ਵਾਇਰਲ ਵੀਡੀਓ ਪੁਰਾਣਾ ਹੈ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਨੂੰ ਲੈ ਕੇ ਕੀਤੇ ਇੱਕ ਯਾਦਗਾਰੀ ਸਮਾਗਮ ਦਾ ਹੈ।
Claim
ਸੋਸ਼ਲ ਮੀਡੀਆ 'ਤੇ ਇੱਕ Live ਸਟਰੀਮ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਨੂੰ ਵਾਇਰਲ ਕਰਦਿਆਂ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਵਾਇਰਲ ਹੋ ਰਿਹਾ ਵੀਡੀਓ ਰਾਜਸਥਾਨ ਦੇ ਜੈਪੁਰ ਤੋਂ ਸਾਹਮਣੇ ਆਇਆ ਹੈ ਜਿਥੇ ਕਾਂਗਰਸ ਦੇ ਨਵੇਂ ਦਫ਼ਤਰ ਦੇ ਉਦਘਾਟਨ ਮੌਕੇ ਕਲਮਾਂ ਪੜ੍ਹੀ ਗਈ ਤੇ ਹਿੰਦੂ ਆਰਤੀ-ਪਾਠ ਨੂੰ ਨਜ਼ਰਅੰਦਾਜ਼ ਕੀਤਾ ਗਿਆ।
X ਯੂਜ਼ਰ Arvind Mohan Singh ਨੇ ਵਾਇਰਲ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "जयपुर में @INCIndia का नया पार्टी कार्यालय खुला…उद्घाटन के मुहूर्त पर सुंदरकांड या गणेश पूजा नही हुई… कलमा पढ़ा गया…कॉंग्रेस पार्टी के मक्कार हिन्दू कार्यकर्ताओं चुल्लू भर पानी में डुब मरो…"
जयपुर में @INCIndia का नया पार्टी कार्यालय खुला…
— Arvind Mohan Singh (@ArvindSinghUp) August 1, 2024
उद्घाटन के मुहूर्त पर सुंदरकांड या गणेश पूजा नही हुई… कलमा पढ़ा गया…
कॉंग्रेस पार्टी के मक्कार हिन्दू कार्यकर्ताओं चुल्लू भर पानी में डुब मरो… pic.twitter.com/bbpPqlhw5X
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵੇ ਨੂੰ ਗੁੰਮਰਾਹਕੁਨ ਪਾਇਆ ਹੈ। ਵਾਇਰਲ ਵੀਡੀਓ ਪੁਰਾਣਾ ਹੈ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਨੂੰ ਲੈ ਕੇ ਕੀਤੇ ਇੱਕ ਯਾਦਗਾਰੀ ਸਮਾਗਮ ਦਾ ਹੈ। ਇਸ ਸਮਾਗਮ ਵਿਚ ਸਾਰੇ ਧਰਮਾਂ ਦੇ ਪਾਠ ਕੀਤੇ ਗਏ ਸਨ।
Investigation
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ। ਅਸੀਂ ਪਾਇਆ ਕਿ ਇਸ ਵੀਡੀਓ ਦੇ ਅੰਤ ਵਿਚ ਵੀਡੀਓ ਨੂੰ Live ਕਰਨ ਵਾਲੇ ਯੂਜ਼ਰ ਦਾ ਨਾਮ Heena Khan ਨਜ਼ਰ ਆ ਰਿਹਾ ਹੈ।
ਹੁਣ ਅਸੀਂ ਇਸ ਜਾਣਕਾਰੀ ਨੂੰ ਧਿਆਨ 'ਚ ਰੱਖਦਿਆਂ ਯੂਜ਼ਰ ਹੀਨਾ ਖਾਨ ਦਾ ਅਸਲ ਅਕਾਊਂਟ ਲੱਭਣਾ ਸ਼ੁਰੂ ਕੀਤਾ। ਸਾਨੂੰ ਹੀਨਾ ਦਾ ਅਸਲ ਫੇਸਬੁੱਕ ਅਕਾਊਂਟ ਮਿਲ ਗਿਆ। ਦੱਸ ਦਈਏ ਕਿ ਇਸ ਅਕਾਉਂ ਨੂੰ ਖੰਗਾਲਣ 'ਤੇ ਸਾਨੂੰ ਵਾਇਰਲ ਕਲਿਪ ਤਾਂ ਨਹੀਂ ਮਿਲਿਆ ਪਰ ਸਮਾਨ ਕੱਪੜੇ ਪਾਏ ਸਮਾਨ ਪ੍ਰੋਗਰਾਮ ਦੀਆਂ ਤਸਵੀਰਾਂ ਜ਼ਰੂਰ ਮਿਲੀਆਂ।
ਦੱਸ ਦਈਏ ਹੀਨਾ ਖਾਨ ਜੈਪੁਰ ਤੋਂ ਕਾਂਗਰਸ ਦੀ ਆਗੂ ਹੈ ਅਤੇ ਇਸ ਪ੍ਰੋਗਰਾਮ ਦੀਆਂ ਤਸਵੀਰਾਂ ਹੀਨਾ ਨੇ 31 ਅਕਤੂਬਰ 2023 ਨੂੰ ਸਾਂਝੀ ਕੀਤੀਆਂ ਸਨ ਅਤੇ ਕੈਪਸ਼ਨ ਲਿਖਿਆ ਸੀ, "पूर्व प्रधानमंत्री श्रीमती इंदिरा गांधी जी की पुण्यतिथि पर कोटि-कोटि नमन।"
ਇਥੇ ਮੌਜੂਦ ਜਾਣਕਾਰੀ ਅਨੁਸਾਰ ਇਹ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਨੂੰ ਯਾਦ ਕਰਦਿਆਂ ਇੱਕ ਸਮਾਗਮ ਸੀ। ਹੁਣ ਅਸੀਂ ਪੁਖਤਾ ਜਾਣਕਾਰੀ ਲਈ ਹੀਨਾ ਖਾਨ ਨੂੰ ਸੰਪਰਕ ਕੀਤਾ। ਸਾਡੇ ਨਾਲ ਗੱਲ ਕਰਦਿਆਂ ਹੀਨਾ ਨੇ ਕਿਹਾ, "ਇਹ ਸਮਾਗਮ ਇੰਦਰਾ ਗਾਂਧੀ ਨੂੰ ਯਾਦ ਕਰਦਿਆਂ ਸਮਾਗਮ ਸੀ। ਇਸ ਸਮਾਗਮ ਵਿਚ ਸਾਰੇ ਧਰਮਾਂ ਦੀ ਸਭਾ ਹੁੰਦੀ ਹੈ ਅਤੇ ਹਿੰਦੂ, ਮੁਸਲਿਮ, ਸਿੱਖ ਤੇ ਈਸਾਈ ਸਾਰੇ ਆਪਣੇ-ਆਪਣੇ ਤਰੀਕੇ ਨਾਲ ਸਮਾਗਮ ਵਿਚ ਪਾਠ ਕਰਦੇ ਹਨ। ਇਹ PSC ਦਫ਼ਤਰ ਦਾ ਵੀਡੀਓ ਹੈ ਅਤੇ ਨਮਾਜ਼ ਪੜ੍ਹਨ ਵਾਲੀ ਗੱਲ ਪੂਰੀ ਤਰ੍ਹਾਂ ਫਰਜ਼ੀ ਹੈ ਤੇ ਵਾਇਰਲ ਦਾਅਵੇ ਵਰਗਾ ਕੁਝ ਵੀ ਨਹੀਂ ਹੈ।"
ਹੀਨਾ ਨੇ ਸਾਡੇ ਨਾਲ ਗੱਲ ਕਰਦਿਆਂ ਮਾਮਲੇ ਨੂੰ ਲੈ ਕੇ ਕਈ ਖਬਰਾਂ ਸਾਂਝੀ ਕੀਤੀਆਂ।
ਦੈਨਿਕ ਭਾਸਕਰ ਦੀ ਮੀਡੀਆ ਰਿਪੋਰਟ ਨੂੰ ਇਥੇ ਕਲਿਕ ਕਰ ਪੜ੍ਹਿਆ ਜਾ ਸਕਦਾ ਹੈ ਅਤੇ ਮਾਮਲੇ ਨੂੰ ਲੈ ਕੇ DD News ਦੀ ਵੀਡੀਓ ਰਿਪੋਰਟ ਨੂੰ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
Conclusion
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵੇ ਨੂੰ ਗੁੰਮਰਾਹਕੁਨ ਪਾਇਆ ਹੈ। ਵਾਇਰਲ ਵੀਡੀਓ ਪੁਰਾਣਾ ਹੈ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਨੂੰ ਲੈ ਕੇ ਕੀਤੇ ਇੱਕ ਯਾਦਗਾਰੀ ਸਮਾਗਮ ਦਾ ਹੈ। ਇਸ ਸਮਾਗਮ ਵਿਚ ਸਾਰੇ ਧਰਮਾਂ ਦੇ ਪਾਠ ਕੀਤੇ ਗਏ ਸਨ।
Result: Misleading
Our Sources:
Meta Post Of Heena Khan Shared On 31 October 2023
Physical Verification Quote Over Chat With Heena Khan
Media Report Of Dainik Bhaskar November 2023
Youtube Video Report Of Rajasthan DD News Shared On 31 October 2023
ਕਿਸੇ ਖਬਰ 'ਤੇ ਸ਼ੱਕ? ਸਾਨੂੰ ਭੇਜੋ ਅਸੀਂ ਕਰਾਂਗੇ ਉਸਦਾ Fact Check... ਸਾਨੂੰ Whatsapp ਕਰੋ "9560527702" 'ਤੇ ਜਾਂ ਸਾਨੂੰ E-mail ਕਰੋ "factcheck@rozanaspokesman.com" 'ਤੇ
