ਵਾਇਰਲ ਕਟਿੰਗ ਇੱਕ ਵਿਅੰਗ ਸੀ ਜਿਸਨੂੰ ਲੋਕਾਂ ਨੇ ਸੱਚ ਮੰਨ ਵਾਇਰਲ ਕਰ ਦਿੱਤਾ। ਵੋਟ ਨਾ ਦੇਣ 'ਤੇ ਬੈਂਕ ਵਿਚੋਂ 350 ਰੁਪਏ ਕੱਟੇ ਜਾਣ ਦਾ ਕੋਈ ਫ਼ੈਸਲਾ ਨਹੀਂ ਲਿਆ ਗਿਆ ਹੈ।
RSFC (Team Mohali)- ਸੋਸ਼ਲ ਮੀਡੀਆ 'ਤੇ ਇੱਕ ਹਿੰਦੀ ਅਖਬਾਰ ਦੀ ਕਟਿੰਗ ਵਾਇਰਲ ਹੋ ਰਹੀ ਹੈ। ਇਸ ਕਟਿੰਗ ਦੀ ਹੈਡਲਾਈਨ ਹੈ "ਪੰਜਾਬੀ ਅਨੁਵਾਦ, "ਨਹੀਂ ਦਿੱਤਾ ਵੋਟ ਤਾਂ ਬੈਂਕ ਅਕਾਊਂਟ ਤੋਂ ਕੱਟਣਗੇ 350 ਰੁਪਏ: ਆਯੋਗ।" ਨਾਲ ਹੀ ਕਟਿੰਗ ਵਿਚ ਲਿਖਿਆ ਹੈ ਕਿ ਚੋਣ ਕਮਿਸ਼ਨ ਨੇ ਇਸ ਦੀ ਮਨਜ਼ੂਰੀ ਕੋਰਟ ਤੋਂ ਲੈ ਲਈ ਹੈ ਅਤੇ ਇਹ ਵੀ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਜੇਕਰ ਬੈਂਕ ਅਕਾਉਂਟ ਨਹੀਂ ਹੈ ਤਾਂ ਪੈਸੇ ਮੋਬਾਈਲ ਰਿਚਾਰਜ ਰਾਹੀਂ ਕੱਟੇ ਜਾਣਗੇ।
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਕਟਿੰਗ ਇੱਕ ਵਿਅੰਗ ਸੀ ਜਿਸਨੂੰ ਲੋਕਾਂ ਨੇ ਸੱਚ ਮੰਨ ਵਾਇਰਲ ਕਰ ਦਿੱਤਾ ਸੀ। ਵੋਟ ਨਾ ਦੇਣ 'ਤੇ ਬੈਂਕ ਵਿੱਚੋਂ 350 ਰੁਪਏ ਕੱਟੇ ਜਾਣ ਦਾ ਕੋਈ ਫ਼ੈਸਲਾ ਨਹੀਂ ਲਿਆ ਗਿਆ ਹੈ।
ਵਾਇਰਲ ਪੋਸਟ
ਫੇਸਬੁੱਕ ਯੂਜ਼ਰ "Mohd Faheem" ਨੇ 30 ਨਵੰਬਰ ਨੂੰ ਇਹ ਕਟਿੰਗ ਸ਼ੇਅਰ ਕਰਦਿਆਂ ਲਿਖਿਆ, "वोट देना है कि खाता से 350 रुपए कटवाने है
फैसला अब आप के हाथ में है"
ਇਸ ਪੋਸਟ ਨੂੰ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
ਪੜਤਾਲ
ਪੜਤਾਲ ਦੀ ਸ਼ੁਰੂਆਤ ਕਰਦੇ ਹੋਏ ਅਸੀਂ ਸਭਤੋਂ ਪਹਿਲਾਂ ਇਸ ਕਟਿੰਗ ਨੂੰ ਧਿਆਨ ਨਾਲ ਪੜ੍ਹਿਆ ਅਤੇ ਕੀਵਰਡ ਸਰਚ ਜਰੀਏ ਮਾਮਲੇ ਨੂੰ ਲੈ ਕੇ ਖਬਰਾਂ ਲੱਭਣੀਆਂ ਸ਼ੁਰੂ ਕੀਤੀਆਂ।
ਸਰਚ ਦੋਰਾਨ ਸਾਨੂੰ ਨਵਭਾਰਤ ਟਾਈਮਜ਼ ਦਾ 23 ਮਾਰਚ 2019 ਨੂੰ ਪ੍ਰਕਾਸ਼ਿਤ ਇੱਕ ਆਰਟੀਕਲ ਮਿਲਿਆ। ਇਸ ਆਰਟੀਕਲ ਮੁਤਾਬਕ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਿਹਾ ਇਹ ਮੈਸਜ ਅਸਲ ਵਿਚ ਹੋਲੀ ਮੌਕੇ ਕੀਤਾ ਗਿਆ ਇੱਕ ਮਜ਼ਾਕ ਸੀ। ਪੋਸਟ ਹੇਠਾਂ "ਬੁਰਾ ਨਾ ਮੰਨੋ ਹੋਲੀ ਹੈ" ਵੀ ਲਿਖਿਆ ਹੋਇਆ ਹੈ।
ਹੋਰ ਸਰਚ ਕਰਨ 'ਤੇ ਸਾਨੂੰ PIB ਫੈਕਟ ਚੈੱਕ ਦੁਆਰਾ ਵਾਇਰਲ ਹੋ ਰਹੇ ਮੈਸੇਜ ਨੂੰ ਲੈ ਕੇ ਕੀਤਾ ਗਿਆ ਟਵੀਟ ਮਿਲਿਆ। PIB ਨੇ ਇਸ ਟਵੀਟ 23 ਨਵੰਬਰ 2020 ਨੂੰ ਕੀਤਾ ਸੀ ਅਤੇ ਵਾਇਰਲ ਕਟਿੰਗ ਨੂੰ ਫਰਜ਼ੀ ਦੱਸਿਆ ਸੀ। ਟਵੀਟ ਵਿਚ ਦੱਸਿਆ ਗਿਆ ਸੀ ਕਿ ਚੋਣ ਕਮਿਸ਼ਨ ਨੇ ਇਸ ਤਰ੍ਹਾਂ ਦਾ ਕੋਈ ਫ਼ੈਸਲਾ ਨਹੀਂ ਲਿਆ ਹੈ।
एक न्यूज़ आर्टिकल में यह दावा किया जा रहा है कि 2024 लोकसभा चुनाव में जो मतदाता अपने मताधिकार का प्रयोग नहीं करेंगे, चुनाव आयोग द्वारा उनके बैंक खातों से ₹350 काट लिए जाएंगे।#PIBFactCheck: यह दावा फर्जी है। @ECISVEEP द्वारा ऐसा कोई निर्णय नहीं लिया गया है। pic.twitter.com/c6MbGPxROq
— PIB Fact Check (@PIBFactCheck) November 23, 2020
ਮਤਲਬ ਸਾਫ ਸੀ ਕਿ ਹੋਲੀ ਦੇ ਮੌਕੇ ਮਜ਼ਾਕ ਦੇ ਰੂਪ 'ਤੇ ਬਣਾਈ ਗਈ ਕਟਿੰਗ ਨੂੰ ਲੋਕਾਂ ਨੇ ਅਸਲ ਫੈਸਲਾ ਸਮਝ ਵਾਇਰਲ ਕੀਤਾ।
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਕਟਿੰਗ ਇੱਕ ਵਿਅੰਗ ਸੀ ਜਿਸਨੂੰ ਲੋਕਾਂ ਨੇ ਸੱਚ ਮੰਨ ਵਾਇਰਲ ਕਰ ਦਿੱਤਾ ਸੀ। ਵੋਟ ਨਾ ਦੇਣ 'ਤੇ ਬੈਂਕ ਵਿੱਚੋਂ 350 ਰੁਪਏ ਕੱਟੇ ਜਾਣ ਦਾ ਕੋਈ ਫ਼ੈਸਲਾ ਨਹੀਂ ਲਿਆ ਗਿਆ ਹੈ।
Claim- 350RS will deduct if people will not vote
Claimed By- FB User Mohd Faheem
Fact Check- Satire
