ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਦਾਅਵਾ ਗੁੰਮਰਾਹਕਰਨ ਪਾਇਆ ਹੈ। ਇਹ ਸਿੱਖ ਨੌਜਵਾਨ ਇਕ ਫੌਜੀ ਹੈ ਅਤੇ ਇਸ ਨੇ 2002 ਤੋਂ ਲੈ ਕੇ 2018 ਤੱਕ ਫੌਜ ਵਿਚ ਨੌਕਰੀ ਕੀਤੀ ਹੈ।
ਰੋਜ਼ਾਨਾ ਸਪੋਕਸਮੈਨ (ਮੁਹਾਲੀ ਟੀਮ) - ਸੋਸ਼ਲ ਮੀਡੀਆ 'ਤੇ ਇਕ ਸਿੱਖ ਨੌਜਵਾਨ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ ਜੋ ਕਿ ਖੁਦ ਨੂੰ ਫੌਜੀ ਦੱਸ ਰਿਹਾ ਹੈ। ਵੀਡੀਓ ਵਿਚ ਨੌਜਵਾਨ ਨੂੰ ਕਿਸਨਾਂ ਦੇ ਦਿੱਲੀ ਧਰਨੇ ਨੂੰ ਲੈ ਕੇ ਮੋਦੀ ਸਰਕਾਰ ਨੂੰ ਲਾਹਨਤਾਂ ਪਾਉਂਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਹੁਣ ਇਸ ਨੌਜਵਾਨ ਨੂੰ ਲੈ ਕੇ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਨੌਜਵਾਨ ਇਕ ਫੌਜੀ ਨਹੀਂ ਬਲਕਿ ਇਕ ਪੰਜਾਬੀ ਸਿੰਗਰ ਹੈ।
ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਦਾਅਵਾ ਗੁੰਮਰਾਹਕਰਨ ਪਾਇਆ ਹੈ। ਇਹ ਸਿੱਖ ਨੌਜਵਾਨ ਇਕ ਫੌਜੀ ਹੈ ਅਤੇ ਇਸ ਨੇ 2002 ਤੋਂ ਲੈ ਕੇ 2018 ਤੱਕ ਫੌਜ ਵਿਚ ਨੌਕਰੀ ਕੀਤੀ ਹੈ। ਉਹਨਾਂ ਨੇ ਆਪਣੀ ਇੱਛਾ ਨਾਲ ਹੀ ਸਮਾਂ ਰਹਿੰਦੇ ਰਿਟਾਇਰਮੈਂਟ ਲੈ ਲਈ ਸੀ। ਇਸ ਨੌਜਵਾਨ ਦਾ ਨਾਮ ਮਨਜਿੰਦਰ ਸਿੰਘ ਹੈ ਅਤੇ ਨੌਜਵਾਨ ਨੇ ਸ਼ੌਕ ਵਜੋਂ ਗੀਤ ਵੀ ਕੱਢੇ ਹਨ।
ਵਾਇਰਲ ਪੋਸਟ
ਫੇਸਬੁੱਕ ਪੇਜ਼ Haryana Ab Tak ਨੇ 4 ਜਨਵਰੀ ਨੂੰ ਇਸ ਵਾਇਰਲ ਵੀਡੀਓ ਨੂੰ ਆਪਣੇ ਪੇਜ਼ 'ਤੇ ਸ਼ੇਅਰ ਕੀਤਾ ਅਤੇ ਕੈਪਸ਼ਨ ਵਿਚ ਲਿਖਿਆ, ''किसान आंदोलन- खुद को फ़ौजी बता सैनिकों को भड़काने वाला ये पंजाबी कलाकार निकला''
ਵਾਇਰਲ ਪੋਸਟ ਦਾ ਅਰਕਾਇਵਰਡ ਲਿੰਕ
ਦੱਸ ਦਈਏ ਕਿ ਸਵਰਾ ਭਾਸਕਰ ਸਮੇਤ ਹੋਰ ਵੀ ਕਈ ਯੂਜ਼ਰਸ ਨੇ ਇਸ ਨੌਜਵਾਨ ਨੂੰ ਫੌਜੀ ਦੀ ਬਜਾਏ ਇਕ ਪੰਜਾਬੀ ਸਿੰਗਰ ਦੱਸਿਆ।
Some straight speak. https://t.co/ZoU1qi3X5b
— Swara Bhasker (@ReallySwara) December 29, 2020
ਸਪੋਕਸਮੈਨ ਦੀ ਪੜਤਾਲ
ਸਭ ਤੋਂ ਪਹਿਲਾਂ ਅਸੀਂ ਗੂਗਲ 'ਤੇ ਇਸ ਨੌਜਵਾਨ ਬਾਰੇ ਸਰਚ ਕੀਤਾ ਤਾਂ ਸਾਨੂੰ ਸਵਰਾ ਭਾਸਕਰ ਵੱਲੋਂ ਜੋ ਵਾਇਰਲ ਵੀਡੀਓ ਸ਼ੇਅਰ ਕੀਤੀ ਹੋਈ ਸੀ ਉਸ ਦੇ ਜਵਾਬ ਵਿਚ Alt News ਦੇ ਫਾਊਂਡਰ ਮੈਂਬਰ Mohammed Zubair ਦਾ ਟਵੀਟ ਮਿਲਿਆ ਜਿਸ ਵਿਚ ਉਹਨਾਂ ਨੇ ਇਸ ਨੌਜਵਾਨ ਬਾਰੇ ਸਾਰੀ ਜਾਣਕਾਰੀ ਸਾਂਝੀ ਕੀਤੀ ਸੀ। ਉਨ੍ਹਾਂ ਨੇ ਲਿਖਿਆ ਕਿ ਇਸ ਨੌਜਵਾਨ ਦਾ ਨਾਮ ਗੋਲਡੀ ਮਨੀਪੁਰੀਆ (ਮਨਜਿੰਦਰ ਸਿੰਘ) ਹੈ। ਨੌਜਵਾਨ ਨੇ 2002 ਤੋਂ ਲੈ ਕੇ 2018 ਤੱਕ 175 ਰੈਜੀਮੈਂਟ ਵਿਚ ਨੌਕਰੀ ਕੀਤੀ ਹੈ।
ਗੂਗਲ 'ਤੇ ਕੁੱਝ ਕੀਵਰਡ ਸਰਚ ਕਰਨ 'ਤੇ ਸਾਨੂੰ tribuneindia.com ਦਾ ਇਕ ਲਿੰਕ ਮਿਲਿਆ ਜੋ ਕਿ 4 ਜਨਵਰੀ ਨੂੰ ਪਬਲਿਸ਼ ਕੀਤਾ ਗਿਆ ਸੀ। ਇਸ ਆਰਟੀਕਲ ਵਿਚ ਵੀ ਇਸ ਨੌਜਵਾਨ ਨੂੰ ਸਾਬਕਾ ਫੌਜੀ ਦੱਸਿਆ ਗਿਆ।
ਇਸ ਤੋਂ ਬਾਅਦ ਹੋਰ ਸਰਚ ਕਰਨ 'ਤੇ ਸਾਨੂੰ ਗੋਲਡੀ ਮਨੀਪੁਰੀਆ ਨਾਮ ਦਾ ਫੇਸਬੁੱਕ ਅਕਾਊਂਟ ਵੀ ਮਿਲਿਆ। ਫੇਸਬੁੱਕ ਅਕਾਊਂਟ ਮੁਤਾਬਿਕ ਗੋਲਡੀ ਮਨੀਪੁਰੀਆ ਇਕ ਸਿੰਗਰ ਤੇ ਟਾਈਟਰ ਹੈ ਪਰ ਸਾਨੂੰ ਫੇਸਬੁੱਕ ਪੇਜ਼ 'ਤੇ ਇਸ ਨੌਜਵਾਨ ਦੀਆਂ ਫੌਜ ਦੀ ਵਰਦੀ ਵਿਚ ਵੀ ਕਈ ਤਸਵੀਰਾਂ ਮਿਲੀਆ।
ਹੋਰ ਪੁਸ਼ਟੀ ਕਰਨ ਲਈ ਅਸੀਂ ਗੋਲਡੀ ਮਨੀਪੁਰੀਆ ਨਾਲ ਸੰਪਰਕ ਕੀਤਾ ਤਾਂ ਉਹਨਾਂ ਨੇ ਦੱਸਿਆ ਕਿ ਉਹਨਾਂ ਦਾ ਨਾਮ ਮਨਜਿੰਦਰ ਸਿੰਘ ਹੈ, ਗੋਲਡੀ ਮਨੀਪੁਰੀਆ ਉਹਨਾਂ ਦਾ ਨਿੱਕ ਨੇਮ ਹੈ। ਉਹਨਾਂ ਦੱਸਿਆ ਕਿ ਉਹਨਾਂ ਨੇ 2002 ਤੋਂ ਲੈ ਕੇ 2018 ਤੱਕ ਫੌਜ ਵਿਚ ਨੌਕਰੀ ਕੀਤੀ ਹੈ ਅਤੇ ਉਸ ਤੋਂ ਬਾਅਦ ਉਹਨਾਂ ਨੇ ਆਪਣੀ ਇੱਛਾ ਨਾਲ ਸਮਾਂ ਰਹਿੰਦੇ ਹੀ ਰਿਟਾਇਰਮੈਂਟ ਲੈ ਲਈ ਸੀ। ਉਹਨਾਂ ਦੱਸਿਆ ਕਿ ਉਹਨਾਂ ਨੇ 175 ਰੈਜੀਮੈਂਟ ਵਿਚ ਨੌਕਰੀ ਕੀਤੀ ਹੈ। ਮਨਜਿੰਦਰ ਸਿੰਘ ਨੇ ਦੱਸਿਆ ਕਿ ਜਦੋਂ ਉਹਨਾਂ ਨੂੰ ਫੌਜ ਵਿਚੋਂ ਛੁੱਟੀ ਮਿਲਦੀ ਸੀ ਤਾਂ ਉਹਨਾਂ ਨੇ ਸ਼ੌਕ ਵਜੋਂ ਕੁੱਝ ਗੀਤ ਵੀ ਲਿਖੇ ਅਤੇ ਗਾਏ ਹਨ। ਮਨਜਿੰਦਰ ਸਿੰਘ ਨੇ ਸਪੋਕਸਮੈਨ ਨੂੰ ਆਪਣਾ ਆਰਮੀ ਦਾ ਕੰਟੀਨ ਕਾਰਡ ਵੀ ਸ਼ੇਅਰ ਕੀਤਾ ਹੈ।
ਨਤੀਜਾ - ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵਾ ਗੁੰਮਰਾਹਕਰਨ ਪਾਇਆ ਹੈ। ਇਸ ਸਿੱਖ ਨੌਜਵਾਨ ਦਾ ਨਾਮ ਮਨਜਿੰਦਰ ਸਿੰਘ (ਗੋਲਡੀ ਮਨੀਪੁਰੀਆ) ਹੈ। ਇਸ ਨੌਜਵਾਨ ਨੇ 16 ਸਾਲ ਫੌਜ ਵਿਚ ਨੌਕਰੀ ਕੀਤੀ ਹੈ ਅਤੇ ਨਾਲ ਹੀ ਇਸ ਨੌਜਵਾਨ ਨੇ ਸ਼ੌਕ ਵਜੋਂ ਕਈ ਗੀਤ ਵੀ ਗਾਏ ਹਨ।
Claim - ਨੌਜਵਾਨ ਇਕ ਫੌਜੀ ਨਹੀਂ ਬਲਕਿ ਇਕ ਪੰਜਾਬੀ ਸਿੰਗਰ ਹੈ।
Claimed By - ਫੇਸਬੁੱਕ ਪੇਜ਼ Haryana Ab Tak
fact Check - Misleading