ਵਾਇਰਲ ਹੋ ਰਿਹਾ ਬੈਨਰ ਐਡੀਟੇਡ ਹੈ। ਇਹ ਬੈਨਰ ਪਿਛਲੇ ਸਾਲ ਵੀ ਵਾਇਰਲ ਹੋਇਆ ਸੀ ਅਤੇ ਹੁਣ ਮੁੜ ਇਹ ਐਡੀਟੇਡ ਬੈਨਰ ਵਾਇਰਲ ਹੋ ਰਿਹਾ ਹੈ।
RSFC (Team Mohali)- ਸੋਸ਼ਲ ਮੀਡੀਆ 'ਤੇ ਇੱਕ ਬੈਨਰ ਦੀ ਤਸਵੀਰ ਵਾਇਰਲ ਹੋ ਰਹੀ ਹੈ ਜਿਸਦੇ ਵਿਚ ਬਰਨਾਲਾ ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਆਗੂ ਦਵਿੰਦਰ ਸਿੰਘ ਬੀਹਲਾ ਦਾ ਬੈਨਰ ਫਲੈਕਸ ਦੇਖਿਆ ਜਾ ਸਕਦਾ ਹੈ ਜਿਸ ਉੱਤੇ ਲਿਖਿਆ ਹੋਇਆ ਹੈ , “ਹਰ ਪਿੰਡ ਹਰ ਸ਼ਹਿਰ ਦੀ ਇਹ ਪੁਕਾਰ, ਕਦੇ ਵੀ ਨਾ ਆਵੇ ਅਕਾਲੀ ਦਲ ਦੀ ਸਰਕਾਰ।” ਇਸ ਬੈਨਰ ਨੂੰ ਵਾਇਰਲ ਕਰਦੇ ਹੋਏ ਅਕਾਲੀ ਦਲ 'ਤੇ ਤੰਜ ਕੱਸਿਆ ਜਾ ਰਿਹਾ ਹੈ
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਬੈਨਰ ਐਡੀਟੇਡ ਹੈ। ਇਹ ਬੈਨਰ ਪਿਛਲੇ ਸਾਲ ਵੀ ਵਾਇਰਲ ਹੋਇਆ ਸੀ ਅਤੇ ਹੁਣ ਮੁੜ ਇਹ ਐਡੀਟੇਡ ਬੈਨਰ ਵਾਇਰਲ ਹੋ ਰਿਹਾ ਹੈ।
ਵਾਇਰਲ ਪੋਸਟ
ਇਹ ਬੈਨਰ ਫੇਸਬੁੱਕ ਅਤੇ ਵਹਟਸਐਪ 'ਤੇ ਸ਼ੇਅਰ ਕੀਤਾ ਜਾ ਰਿਹਾ ਹੈ। ਫੇਸਬੁੱਕ ਪੇਜ "Punjab De Fan ਪੰਜਾਬ ਦੇ ਫੈਨ" ਨੇ 29 ਜੁਲਾਈ ਨੂੰ ਇਹ ਬੈਨਰ ਮੁੜ ਸ਼ੇਅਰ ਕਰ ਅਕਾਲੀ ਦਲ 'ਤੇ ਤੰਜ ਕੱਸਿਆ। ਇਹ ਪੋਸਟ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
ਪੜਤਾਲ
ਪੜਤਾਲ ਦੀ ਸ਼ੁਰੂਆਤ ਕਰਦੇ ਹੋਏ ਅਸੀਂ ਸਭ ਤੋਂ ਪਹਿਲਾਂ ਕੀਵਰਡ ਸਰਚ ਜਰੀਏ ਬੈਨਰ ਨੂੰ ਲੈ ਕੇ ਖਬਰਾਂ ਲੱਭਣੀਆਂ ਸ਼ੁਰੂ ਕੀਤੀਆਂ। ਸਾਨੂੰ ਆਪਣੀ ਸਰਚ ਦੌਰਾਨ ਪਤਾ ਚਲਿਆ ਕਿ ਇਹ ਬੈਨਰ ਪਿਛਲੇ ਸਾਲ ਵੀ ਵਾਇਰਲ ਹੋਇਆ ਸੀ।
ਇਹ ਬੈਨਰ ਐਡੀਟੇਡ ਹੈ
ਸ਼੍ਰੋਮਣੀ ਅਕਾਲੀ ਦਲ ਬਰਨਾਲਾ ਦੇ ਆਗੂ ਦੇਵਿੰਦਰ ਸਿੰਘ ਬੀਹਲਾ ਦੇ ਨਾਂਅ ਤੋਂ ਇਹ ਬੈਨਰ ਵਾਇਰਲ ਕੀਤਾ ਜਾ ਰਿਹਾ ਹੈ। ਸਾਨੂੰ ਉਨ੍ਹਾਂ ਦੇ ਅਕਾਊਂਟ ‘ਤੇ ਇਸ ਬੈਨਰ ਨੂੰ ਲੈ ਕੇ ਪਿਛਲੇ ਸਾਲ ਦਾ ਇੱਕ ਪੋਸਟ ਮਿਲਿਆ ਜਿਸਦੇ ਵਿਚ ਉਹ ਇਸ ਫਰਜੀ ਬੈਨਰ ਬਾਰੇ ਜਾਣਕਾਰੀ ਦੇ ਰਹੇ ਹਨ। ਸਾਨੂੰ ਇਸ ਪੋਸਟ ਵਿਚ ਅਸਲੀ ਬੈਨਰ ਦੀ ਤਸਵੀਰ ਵੀ ਮਿਲੀ।
17 ਅਗਸਤ 2020 ਨੂੰ ਇਹ ਪੋਸਟ ਸ਼ੇਅਰ ਕਰਦਿਆਂ ਉਨ੍ਹਾਂ ਨੇ ਲਿਖਿਆ, "ਭਰਾਉ FONT ਚੈੱਕ ਕਰੋ। ਭਗਵੰਤ ਮਾਨ (ਮਾਂ ਦੀ ਸਹੁੰ ਖਾਣ ਆਲੇ ਸ਼ਰਾਬ ਛੁਡਾਓ ਰੈਲੀ ਬਰਨਾਲਾ) ਦੇ ਪੇਡ ਵਰਕਰ ਹੁਣ ਟੁੱਚੀਆ ਹਰਕਤਾਂ ਤੇ ਆ ਗਏ ਹਨ। ਅਸਲੀ ਅਤੇ ਨਕਲੀ ਪੋਸਟਰ ਦੇਖ ਲਵੋ। ਮੈ ਹਾਲੇ ਵੀ ਰੁਕਿਆ ਕੇਸ ਕਰਨ ਤੋ ਕਿ ਆਪ ਆਲੇ ਵੀ ਕਿਸੇ ਦੇ ਬੱਚੇ ਹਨ, ਮੈ ਕਿਸੇ ਤੇ ਕੇਸ ਕਰਕੇ ਉਸ ਵੀਰ ਦਾ ਕੈਰੀਅਰ ਖ਼ਰਾਬ ਨਹੀ ਕਰਨਾ ਚਾਹੁੰਦਾ। ਸਾਰਥਿਕ ਰਾਜਨੀਤੀ ਕਰੋ। ਦਵਿੰਦਰ ਸਿੰਘ ਬੀਹਲਾ। ????।"
ਅਸਲੀ ਬੈਨਰ ਦੀ ਤਸਵੀਰ ਹੇਠਾਂ ਵੇਖੀ ਜਾ ਸਕਦੀ ਹੈ।
ਇਸ ਬੈਨਰ ਨੂੰ ਲੈ ਕੇ ਦੇਵਿੰਦਰ ਸਿੰਘ ਬੀਹਲਾ ਨੇ ਵੀਡੀਓ ਰਾਹੀਂ ਵੀ ਪੁਸ਼ਟੀ ਅਪਲੋਡ ਕੀਤੀ ਸੀ। ਇਹ ਵੀਡੀਓ ਹੇਠਾਂ ਵੇਖਿਆ ਜਾ ਸਕਦਾ ਹੈ। ਇਸ ਵੀਡੀਓ ਵਿਚ ਵੀ ਅਸਲੀ ਬੈਨਰ ਨੂੰ ਵੇਖਿਆ ਜਾ ਸਕਦਾ ਹੈ।
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਬੈਨਰ ਐਡੀਟੇਡ ਹੈ। ਇਹ ਬੈਨਰ ਪਿਛਲੇ ਸਾਲ ਵੀ ਵਾਇਰਲ ਹੋਇਆ ਸੀ ਅਤੇ ਹੁਣ ਮੁੜ ਇਹ ਐਡੀਟੇਡ ਬੈਨਰ ਵਾਇਰਲ ਹੋ ਰਿਹਾ ਹੈ।
Claim- Banner defaming SAD Government
Claimed By- FB Page Punjab De Fan
Fact Check- Fake
