ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਸਕ੍ਰਿਪਟਿਡ ਨਾਟਕ ਹੈ।
Claim
ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਚਰਚਾ ਦਾ ਵਿਸ਼ੇ ਬਣ ਰਿਹਾ ਹੈ। ਇਸ ਵੀਡੀਓ ਵਿਚ ਇੱਕ ਪੁਲਿਸ ਮੁਲਾਜ਼ਮ ਨੂੰ ਇੱਕ ਗੱਡੀ ਦਾ ਚਲਾਨ ਕਰਦੇ ਵੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਹਰਿਆਣਾ ਪੁਲਿਸ ਦੇ ਮੁਲਾਜ਼ਮ ਨੇ ਇੱਕ ਗੱਡੀ 'ਤੇ ਭਗਤ ਸਿੰਘ ਦੀ ਫੋਟੋ ਚਿਪਕੇ ਹੋਣ ਨੂੰ ਲੈ ਕੇ ਚਲਾਨ ਕਰ ਦਿੱਤਾ।
X ਅਕਾਊਂਟ Gursimran Singh ਨੇ ਵਾਇਰਲ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "Challan on BHAGAT SINGH JI Photo in Hr. What these Photos or Stickers say to anyone I don't know ??"
Challan on BHAGAT SINGH JI Photo in Hr. What these Photos or Stickers say to anyone I don't know ?? pic.twitter.com/YN8cmWpu8O
— Gursimran Singh ☬ (@GursiSingh_) July 23, 2024
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਸਕ੍ਰਿਪਟਿਡ ਨਾਟਕ ਹੈ। ਇਹ ਵੀਡੀਓ ਜਾਗਰੂਕਤਾ ਵਾਸਤੇ ਕਲਾਕਾਰਾਂ ਵੱਲੋਂ ਬਣਾਇਆ ਗਿਆ ਹੈ।
Investigation
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ ਅਤੇ ਵੀਡੀਓ ਦੇ ਕੀਫ਼੍ਰੇਮਸ ਕੱਢ ਉਨ੍ਹਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ।
ਵਾਇਰਲ ਵੀਡੀਓ ਸਕ੍ਰਿਪਟਿਡ ਨਾਟਕ
ਸਾਨੂੰ ਵਾਇਰਲ ਵੀਡੀਓ ਦਾ ਮੂਲ ਵੀਡੀਓ Monty Deepak Sharma ਨਾਂ ਦੇ Youtube ਤੋਂ ਸਾਂਝਾ ਮਿਲਿਆ। ਦੱਸ ਦਈਏ ਇਹ ਅਕਾਊਂਟ ਟ੍ਰੈਫਿਕ ਨਾਲ ਸਬੰਧਿਤ ਜਾਗਰੂਕਤਾ ਵੀਡੀਓਜ਼ ਸਾਂਝਾ ਕਰਦਾ ਰਹਿੰਦਾ ਹੈ। ਵਾਇਰਲ ਵੀਡੀਓ ਅਕਾਊਂਟ ਤੋਂ 23 ਜਨਵਰੀ 2024 ਨੂੰ ਸਾਂਝਾ ਕੀਤਾ ਗਿਆ ਸੀ ਅਤੇ ਟਾਈਟਲ ਲਿਖਿਆ ਗਿਆ ਸੀ, "भगत सिंह की फोटो पर बबाल"
ਅਸੀਂ ਇਸ ਅਕਾਊਂਟ ਦੀ ਜਾਂਚ ਕੀਤੀ ਤਾਂ ਪਾਇਆ ਕਿ ਇਸ ਪੇਜ 'ਤੇ ਸਮਾਨ ਪੁਲਿਸ ਦੀ ਵਰਦੀ ਪਾਏ ਸ਼ਕਸ ਦੇ ਕਈ ਵੀਡੀਓਜ਼ ਵੇਖੇ ਜਾ ਸਕਦੇ ਹਨ ਅਤੇ ਪੇਜ 'ਤੇ ਇੱਕ ਤਸਵੀਰ ਮੌਜੂਦ ਹੈ ਜਿਸਦੇ ਉੱਤੇ ਚੈਨਲ ਦਾ ਨਾਂ ਤੇ ਹੇਠਾਂ Awareness Traffic ਲਿਖਿਆ ਹੋਇਆ ਹੈ। ਮਤਲਬ ਸਾਫ ਸੀ ਕਿ ਇਹ ਪੇਜ ਜਾਗਰੂਕਤਾ ਦੇ ਵੀਡੀਓਜ਼ ਬਣਾਉਂਦਾ ਹੈ।
ਹੁਣ ਅਸੀਂ ਇਸ ਪੇਜ 'ਤੇ ਮੌਜੂਦ ਅਕਾਊਂਟ ਦੇ ਫੇਸਬੁੱਕ ਲਿੰਕ 'ਤੇ ਵਿਜ਼ਿਟ ਕੀਤਾ। ਅਸੀਂ ਫੇਸਬੁੱਕ 'ਤੇ ਮੈਸੇਂਜਰ ਦੇ ਜਰੀਏ ਦੀਪਕ ਸ਼ਰਮਾ ਨਾਲ ਸੰਪਰਕ ਕੀਤਾ ਤੇ ਸਾਡੀ ਗੱਲ ਦੀਪਕ ਸ਼ਰਮਾ ਨਾਲ ਹੋਈ। ਦੀਪਕ ਨੇ ਸਾਡੇ ਨਾਲ ਗੱਲ ਕਰਦਿਆਂ ਸਾਫ ਕਿਹਾ ਕਿ ਵਾਇਰਲ ਹੋ ਰਿਹਾ ਵੀਡੀਓ ਇੱਕ ਸਕ੍ਰਿਪਟਿਡ ਨਾਟਕ ਹੈ ਅਤੇ ਇਸ ਵੀਡੀਓ ਨੂੰ ਜਾਗਰੂਕਤਾ ਲਈ ਬਣਾਇਆ ਗਿਆ ਸੀ।
Conclusion
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਸਕ੍ਰਿਪਟਿਡ ਨਾਟਕ ਹੈ। ਇਹ ਵੀਡੀਓ ਜਾਗਰੂਕਤਾ ਵਾਸਤੇ ਕਲਾਕਾਰਾਂ ਵੱਲੋਂ ਬਣਾਇਆ ਗਿਆ ਹੈ।
Result: Fake
Our Sources:
Youtube Original Video By Monty Deepak Sharma Shared On 23 Jan 2024
Physical Verification Quote Over Chat With Page Owner Deepak Sharma
ਕਿਸੇ ਖਬਰ 'ਤੇ ਸ਼ੱਕ? ਸਾਨੂੰ ਭੇਜੋ ਅਸੀਂ ਕਰਾਂਗੇ ਉਸਦਾ Fact Check... ਸਾਨੂੰ Whatsapp ਕਰੋ "9560527702" 'ਤੇ ਜਾਂ ਸਾਨੂੰ E-mail ਕਰੋ "factcheck@rozanaspokesman.com" 'ਤੇ
