ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਰਾਹੁਲ ਗਾਂਧੀ ਨੇ ਇੱਕ ਕੁੜੀ ਨੂੰ ਤਸਵੀਰ ਖਿੱਚਣ ਤੋਂ ਮਨਾ ਕੀਤਾ ਸੀ ਨਾ ਕਿ ਕੈਮਰੇ ਦੀ ਗੈਰ-ਹਾਜ਼ਰੀ 'ਚ ਦਸਤਾਰ ਬੰਨਣ ਤੋਂ।
RSFC (Team Mohali)- ਕਾਂਗਰਸ ਆਗੂ ਰਾਹੁਲ ਗਾਂਧੀ ਦੀ ਚਰਚਿਤ ਭਾਰਤ ਜੋੜੋ ਯਾਤਰਾ ਇਸ ਵਿਖੇ ਪੰਜਾਬ 'ਚੋਂ ਗੁਜ਼ਰ ਰਹੀ ਹੈ ਅਤੇ ਰਾਹੁਲ ਗਾਂਧੀ ਨੇ ਪਿਛਲੇ ਦਿਨਾਂ ਇਸ ਮੌਕੇ ਕੇਸਰੀ ਦਸਤਾਰ ਬੰਨ੍ਹਕੇ ਸ਼੍ਰੀ ਦਰਬਾਰ ਸਾਹਿਬ ਅੰਮ੍ਰਿਤਸਰ ਵਿਖੇ ਮੱਥਾ ਵੀ ਟੇਕਿਆ। ਹੁਣ ਸੋਸ਼ਲ ਮੀਡੀਆ 'ਤੇ ਰਾਹੁਲ ਗਾਂਧੀ ਦਾ ਇੱਕ ਵੀਡੀਓ ਵਾਇਰਲ ਕਰਦਿਆਂ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਰਾਹੁਲ ਗਾਂਧੀ ਨੇ ਕੈਮਰੇ ਦੀ ਗੈਰ-ਹਾਜ਼ਰੀ 'ਚ ਦਸਤਾਰ ਬੰਨਣ ਤੋਂ ਇਨਕਾਰ ਕੀਤਾ। ਇਸ ਵੀਡੀਓ ਨੂੰ ਵਾਇਰਲ ਕਰਦਿਆਂ ਰਾਹੁਲ ਗਾਂਧੀ 'ਤੇ ਨਿਸ਼ਾਨੇ ਸਾਧੇ ਜਾ ਰਹੇ ਹਨ।
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਰਾਹੁਲ ਗਾਂਧੀ ਨੇ ਇੱਕ ਕੁੜੀ ਨੂੰ ਤਸਵੀਰ ਖਿਚਵਾਉਣ ਤੋਂ ਮਨਾ ਕੀਤਾ ਸੀ ਨਾ ਕਿ ਕੈਮਰੇ ਦੀ ਗੈਰ-ਹਾਜ਼ਰੀ 'ਚ ਦਸਤਾਰ ਬੰਨਣ ਤੋਂ। ਹੁਣ ਫਰਜ਼ੀ ਦਾਅਵੇ ਰਾਹੀਂ ਰਾਹੁਲ ਗਾਂਧੀ 'ਤੇ ਨਿਸ਼ਾਨੇ ਸਾਧੇ ਜਾ ਰਹੇ ਹਨ।
ਵਾਇਰਲ ਪੋਸਟ
ਇਸ ਵੀਡੀਓ ਨੂੰ ਫਰਜ਼ੀ ਦਾਅਵਿਆਂ ਨਾਲ ਆਮ ਲੋਕਾਂ ਸਣੇ ਕਈ ਭਾਜਪਾ ਆਗੂਆਂ ਵੱਲੋਂ ਵੀ ਸਾਂਝਾ ਕੀਤਾ ਗਿਆ ਹੈ। ਇਨ੍ਹਾਂ ਕੁਝ ਪੋਸਟਾਂ ਨੂੰ ਹੇਠਾਂ ਵੇਖਿਆ ਜਾ ਸਕਦਾ ਹੈ।
Everything is choreographed in Bharat Jodo Yatra including who should be called in to tie the turban and its colour. What is offensive though is Rahul Gandhi refusing to wear the turban when there were no cameras…Exploiting religious sentiments for politics is in Congress’s DNA. pic.twitter.com/PFTr5P68r4
— Amit Malviya (@amitmalviya) January 11, 2023
“ अभी नहीं बाँधूँगा” - कैमरा और मीडिया वाले नहीं थे तो @RahulGandhi ने सिर पर दस्तार सजाने से मना कर दिया
— Manjinder Singh Sirsa (@mssirsa) January 11, 2023
भारत जोड़ो यात्रा में “टी-शर्ट” से लेकर “दस्तार” तक…हर हरकत एक नौटंकी और लिखी हुई स्क्रिप्ट का हिस्सा है
गांधी परिवार का सिख विरोधी चेहरा एक बार फिर बेनक़ाब@ANI @republic pic.twitter.com/9ioD3DoAJn
This is the reality of Bharat Jodo Yatra!
— Chetan Bragta (@chetanbragta) January 11, 2023
Everything Rahul Gandhi does is a lie, done for the sake of doing it without any faith.
You can see him discussing who would tie the turban, what colour etc. It also seems that he is refusing to wear the turban without cameras around. pic.twitter.com/pvqLCas2CR
ਪੜਤਾਲ
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ ਅਤੇ ਪਾਇਆ ਕਿ ਵੀਡੀਓ ਵਿਚ "State News Punjab" ਦਾ ਨਿਊਜ਼ ਲੋਗੋ ਲੱਗਿਆ ਹੋਇਆ ਹੈ ਅਤੇ ਰਾਹੁਲ ਗਾਂਧੀ ਕਿਸੇ ਕੁੜੀ ਨੂੰ ਫੋਟੋ ਖਿਚਵਾਉਣ ਤੋਂ ਮਨਾ ਕਰ ਰਹੇ ਹਨ।
ਹੁਣ ਅੱਗੇ ਵਧਦਿਆਂ ਇਸ ਅਸਲ ਵੀਡੀਓ ਨੂੰ ਲੱਭਣਾ ਸ਼ੁਰੂ ਕੀਤਾ। ਅਸੀਂ ਪਾਇਆ ਕਿ ਮੀਡੀਆ ਅਦਾਰੇ ਨੇ 10 ਜਨਵਰੀ 2023 ਨੂੰ ਮਾਮਲੇ ਦਾ ਅਸਲ ਵੀਡੀਓ ਸਾਂਝਾ ਕੀਤਾ ਸੀ ਅਤੇ ਲਿਖਿਆ, "ਅੰਮ੍ਰਿਤਸਰ ਪਹੁੰਚੇ ਰਾਹੁਲ ਗਾਂਧੀ ਨੇ ਕਿਸ ਦੇ ਕਹਿਣ ਤੇ ਬੰਨੀ ਕੇਸਰੀ ਪੱਗ"
ਇਹੀ ਨਹੀਂ ਅਸੀਂ ਅਦਾਰੇ ਦੇ ਪੇਜ 'ਤੇ ਦਸਤਾਰ ਆਰਟਿਸਟ ਮਨਜੀਤ ਸਿੰਘ ਫਿਰੋਜ਼ਪੁਰੀਆ ਦਾ ਇੰਟਰਵਿਊ ਪਾਇਆ। ਦੱਸ ਦਈਏ ਕਿ ਰਾਹੁਲ ਗਾਂਧੀ ਦੇ ਕੇਸਰੀ ਦਸਤਾਰ ਮਨਜੀਤ ਸਿੰਘ ਫਿਰੋਜ਼ਪੁਰੀਆ ਨੇ ਹੀ ਬੰਨੀ ਸੀ।
ਇਸ ਕਰਕੇ ਅਸੀਂ ਅੱਗੇ ਵਧਦਿਆਂ ਮਨਜੀਤ ਸਿੰਘ ਫਿਰੋਜ਼ਪੁਰੀਆ ਨਾਲ ਫੋਨ 'ਤੇ ਗੱਲ ਕੀਤੀ। ਮਨਜੀਤ ਨੇ ਵਾਇਰਲ ਦਾਅਵੇ ਨੂੰ ਲੈ ਕੇ ਸਾਡੇ ਨਾਲ ਗੱਲ ਕਰਦਿਆਂ ਕਿਹਾ, "ਵਾਇਰਲ ਦਾਅਵਾ ਫਰਜ਼ੀ ਹੈ। ਰਾਹੁਲ ਗਾਂਧੀ ਉਸ ਸਮੇਂ ਕਿਸੇ ਕੁੜੀ ਨੂੰ ਫੋਟੋ ਖਿਚਵਾਉਣ ਤੋਂ ਮਨਾ ਕਰ ਰਹੇ ਸਨ। ਮੈਂ ਉਸ ਸਮੇਂ ਰਾਹੁਲ ਗਾਂਧੀ ਨਾਲ ਹੀ ਸੀ। ਰਾਹੁਲ ਗਾਂਧੀ ਨੂੰ ਲੈ ਕੇ ਇਹ ਇੱਕ ਗਲਤ ਪ੍ਰਚਾਰ ਹੈ।"
ਮਤਲਬ ਸਾਫ ਸੀ ਕਿ ਰਾਹੁਲ ਗਾਂਧੀ ਨੂੰ ਲੈ ਕੇ ਵਾਇਰਲ ਇਹ ਪੋਸਟ ਫਰਜ਼ੀ ਹੈ।
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਰਾਹੁਲ ਗਾਂਧੀ ਨੇ ਇੱਕ ਕੁੜੀ ਨੂੰ ਤਸਵੀਰ ਖਿਚਵਾਉਣ ਤੋਂ ਮਨਾ ਕੀਤਾ ਸੀ ਨਾ ਕਿ ਕੈਮਰੇ ਦੀ ਗੈਰ-ਹਾਜ਼ਰੀ 'ਚ ਦਸਤਾਰ ਬੰਨਣ ਤੋਂ। ਹੁਣ ਫਰਜ਼ੀ ਦਾਅਵੇ ਰਾਹੀਂ ਰਾਹੁਲ ਗਾਂਧੀ 'ਤੇ ਨਿਸ਼ਾਨੇ ਸਾਧੇ ਜਾ ਰਹੇ ਹਨ।
