ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਛੋਟੇ ਕਦ ਦੀਆਂ ਖਿਡਾਰਨਾਂ ਭਾਰਤੀ ਟੀਮ ਦੀਆਂ ਨਹੀਂ ਸਗੋਂ ਐਲ ਸਲਵਾਡੋਰ ਦੇਸ਼ ਦੀਆਂ ਬਾਸਕੇਟ ਬਾਲ ਖਿਡਾਰਨਾਂ ਹਨ।
RSFC (Team Mohali)- ਸੋਸ਼ਲ ਮੀਡੀਆ 'ਤੇ ਇੱਕ ਤਸਵੀਰ ਵਾਇਰਲ ਹੋ ਰਹੀ ਹੈ ਜਿਸਦੇ ਵਿਚ ਇੱਕ ਪਾਸੇ ਲੰਬੇ ਕਦ ਦੀਆਂ ਖਿਡਾਰਨਾਂ ਨੂੰ ਵੇਖਿਆ ਜਾ ਸਕਦਾ ਹੈ ਅਤੇ ਦੂਜੇ ਪਾਸੇ ਛੋਟੇ ਕਦ ਦੀਆਂ ਖਿਡਾਰਨਾਂ ਨੂੰ ਵੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਦੋਵੇਂ ਟੀਮਾਂ ਅੰਡਰ-16 ਟੀਮ ਦੀਆਂ ਖਿਡਾਰਨਾਂ ਹਨ। ਦਾਅਵੇ ਅਨੁਸਾਰ ਛੋਟੇ ਕਦ ਦੀਆਂ ਖਿਡਾਰਨਾਂ ਭਾਰਤੀ ਟੀਮ ਦੀਆਂ ਹਨ ਜਦਕਿ ਲੰਬੇ ਕਦ ਦੀਆਂ ਖਿਡਾਰਨਾਂ USA ਦੀ ਟੀਮ ਦੀਆਂ ਹਨ। ਕੁਝ ਯੂਜ਼ਰ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਭਾਰਤੀ ਟੀਮ 'ਤੇ ਤੰਜ ਕੱਸ ਰਹੇ ਹਨ।
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਛੋਟੇ ਕਦ ਦੀਆਂ ਖਿਡਾਰਨਾਂ ਭਾਰਤੀ ਟੀਮ ਦੀਆਂ ਨਹੀਂ ਸਗੋਂ ਐਲ ਸਲਵਾਡੋਰ ਦੇਸ਼ ਦੀਆਂ ਬਾਸਕੇਟ ਬਾਲ ਖਿਡਾਰਨਾਂ ਹਨ।
ਵਾਇਰਲ ਪੋਸਟ
ਫੇਸਬੁੱਕ ਪੇਜ Pakistani Sarcasm ਨੇ ਵਾਇਰਲ ਤਸਵੀਰ ਸ਼ੇਅਰ ਕਰਦਿਆਂ ਲਿਖਿਆ, "USA under 16 years old vs India under 16 years old????????????"
ਇਸ ਪੋਸਟ ਨੂੰ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
ਪੜਤਾਲ
ਪੜਤਾਲ ਦੀ ਸ਼ੁਰੂਆਤ ਕਰਦੇ ਹੋਏ ਅਸੀਂ ਤਸਵੀਰ ਨੂੰ ਧਿਆਨ ਨਾਲ ਵੇਖਿਆ। ਲਾਲ ਟੀ-ਸ਼ਰਟ ਪਾਈ ਖਿਡਾਰਨਾਂ ਦੀ ਜਰਸੀ 'ਤੇ USA ਲਿਖਿਆ ਹੋਇਆ ਹੈ ਅਤੇ ਨੀਲੀ ਜਰਸੀ ਪਾਈ ਖਿਡਾਰਨਾਂ ਦੀ ਜਰਸੀ 'ਤੇ ਦੇਸ਼ ਦੇ ਨਾਂਅ ਵਾਲੀ ਥਾਂ ਬਲਰ ਕੀਤੀ ਹੋਈ ਹੈ। ਅੱਗੇ ਵਧਦੇ ਹੋਏ ਅਸੀਂ ਤਸਵੀਰ ਨੂੰ ਗੂਗਲ ਰਿਵਰਸ ਇਮੇਜ ਦੀ ਮਦਦ ਨਾਲ ਲੱਭਣਾ ਸ਼ੁਰੂ ਕੀਤਾ।
ਸਾਨੂੰ ਇਹ ਤਸਵੀਰ ਕਈ ਸਾਰੀ ਵੈੱਬਸਾਈਟ 'ਤੇ ਅਪਲੋਡ ਮਿਲੀ ਅਤੇ ਹਰ ਵੈੱਬਸਾਈਟ 'ਤੇ ਨੀਲੀ ਜਰਸੀ ਪਾਈ ਟੀਮ ਨੂੰ ਐਲ ਸਲਵਾਡੋਰ ਦੇਸ਼ ਦੀ ਟੀਮ ਦੱਸਿਆ ਗਿਆ। Reddit ਨਾਂਅ ਦੀ ਵੈੱਬਸਾਈਟ 'ਤੇ ਇਸ ਤਸਵੀਰ ਨੂੰ ਅਪਲੋਡ ਕਰਦੇ ਹੋਏ ਲਿਖਿਆ ਗਿਆ, "U16 USA Basketball vs U16 El Salvador. Final score 114-19."
ਜੇਕਰ ਅਸਲ ਤਸਵੀਰ ਨੂੰ ਵੇਖਿਆ ਜਾਵੇ ਤਾਂ ਸਾਫ-ਸਾਫ ਟੀਮ ਜਰਸੀ 'ਤੇ El Salvador ਦੇਸ਼ ਦਾ ਨਾਂਅ ਲਿਖਿਆ ਹੋਇਆ ਹੈ। ਇਸਤੋਂ ਸਾਫ ਹੁੰਦਾ ਹੈ ਕਿ ਇਹ ਖਿਡਾਰਨ ਭਾਰਤੀ ਟੀਮ ਦੀਆਂ ਨਹੀਂ ਹਨ।
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਛੋਟੇ ਕਦ ਦੀਆਂ ਖਿਡਾਰਨਾਂ ਭਾਰਤੀ ਟੀਮ ਦੀਆਂ ਨਹੀਂ ਸਗੋਂ ਐਲ ਸਲਵਾਡੋਰ ਦੇਸ਼ ਦੀਆਂ ਬਾਸਕੇਟ ਬਾਲ ਖਿਡਾਰਨਾਂ ਹਨ।
Claim- Short girls are from Indian Under-16 Team
Claimed By- FB Page Pakistani Sarcasm
Fact Check- Fake
