲਾ ਹਾਲੀਆ ਨਹੀਂ ਬਲਕਿ 2016 ਦਾ ਹੈ

ਸਾਨੂੰ ਇਸ ਮਾਮਲੇ ਨੂੰ ਲੈ ਕੇ 10 ਮਈ 2016 ਨੂੰ ਪ੍ਰਕਾਸ਼ਿਤ Deccan Chronicle ਦੀ ਖਬਰ ਮਿਲਦੀ ਹੈ ਜਿਸਦੇ ਵਿਚ ਇਸ ਵਾਇਰਲ ਤਸਵੀਰ ਦਾ ਇਸਤੇਮਾਲ ਕਰਦਿਆਂ ਸਿਰਲੇਖ ਦਿੱਤਾ ਗਿਆ ਸੀ, "Chhattisgarh IAS officer puts up his leg on patient’s bed, photo goes viral"

Deccan Chronicle

ਖਬਰ ਅਨੁਸਾਰ, "ਛੱਤੀਸਗੜ੍ਹ ਦੇ ਡਾਕਟਰ ਤੋਂ IAS ਅਧਿਕਾਰੀ ਬਣੇ ਜਗਦੀਸ਼ ਸੋਨਕਰ ਨੇ ਫੇਸਬੁੱਕ 'ਤੇ ਮੁਆਫੀ ਮੰਗੀ ਜਦੋਂ ਉਸਦੀ ਫੋਟੋ ਜਿਸਦੇ ਵਿਚ ਉਸਨੂੰ ਹਸਪਤਾਲ ਦੇ ਬੈੱਡ ਦੀ ਸਟੀਲ ਰੇਲ 'ਤੇ ਪੈਰ ਰੱਖ ਕੇ ਖੜਾ ਵੇਖਿਆ ਜਾ ਸਕਦਾ ਸੀ ਉਹ ਵਾਇਰਲ ਹੋ ਗਈ। ਸੋਨਕਰ ਨੂੰ ਸੋਸ਼ਲ ਮੀਡੀਆ 'ਤੇ ਉਸਦੇ ਮੁਅੱਤਲੀ ਦੀ ਮੰਗ ਸਣੇ ਰੋਸ ਦਾ ਸਾਹਮਣਾ ਕਰਨਾ ਪਿਆ। ਹਾਲਾਂਕਿ, IAS Association ਦੇ ਕੁਝ ਮੈਂਬਰ ਸੋਨਕਰ ਦੇ ਸਮਰਥਨ ਲਈ ਅੱਗੇ ਸੀ ਆਏ।"

ਇਸ ਖਬਰ ਤੋਂ ਇਹ ਤਾਂ ਸਾਫ ਹੋਇਆ ਕਿ ਮਾਮਲਾ ਹਾਲੀਆ ਨਹੀਂ ਹੈ।

ਸਾਨੂੰ ਆਪਣੀ ਸਰਚ ਦੌਰਾਨ The Quint ਦੀ ਖਬਰ ਮਿਲਦੀ ਹੈ ਜਿਸਦੇ ਵਿਚ ਇਸ ਵਾਇਰਲ ਤਸਵੀਰ ਦਾ ਇਸਤੇਮਾਲ ਸੀ ਅਤੇ ਦੱਸਿਆ ਗਿਆ ਕਿ ਇਹ ਤਸਵੀਰ ਵਾਇਰਲ ਹੋਣ ਤੋਂ ਬਾਅਦ ਛੱਤੀਸਗੜ੍ਹ ਦੇ ਤੱਤਕਾਲੀਨ ਮੁੱਖ ਮੰਤਰੀ ਰਮਨ ਸਿੰਘ ਨੇ ਆਪਣੇ ਮੁੱਖ ਸਚਿਵ ਨੂੰ ਆਦੇਸ਼ ਦਿੱਤੇ ਸਨ ਕਿ IAS ਜਗਦੀਸ਼ ਸੋਨਕਰ ਨੂੰ ਸ਼ਿਸ਼ਟਾਚਾਰ ਸਿਖਾਇਆ ਜਾਵੇ।

The Quint

ਮਤਲਬ ਸਾਫ ਸੀ ਕਿ ਜਿਸ ਸਮੇਂ ਇਹ ਤਸਵੀਰ ਵਾਇਰਲ ਹੋਈ ਸੀ ਉਸ ਸਮੇਂ ਛੱਤੀਸਗੜ੍ਹ ਦੇ ਮੁੱਖ ਮੰਤਰੀ ਭੁਪੇਸ਼ ਬਘੇਲ ਨਹੀਂ ਸਗੋਂ ਰਮਨ ਸਿੰਘ ਸਨ। 

ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਇਹ ਮਾਮਲਾ ਹਾਲੀਆ ਨਹੀਂ ਬਲਕਿ 6 ਸਾਲ ਪੁਰਾਣਾ ਹੈ। ਹੁਣ ਪੁਰਾਣੇ ਮਾਮਲੇ ਦੀ ਤਸਵੀਰ ਨੂੰ ਹਾਲੀਆ ਦੱਸਕੇ ਵਾਇਰਲ ਕੀਤਾ ਜਾ ਰਿਹਾ ਹੈ। 

Claim-  Recent Image of IAS Officer Puts Foot on Hospital Bed
Claimed By- SM Users
Fact Check- Misleading