ਵੀਡੀਓ ਬਣਾਉਣ ਵਾਲੇ ਵਿਅਕਤੀ ਨੇ ਖੁਦ ਕੀਤੀ ਪੁਸ਼ਟੀ ਕਿ ਵੀਡੀਓ ਸਕ੍ਰਿਪਟਡ ਹੈ
Fact Check - ਆਏ ਦਿਨ ਸੋਸ਼ਲ ਮੀਡੀਆ 'ਤੇ ਕੋਈ ਨਾ ਕੋਈ ਵੀਡੀਓ ਵਾਇਰਲ ਹੁੰਦਾ ਰਹਿੰਦਾ ਹੈ। ਇਸ ਸਰਕਲ ਦੇ ਚੱਲਦਿਆਂ ਹੁਣ ਇਕ ਅਜਿਹਾ ਵੀਡੀਓ ਸਾਹਮਣੇ ਆਇਆ ਹੈ ਜਿਸ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਇਕ ਲੜਕਾ 4 ਲੜਕੀਆਂ ਨਾਲ ਇਕੋਂ ਸਮੇਂ ਫੇਰੇ ਲੈ ਰਿਹਾ ਹੈ। ਵੀਡੀਓ 'ਚ ਚਾਰੋਂ ਲੜਕੀਆਂ ਤੇ ਲੜਕਾ ਵਿਆਹ ਦੇ ਪਹਿਰਾਵੇ 'ਚ ਨਜ਼ਰ ਆ ਰਿਹਾ ਹੈ। ਵਾਇਰਲ ਵੀਡੀਓ ਨੂੰ ਅਸਲ ਮਾਮਲਾ ਮੰਨਦੇ ਹੋਏ ਯੂਜ਼ਰਸ ਇਸ ਨੂੰ ਸ਼ੇਅਰ ਕਰ ਰਹੇ ਹਨ ਅਤੇ ਦਾਅਵਾ ਕਰ ਰਹੇ ਹਨ ਕਿ ਇਸ ਵਿਅਕਤੀ ਨੇ ਇੱਕੋ ਸਮੇਂ ਚਾਰ ਲੜਕੀਆਂ ਨਾਲ ਵਿਆਹ ਕੀਤਾ ਹੈ।
ਟਵਿੱਟਰ 'ਤੇ Kapoor SK ਨਾਮ ਦੇ ਵਿਅਕਤੀ ਨੇ ਵੀ ਇਹ ਵੀਡੀਓ ਸ਼ੇਅਰ ਕੀਤਾ ਹੈ ਤੇ ਲਿਖਿਆ ਹੈ ਕਿ ''ਜਾਂਚ ਕਰੋ ਕਿ ਇਸ ਨੇ ਕਿੱਥੇ ਜਾ ਕੇ ਦੁਆ ਮੰਗੀ ਸੀ''
तपास करो इसने कहां जा कर दुआ ????????मांगी थी ????????!??, ???????????????????????????? pic.twitter.com/RWULj4YGZS
— Kapoor SK (@SkSolinkapoor) December 6, 2023
ਸਪੋਕਸਮੈਨ ਨੇ ਆਪਣੀ ਜਾਂਚ 'ਚ ਪਾਇਆ ਕਿ ਇਹ ਘਟਨਾ ਅਸਲੀ ਨਹੀਂ ਹੈ।
ਸਪੋਕਸਮੈਨ ਦੀ ਪੜਤਾਲ
ਆਪਣੀ ਜਾਂਚ ਸ਼ੁਰੂ ਕਰਦੇ ਹੋਏ ਸਭ ਤੋਂ ਪਹਿਲਾਂ ਅਸੀਂ ਵਾਇਰਲ ਵੀਡੀਓ ਦੇ ਕੀਫ੍ਰੇਮ ਕੱਢੇ ਅਤੇ ਗੂਗਲ ਲੈਂਸ ਰਾਹੀਂ ਲੱਭਣਾ ਸ਼ੁਰੂ ਕੀਤਾ। ਕੀਫ੍ਰੇਮ ਜ਼ਰੀਏ ਸਾਨੂੰ ਇਹ ਵੀਡੀਓ 'ਅਦਾਕਾਰ ਬ੍ਰਜੇਸ਼' ਨਾਮ ਦੇ ਇੱਕ ਯੂਟਿਊਬ ਚੈਨਲ 'ਤੇ 28 ਨਵੰਬਰ 2023ਨੂੰ ਅਪਲੋਡ ਕੀਤਾ ਮਿਲਿਆ। ਇੱਥੇ ਵੀਡੀਓ ਦੇ ਕੈਪਸ਼ਨ ਵਿਚ ਲਿਖਿਆ ਹੈ, “ਏਕ ਵਿਵਾਹ ਐਸਾ ਭੀ @actorbrajesh4247”।
ਇਸ ਤੋਂ ਬਾਅਦ ਅੱਗੇ ਵਧਦੇ ਹੋਏ ਅਸੀਂ ਇਸ ਯੂਟਿਊਬ ਚੈਨਲ ਦੇ ਮਾਲਕ ਨਾਲ ਗੱਲਬਾਤ ਕਰਨ ਦੀ ਕੋਸ਼ਿਸ਼ ਕੀਤੀ ਜਿਸ ਦੌਰਾਨ ਉਹਨਾਂ ਨੇ ਦੱਸਿਆ ਕਿ ਇਹ ਵੀਡੀਓ ਸਕਰਿਪਟਡ ਹੈ ਤੇ ਇਸ ਵੀਡੀਓ ਵਿਚ ਭੂਮਿਕਾ ਨਿਭਾਉਣ ਵਾਲੇ ਸਾਰੇ ਅਦਾਕਾਰ ਹਨ।
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਵਾਇਰਲ ਵੀਡੀਓ ਵਾਲਾ ਮਾਮਲਾ ਅਸਲੀ ਨਹੀਂ ਹੈ। ਕਿਉਂਕਿ ਇਸ ਦੀ ਪੁਸ਼ਟੀ ਉਸ ਵਿਅਕਤੀ ਨੇ ਵੀ ਕਰ ਦਿੱਤੀ ਹੈ ਜਿਸ ਨੇ ਇਹ ਵੀਡੀਓ ਬਣਾਈ ਹੈ।
Our Source:
Original Video Uploaded By Actor Brajesh On Youtube Dated 28 November 2023
