ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੇ ਵੀਡੀਓ ਵਿਚ ਕੁਲਵਿੰਦਰ ਕੌਰ ਦੀ ਮਾਤਾ ਨਹੀਂ ਸਗੋਂ ਰਾਜਸਥਾਨ ਤੋਂ ਮਹਿਲਾ ਕਿਸਾਨ ਆਗੂ ਊਸ਼ਾ ਰਾਣੀ ਹੈ।
Claim
ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸਦੇ ਵਿਚ ਇੱਕ ਔਰਤ ਨੂੰ ਦੇਸ਼ ਦੇ ਪ੍ਰਧਾਨਮੰਤਰੀ ਖਿਲਾਫ ਮੰਦੀ ਸ਼ਬਦਾਵਲੀ ਬੋਲਦੇ ਵੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਵੀਡੀਓ ਵਿਚ ਦਿੱਸ ਰਹੀ ਮਹਿਲਾ ਕੰਗਨਾ ਰਣੌਤ ਨੂੰ ਥੱਪੜ ਮਾਰਨ ਵਾਲੀ ਕੁਲਵਿੰਦਰ ਕੌਰ ਦੀ ਮਾਂ ਹੈ। ਇਸ ਵੀਡੀਓ ਨੂੰ ਸਾਂਝਾ ਕਰ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਕੁਲਵਿੰਦਰ ਦੀ ਮਾਤਾ ਨੇ ਕਿਸਾਨ ਅੰਦੋਲਨ ਦੌਰਾਨ PM ਮੋਦੀ ਖਿਲਾਫ ਮੰਦੀ ਸ਼ਬਦਾਵਲੀ ਵਰਤੀ ਸੀ।
ਫੇਸਬੁੱਕ ਪੇਜ "स्वर्णिम भारत" ਨੇ ਵਾਇਰਲ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "खुलासा हुआ है कि पंजाब में जो मर जा मोदी मर जा मोदी के नारे जो महिला लग रही थी वही सीआईएसएफ की कांस्टेबल की मां है जिसने कंगना राणावत को थप्पड़ मारा था । भाई भी कथिक किसान यूनियन का paid secretary है। अब आपको पता चल गया होगा कि यह कितने जहरीले माहौल में रहती है। कथिक किसान की बेटी"
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੇ ਵੀਡੀਓ ਵਿਚ ਕੁਲਵਿੰਦਰ ਕੌਰ ਦੀ ਮਾਤਾ ਨਹੀਂ ਸਗੋਂ ਰਾਜਸਥਾਨ ਤੋਂ ਮਹਿਲਾ ਕਿਸਾਨ ਆਗੂ ਊਸ਼ਾ ਰਾਣੀ ਹੈ।
Investigation
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਦੇ ਕੀਫ਼੍ਰੇਮਸ ਕੱਢੇ ਅਤੇ ਉਨ੍ਹਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ।
"ਵੀਡੀਓ ਵਿਚ ਕੁਲਵਿੰਦਰ ਦੀ ਮਾਤਾ ਨਹੀਂ ਹਨ"
ਸਾਨੂੰ ਇਹ ਵੀਡੀਓ ਕਈ ਪੁਰਾਣੀ ਖਬਰਾਂ ਅਤੇ ਪੋਸਟਾਂ ਵਿਚ ਸਾਂਝਾ ਮਿਲਿਆ। 15 ਦਿਸੰਬਰ 2020 ਨੂੰ ਮੀਡੀਆ ਹਾਊਸ NEWJ ਨੇ ਇਸ ਵੀਡੀਓ ਨੂੰ ਸਾਂਝਾ ਕਰਦਿਆਂ ਲਿਖਿਆ, "Offensive Slogans Chanted Against PM Modi During Kisan Protest"
ਦੱਸ ਦਈਏ ਕਿ ਮੀਡੀਆ ਰਿਪੋਰਟ ਅਨੁਸਾਰ PM ਖਿਲਾਫ ਨਾਅਰੇ ਲਾਉਣ ਵਾਲੀ ਮਹਿਲਾ ਇਸ ਸਮੇਂ ਸੈਂਟਰ ਆਫ ਇੰਡੀਅਨ ਟ੍ਰੇਡ ਯੂਨੀਅਨ ਦੀ ਰਾਸ਼ਟਰੀ ਸਚਿਵ ਊਸ਼ਾ ਰਾਣੀ ਹਨ ਅਤੇ ਮੀਡੀਆ ਨੂੰ ਬਿਆਨ ਦਿੰਦਿਆਂ ਉਨ੍ਹਾਂ ਨੇ ਸਾਫ ਕੀਤਾ ਕਿ ਉਹ ਕੁਲਵਿੰਦਰ ਦੀ ਮਾਂ ਨਹੀਂ ਹੈ ਅਤੇ ਜਿਸ ਸਮੇਂ ਇਹ ਵੀਡੀਓ ਬਣਿਆ ਸੀ ਉਸ ਸਮੇਂ ਉਸਦੇ ਨਾਲ ਅੰਦੋਲਨ ਵਿਚ ਕੋਈ ਵੀ ਪੰਜਾਬ ਦੀ ਮਹਿਲਾ ਨਹੀਂ ਸੀ।
ਕੁਲਵਿੰਦਰ ਦੀ ਮਾਤਾ ਬਾਰੇ ਸਰਚ ਕਰਨ 'ਤੇ ਸਾਨੂੰ BBC ਦੀ ਰਿਪੋਰਟ ਮਿਲੀ। ਦੱਸ ਦਈਏ ਕਿ ਇਸ ਰਿਪੋਰਟ ਵਿਚ ਕੁਲਵਿੰਦਰ ਕੌਰ ਦੀ ਮਾਤਾ ਜੀ ਵੀਰ ਕੌਰ ਨਾਲ ਅਦਾਰੇ ਦੇ ਪੱਤਰਕਾਰ ਨੇ ਗੱਲਬਾਤ ਕੀਤੀ ਸੀ। ਕੁਲਵਿੰਦਰ ਦਾ ਪਰਿਵਾਰ ਪੰਜਾਬ ਦੇ ਕਪੂਰਥਲਾ ਦਾ ਰਹਿਣ ਵਾਲਾ ਹੈ।
ਹੁਣ ਅਖੀਰਲੇ ਪੜਾਅ 'ਚ ਅਸੀਂ ਇਸ ਵੀਡੀਓ ਨੂੰ ਸਾਡੇ ਕਪੂਰਥਲਾ ਇੰਚਾਰਜ ਰਿਪੋਰਟਰ ਵਰੁਣ ਨਾਲ ਸਾਂਝਾ ਕੀਤਾ। ਵਰੁਣ ਨੇ ਸਾਡੇ ਨਾਲ ਗੱਲ ਕਰਦਿਆਂ ਸਾਫ ਕਿਹਾ ਕਿ ਵਾਇਰਲ ਵੀਡੀਓ ਵਿਚ ਕੁਲਵਿੰਦਰ ਕੌਰ ਦੀ ਮਾਤਾ ਨਹੀਂ ਹਨ।
Conclusion
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੇ ਵੀਡੀਓ ਵਿਚ ਕੁਲਵਿੰਦਰ ਕੌਰ ਦੀ ਮਾਤਾ ਨਹੀਂ ਸਗੋਂ ਰਾਜਸਥਾਨ ਤੋਂ ਮਹਿਲਾ ਕਿਸਾਨ ਆਗੂ ਊਸ਼ਾ ਰਾਣੀ ਹੈ।
Result- Fake
Our Sources
Meta Post Of NewsJ published On 15 Dec 2020
News Report Of Aajtak Published On 9 June 2024
News Report Of BBC India Published On 7 June 2024
Physical Verification Quote Over Call With Rozana Spokesman Kapurthala Reporter Varun Sharma
ਕਿਸੇ ਖਬਰ 'ਤੇ ਸ਼ੱਕ? ਸਾਨੂੰ ਭੇਜੋ ਅਸੀਂ ਕਰਾਂਗੇ ਉਸਦਾ Fact Check... ਸਾਨੂੰ Whatsapp ਕਰੋ "9560527702" 'ਤੇ ਜਾਂ ਸਾਨੂੰ E-mail ਕਰੋ "factcheck@rozanaspokesman.com" 'ਤੇ
