ਵਾਇਰਲ ਹੋ ਰਿਹਾ ਇਹ ਵੀਡੀਓ ਹਿਮਾਚਲ ਦਾ ਨਹੀਂ ਬਲਕਿ ਉੱਤਰਾਖੰਡ ਦੇ Kempty Fall ਇਲਾਕੇ ਦਾ ਸੀ ਜਿਥੇ ਬਹਿਸਬਾਜ਼ੀ ਤੋਂ ਬਾਅਦ ਮਾਮਲੇ ਨੇ ਝਗੜੇ ਦਾ ਰੂਪ ਧਾਰ ਲਿਆ ਸੀ।
Claim
ਹਿਮਾਚਲ ਦੇ ਮੰਡੀ ਤੋਂ ਭਾਜਪਾ MP ਤੇ ਅਦਾਕਾਰਾ ਕੰਗਨਾ ਰਣੌਤ ਥੱਪੜ ਹਿਮਾਚਲ ਤੋਂ ਬਾਅਦ ਪੰਜਾਬ ਅਤੇ ਹਿਮਾਚਲ ਦੇ ਲੋਕਾਂ ਵਿਚਕਾਰ ਤਲਖ਼ੀਆਂ ਵੇਖਣ ਨੂੰ ਸੋਸ਼ਲ ਮੀਡੀਆ 'ਤੇ ਮਿਲ ਰਹੀਆਂ ਹਨ ਅਤੇ ਬੀਤੇ ਕੁਝ ਦਿਨਾਂ ਵੱਖੋ-ਵੱਖ ਥਾਂ 'ਤੇ ਕੁੱਟਮਾਰ ਦੀਆਂ ਘਟਨਾਵਾਂ ਵੀ ਵੇਖਣ ਨੂੰ ਸਾਹਮਣੇ ਆਈਆਂ ਹਨ। ਹੁਣ ਇਸੇ ਵਿਚਕਾਰ ਇੱਕ ਹੋਰ ਵੀਡੀਓ ਵਾਇਰਲ ਕਰਦਿਆਂ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਹਿਮਾਚਲ ਵਿਖੇ ਪੰਜਾਬੀ ਪਰਿਵਾਰ ਨਾਲ ਕੁੱਟਮਾਰ ਕੀਤੀ ਗਈ।
ਇੰਸਟਾਗ੍ਰਾਮ ਅਕਾਊਂਟ "harfpunjabtv" ਨੇ ਵਾਇਰਲ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "ਹਿਮਾਚਲ ਚ ਕੁੱਟੇਆ ਇਕ ਹੋਰ ਪੰਜਾਬੀ ਪਰਿਵਾਰ ਬੂੜੀਆ ਨੂੰ ਮਾਰੇ ਥੱਕੇ ਦੱਸੋ ਬੰਦਾ ਹੁਣ ਘੁੰਮਣ ਜਾਵੇ ਕਿੱਥੇ ?"
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਇਹ ਵੀਡੀਓ ਹਿਮਾਚਲ ਦਾ ਨਹੀਂ ਬਲਕਿ ਉੱਤਰਾਖੰਡ ਦੇ Kempty Fall ਇਲਾਕੇ ਦਾ ਸੀ ਜਿਥੇ ਬਹਿਸਬਾਜ਼ੀ ਤੋਂ ਬਾਅਦ ਮਾਮਲੇ ਨੇ ਝਗੜੇ ਦਾ ਰੂਪ ਧਾਰ ਲਿਆ ਸੀ। ਇਸ ਮਾਮਲੇ ਵਿਚ ਕੋਈ ਵੀ ਫਿਰਕੂ ਕੌਣ ਨਹੀਂ ਹੈ।
Investigation
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ। ਅਸੀਂ ਪਾਇਆ ਕਿ ਵੀਡੀਓ ਵਿਚ ਢਾਬੇ ਦੇ ਬੋਰਡਾਂ 'ਤੇ ਕੁਝ ਮੋਬਾਈਲ ਨੰਬਰ ਲਿਖੇ ਹੋਏ ਹਨ ਅਤੇ ਸਾਨੂੰ Kempty Falls ਲਿਖਿਆ ਵੀ ਨਜ਼ਰ ਆਇਆ।
ਦੱਸ ਦਈਏ ਕਿ Kempty Falls ਉੱਤਰਾਖੰਡ ਦੇ ਟਿਹਰੀ ਗੜ੍ਹਵਾਲ ਅਧੀਨ ਪੈਂਦਾ ਇੱਕ ਸੈਲਾਨੀ ਸਪੋਟ ਹੈ।
ਹੁਣ ਅਸੀਂ ਇੱਕ-ਇੱਕ ਕਰਕੇ ਵੀਡੀਓ ਵਿਚ ਨਜ਼ਰ ਆਏ ਨੰਬਰਾਂ 'ਤੇ ਫੋਨ ਕੀਤਾ।
ਵੀਡੀਓ ਵਿਚ ਦਿੱਸ ਰਹੇ ਬਿਧਾਨ ਵੈਸ਼ਨੋ ਢਾਬੇ ਦੇ ਮਾਲਕ ਅਤੁਲ ਨੇ ਸਾਡੇ ਨਾਲ ਵੀਡੀਓ ਦੀ ਪੁਸ਼ਟੀ ਕੀਤੀ ਅਤੇ ਸਾਫ ਕੀਤਾ ਕਿ ਮਾਮਲੇ ਉੱਤਰਾਖੰਡ ਦਾ ਹੈ ਅਤੇ ਲੱਗਭਗ ਇੱਕ ਮਹੀਨਾ ਪੁਰਾਣਾ ਹੈ। ਸਾਡੇ ਨਾਲ ਗੱਲ ਕਰਦਿਆਂ ਅਤੁਲ ਨੇ ਕਿਹਾ, "ਇਹ ਮਾਮਲਾ ਉੱਤਰਾਖੰਡ ਦੇ Kempty Fall ਇਲਾਕੇ ਦਾ ਹੈ ਅਤੇ ਵੀਡੀਓ ਵਿਚ ਮੇਰਾ ਹੀ ਢਾਬਾ ਹੈ। ਮੇਰੇ ਢਾਬੇ ਦੇ ਸਟਾਫ ਦੇ ਵਿਅਕਤੀ ਵੱਲੋਂ ਇੱਕ ਸਰਦਾਰ ਜੀ ਤੋਂ ਢਾਬੇ 'ਤੇ ਆਉਣ ਦੀ ਗੱਲ ਕਹੀ ਜਿਸ ਦੌਰਾਨ ਬਹਿਸਬਾਜ਼ੀ ਹੋ ਗਈ ਅਤੇ ਸਰਦਾਰ ਜੀ ਵੱਲੋਂ ਮੇਰੇ ਸਟਾਫ ਦੇ ਵਿਅਕਤੀ ਨੂੰ ਥੱਪੜ ਮਾਰਿਆ ਗਿਆ ਅਤੇ ਮਾਮਲਾ ਹੋਰ ਵਿਗੜ ਗਿਆ ਸੀ। ਇਸ ਮਾਮਲੇ ਨੂੰ ਪੁਲਿਸ ਸਹਾਇਤਾ ਤੋਂ ਬਾਅਦ ਸੁਲਝਾ ਲਿਆ ਗਿਆ ਸੀ।"
ਇਸੇ ਤਰ੍ਹਾਂ ਵੀਡੀਓ ਵਿਚ ਮੌਜੂਦ ਇੱਕ ਹੋਰ ਨੰਬਰ 'ਤੇ ਅਸੀਂ ਕਾਲ ਕੀਤਾ ਤਾਂ ਸਾਡੀ ਗੱਲ ਓਸੇ ਢਾਬੇ ਦੇ ਇੱਕ ਪੁਰਾਣੇ ਸੰਚਾਲਕ ਨਾਲ ਹੋਈ। ਸਾਡੇ ਨਾਲ ਗੱਲ ਕਰਦਿਆਂ ਉਸਨੇ ਵੀ ਸਾਫ ਕਿਹਾ ਕਿ ਇਹ ਵੀਡੀਓ ਉੱਤਰਾਖੰਡ ਦਾ ਹੈ ਅਤੇ ਮਾਮਲਾ ਕਰੀਬ ਮਹੀਨੇ ਪੁਰਾਣਾ ਹੈ।
ਅਸੀਂ ਇਸ ਮਾਮਲੇ ਨੂੰ ਲੈ ਕੇ Kempty ਥਾਣੇ ਦੇ SHO ਅਮਿਤ ਸ਼ਰਮਾ ਨਾਲ ਵੀ ਗੱਲ ਕੀਤੀ। ਸਾਡੇ ਨਾਲ ਗੱਲ ਕਰਦਿਆਂ ਅਮਿਤ ਸ਼ਰਮਾ ਨੇ ਕਿਹਾ, "ਇਹ ਮਾਮਲਾ ਹਿਮਾਚਲ ਦਾ ਨਹੀਂ ਬਲਕਿ ਉੱਤਰਾਖੰਡ ਦੇ Kempty ਦਾ ਹੈ ਅਤੇ ਇਸ ਮਾਮਲੇ ਵਿਚ ਕੋਈ ਵੀ ਧਾਰਮਿਕ ਐਂਗਲ ਨਹੀਂ ਹੈ। ਇਹ ਝਗੜਾ ਖਾਣੇ ਦੇ ਬਿਲ ਨੂੰ ਲੈ ਕੇ ਹੋਇਆ ਸੀ ਅਤੇ ਮਾਮਲੇ ਨੂੰ ਲੈ ਕੇ ਕਿਸੇ ਨੇ ਥਾਣੇ ਵੀ ਰਿਪੋਰਟ ਦਰਜ ਨਹੀਂ ਕਰਵਾਈ ਸੀ। ਇਹ ਮਾਮਲਾ ਮੌਕੇ 'ਤੇ ਹੀ ਸੁਲਝਾ ਲਿਆ ਗਿਆ ਸੀ।"
Conclusion
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਇਹ ਵੀਡੀਓ ਹਿਮਾਚਲ ਦਾ ਨਹੀਂ ਬਲਕਿ ਉੱਤਰਾਖੰਡ ਦੇ Kempty Fall ਇਲਾਕੇ ਦਾ ਸੀ ਜਿਥੇ ਬਹਿਸਬਾਜ਼ੀ ਤੋਂ ਬਾਅਦ ਮਾਮਲੇ ਨੇ ਝਗੜੇ ਦਾ ਰੂਪ ਧਾਰ ਲਿਆ ਸੀ। ਇਸ ਮਾਮਲੇ ਵਿਚ ਕੋਈ ਵੀ ਫਿਰਕੂ ਕੌਣ ਨਹੀਂ ਹੈ।
Result- Misleading
Our Sources:
Physical Verification Quote Over Call With Atul (An Dhabha Owner Present At Situation)
Physical Verification Quote Over Call With Previous Dhabha Owner Present At Situation
Physical Verification Quote Over Call With Kempty Police Station SHO Amit Sharma
ਕਿਸੇ ਖਬਰ 'ਤੇ ਸ਼ੱਕ? ਸਾਨੂੰ ਭੇਜੋ ਅਸੀਂ ਕਰਾਂਗੇ ਉਸਦਾ Fact Check... ਸਾਨੂੰ Whatsapp ਕਰੋ "9560527702" 'ਤੇ ਜਾਂ ਸਾਨੂੰ E-mail ਕਰੋ "factcheck@rozanaspokesman.com" 'ਤੇ
(Disclaimer: 25 ਜੂਨ 2024 ਨੂੰ ਇਸ ਖਬਰ ਵਿਚ Kempty ਥਾਣੇ ਦੇ SHO ਅਮਿਤ ਸ਼ਰਮਾ ਦਾ ਬਿਆਨ ਅੱਪਡੇਟ ਕੀਤਾ ਗਿਆ ਹੈ। ਇਸ ਅੱਪਡੇਟ ਨਾਲ ਖਬਰ ਦੇ ਨਤੀਜੇ 'ਤੇ ਕੋਈ ਅਸਰ ਨਹੀਂ ਪਿਆ ਹੈ।)
