ਵਾਇਰਲ ਹੋ ਰਹੇ ਵੀਡੀਓ ਵਿਚ ਦਿੱਖ ਰਿਹਾ ਪਿਤਾ ਹਿੰਦੂ ਨਹੀਂ ਬਲਕਿ ਮੁਸਲਿਮ ਹੈ ਜੋ ਕਿ 2013 ਵਿਚ ਚੁੱਕੇ ਗਏ ਉਸਦੇ ਬੇਟੇ ਦੀ ਭਾਲ ਵਿਚ ਪ੍ਰਦਰਸ਼ਨ ਕਰ ਰਿਹਾ ਹੈ।
Claim
ਸੋਸ਼ਲ ਮੀਡੀਆ 'ਤੇ ਬੰਗਲਾਦੇਸ਼ ਹਿੰਸਾ ਵਿਚਕਾਰ ਵਾਇਰਲ ਹੋ ਰਹੇ ਗੁੰਮਰਾਹਕੁਨ ਵੀਡੀਓ ਦੀ ਲੜੀ ਵਿਚ ਇੱਕ ਹੋਰ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿਚ ਇੱਕ ਬੁਜ਼ੁਰਗ ਨੂੰ ਇੱਕ ਤਸਵੀਰ ਨੂੰ ਗਲ 'ਚ ਪਾ ਕੇ ਧਰਨਾ ਦਿੰਦੇ ਵੇਖਿਆ ਜਾ ਸਕਦਾ ਹੈ। ਇਸ ਵੀਡੀਓ ਵਿਚ ਪੁਲਿਸ ਮੁਲਾਜ਼ਮ ਉਸਨੂੰ ਉਠਾਉਣ ਦੀ ਕੋਸ਼ਿਸ਼ ਵੀ ਕਰ ਰਹੇ ਹਨ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਮਾਮਲਾ ਬੰਗਲਾਦੇਸ਼ ਤੋਂ ਸਾਹਮਣੇ ਆਇਆ ਹੈ ਜਿਥੇ ਇੱਕ ਹਿੰਦੂ ਪਿਤਾ ਆਪਣੇ ਲਾਪਤਾ ਹੋਏ ਬੇਟੇ ਦੀ ਤਸਵੀਰ ਨੂੰ ਗਲ ਵਿਚ ਪਾ ਕੇ ਉਸਨੂੰ ਲੱਭਣ ਲਈ ਪ੍ਰਦਰਸ਼ਨ ਕਰ ਰਿਹਾ ਹੈ।
ਫੇਸਬੁੱਕ ਯੂਜ਼ਰ ਨਹਿਰਾ ਨੇ ਵਾਇਰਲ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "#WATCH | Bangladesh: A member of the minority Hindu community protesting with a poster of his missing son says "I will give my life but I want justice for my child. Where is my child? I have been going from door to door to inquire about my child but no one is listening to me."
#WATCH | Bangladesh: A member of the minority Hindu community protesting with a poster of his missing son says "I will give my life but I want justice for my child. Where is my child? I have been going from door to door to inquire about my child but no one is listening to me." pic.twitter.com/Q9R0oZVeRn
— Nehra (@Nehra_Singh80) August 13, 2024
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੇ ਵੀਡੀਓ ਵਿਚ ਦਿੱਖ ਰਿਹਾ ਪਿਤਾ ਹਿੰਦੂ ਨਹੀਂ ਬਲਕਿ ਮੁਸਲਿਮ ਹੈ ਜੋ ਕਿ 2013 ਵਿਚ ਚੁੱਕੇ ਗਏ ਉਸਦੇ ਬੇਟੇ ਦੀ ਭਾਲ ਵਿਚ ਪ੍ਰਦਰਸ਼ਨ ਕਰ ਰਿਹਾ ਹੈ।
Investigation
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਕਲਿਪ ਨੂੰ ਧਿਆਨ ਨਾਲ ਵੇਖਿਆ। ਅਸੀਂ ਪਾਇਆ ਕਿ ਕਲਿਪ ਉੱਤੇ ANI ਦਾ ਲੋਗੋ ਲੱਗਿਆ ਹੋਇਆ ਹੈ। ਦੱਸ ਦਈਏ ANI ਨਾਮਵਰ ਮੀਡੀਆ ਏਜੰਸੀ ਹੈ। ਅਸੀਂ ਇਸ ਵੀਡੀਓ ਨੂੰ ANI ਦੇ X ਪਲੇਟਫਾਰਮ 'ਤੇ ਲੱਭਣਾ ਸ਼ੁਰੂ ਕੀਤਾ।
ਦੱਸ ਦਈਏ ANI ਨੇ ਇਸ ਵੀਡੀਓ ਦਾ ਸਕ੍ਰੀਨਸ਼ੋਟ ਸ਼ੇਅਰ ਕਰਦਿਆਂ ਕੈਪਸ਼ਨ ਲਿਖਿਆ, "Correction: The below tweet has been deleted since this person is not from the minority Hindu community. Error regretted."
Correction: The below tweet has been deleted since this person is not from the minority Hindu community. Error regretted. pic.twitter.com/EY8FBnJc1g
— ANI (@ANI) August 13, 2024
ਮਤਲਬ ਸਾਫ ਸੀ ਕਿ ANI ਵੱਲੋਂ ਇਹ ਗੁੰਮਰਾਹਕੁਨ ਜਾਣਕਾਰੀ ਸਾਂਝੀ ਕੀਤੀ ਗਈ ਸੀ ਕਿ ਵੀਡੀਓ ਵਿਚ ਦਿੱਖ ਰਿਹਾ ਵਿਅਕਤੀ ਹਿੰਦੂ ਹੈ। ਹਾਲਾਂਕਿ ਬਾਅਦ ਵਿਚ ANI ਨੇ ਆਪਣੇ ਗਲਤੀ ਸੁਧਾਰ ਕਰਦਿਆਂ ਆਪਣੇ ਟਵੀਟ ਨੂੰ ਡਿਲੀਟ ਕਰ ਦਿੱਤਾ ਹੈ।
ਹੁਣ ਅਸੀਂ ਇਸ ਜਾਣਕਾਰੀ ਨੂੰ ਲੈ ਕੇ ਬੰਗਲਾਦੇਸ਼ ਦੀ Fact Check ਏਜੰਸੀ ਰੁਮੋਰ ਸਕੈਨਰ ਦੇ ਪੱਤਰਕਾਰ ਤਨਵੀਰ ਮਹਿਤਾਬ ਅਬੀਰ ਨਾਲ ਗੱਲ ਕੀਤੀ। ਅਬੀਰ ਨੇ ਸਾਡੇ ਨਾਲ ਮਾਮਲੇ ਦੀ ਪੂਰੀ ਜਾਣਕਾਰੀ ਸਾਂਝੀ ਕੀਤੀ ਅਤੇ ਸਾਫ ਕਿਹਾ ਕਿ ਵੀਡੀਓ ਵਿਚ ਦਿੱਸ ਰਿਹਾ ਵਿਅਕਤੀ ਇੱਕ ਮੁਸਲਿਮ ਵਿਅਕਤੀ ਹੈ।
ਅਬੀਰ ਨੇ ਸਾਡੇ ਨਾਲ ਮਾਮਲੇ ਦੀਆਂ ਨਿਊਜ਼ ਰਿਪੋਰਟਾਂ ਅਤੇ ਵੀਡੀਓ ਸਾਂਝੇ ਕੀਤੇ। ਪੂਰੀ ਜਾਣਕਾਰੀ ਅਨੁਸਾਰ ਵੀਡੀਓ ਵਿਚ ਦਿੱਸ ਰਿਹਾ ਵਿਅਕਤੀ ਮੁਸਲਿਮ ਹੈ ਅਤੇ ਇਸਦਾ ਨਾਮ ਬਾਬੁਲ ਹੌਲਦਾਰ ਹੈ। ਬਾਬੁਲ ਦੇ ਗਲ ਵਿਚ ਉਸਦੇ ਬੇਟੇ ਮੁਹੰਮਦ ਸੰਨੀ ਹੌਲਦਾਰ ਦੀ ਤਸਵੀਰ ਹੈ। ਸੰਨੀ, ਜੋ ਕਿ ਪੇਸ਼ੇ ਤੋਂ ਇੱਕ ਦਿਹਾੜੀਦਾਰ ਮਜ਼ਦੂਰ ਸੀ ਅਤੇ ਬੀਐਨਪੀ ਦਾ ਸਮਰਥਕ ਵੀ ਸੀ, ਉਸਨੂੰ 10 ਜਨਵਰੀ 2013 ਨੂੰ ਚੁੱਕ ਲਿਆ ਗਿਆ ਸੀ। ਅਤੇ ਉਹ ਉਸ ਸਮੇਂ ਤੋਂ ਲਾਪਤਾ ਸੀ। ਬਾਬੁਲ ਅਨੁਸਾਰ ਉਸਦੇ ਕੇਸ ਨੂੰ ਕਈ ਸਾਲਾਂ ਤੋਂ ਅਸਵੀਕਾਰ ਕਰ ਦਿੱਤਾ ਜਾਂਦਾ ਹੈ ਅਤੇ ਉਸਨੂੰ ਧਮਕੀਆਂ ਵੀ ਦਿੱਤੀ ਜਾਂਦੀ ਹੈ ਕਿ ਉਸਦੇ ਛੋਟੇ ਪੁੱਤਰ ਨੂੰ ਵੀ ਇਸੇ ਤਰ੍ਹਾਂ ਚੁੱਕ ਲਿਆ ਜਾਵੇਗਾ। ਦੱਸ ਦਈਏ ਕਿ ਸੰਨੀ ਬਾਬੁਲ ਦਾ ਵੱਡਾ ਬੇਟਾ ਹੈ।
ਇਸ ਮਾਮਲੇ ਨੂੰ ਲੈ ਕੇ ਨਿਊਜ਼ ਰਿਪੋਰਟ ਹੇਠਾਂ ਕਲਿੱਕ ਕਰ ਵੇਖੀ ਜਾ ਸਕਦੀ ਹੈ।
Conclusion
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਹੇ ਵੀਡੀਓ ਵਿਚ ਦਿੱਖ ਰਿਹਾ ਪਿਤਾ ਹਿੰਦੂ ਨਹੀਂ ਬਲਕਿ ਮੁਸਲਿਮ ਹੈ ਜੋ ਕਿ 2013 ਵਿਚ ਚੁੱਕੇ ਗਏ ਉਸਦੇ ਬੇਟੇ ਦੀ ਭਾਲ ਵਿਚ ਪ੍ਰਦਰਸ਼ਨ ਕਰ ਰਿਹਾ ਹੈ।
Result: Misleading
Our Sources:
X Post Of ANI shared on 13 August 2024
News Report Of Barta24 Shared On 13 August 2024
Physical Verification Quote Over Chat With Rumor Scanner's Fact Checker Tanvir Mahtab Abir
ਕਿਸੇ ਖਬਰ 'ਤੇ ਸ਼ੱਕ? ਸਾਨੂੰ ਭੇਜੋ ਅਸੀਂ ਕਰਾਂਗੇ ਉਸਦਾ Fact Check... ਸਾਨੂੰ Whatsapp ਕਰੋ "9560527702" 'ਤੇ ਜਾਂ ਸਾਨੂੰ E-mail ਕਰੋ "factcheck@rozanaspokesman.com" 'ਤੇ
