ਮੈਨਪਾਟ 'ਚ ਰਹਿਣ ਵਾਲੇ ਤਿੱਬਤੀ ਤੇ ਸਥਾਨਕ ਕਿਸਾਨਾਂ ਦੀ ਆਮਦਨੀ ਦੁੱਗਣੀ ਹੋਣ ਵਾਲੀ ਹੈ
ਮੈਨਪਾਟ 'ਚ ਰਹਿਣ ਵਾਲੇ ਤਿੱਬਤੀ ਤੇ ਸਥਾਨਕ ਕਿਸਾਨਾਂ ਦੀ ਆਮਦਨੀ ਦੁੱਗਣੀ ਹੋਣ ਵਾਲੀ ਹੈ। ਕੱਟੂ ਦੇ ਨਾਂ ਪ੍ਰਚਲਿਤ ਤਿੱਬਤੀ ਫ਼ਸਲ ਟਾਊ ਹੁਣ ਤਕ 25 ਰੁਪਏ ਕਿਲੋ ਦਾ ਹਿਸਾਬ ਨਾਲ ਮਿਲਦਾ ਸੀ। ਮੈਨਪਾਟ 'ਚ ਸੰਚਾਲਿਤ ਖੇਤੀਬਾੜੀ ਵਿਭਾਗ ਕੇਂਦਰ ਦੇ ਵਿਗਿਆਨੀਆਂ ਦੀ ਪਹਿਲ 'ਤੇ ਇੰਦੌਰ ਤੇ ਬੈਂਗਲੁਰੂ ਦੀਆਂ ਕੰਪਨੀਆਂ ਨੇ 50 ਰੁਪਏ ਪ੍ਰਤੀ ਕਿਲੋ ਦੀ ਦਰ ਨਾਲ ਟਾਊ ਖ਼ਰੀਦਣ ਦੀ ਸਹਿਮਤੀ ਦਿੱਤੀ ਹੈ।
Buckwheat
ਵਰਤ ਦੌਰਾਨ ਕੱਟੂ ਦੇ ਆਟੇ ਦੀ ਵਰਤੋਂ ਹੁੰਦੀ ਹੈ। ਤਿੱਬਤ ਦੇ ਲੋਕ ਸਾਲ 1962 'ਚ ਵੱਡੀ ਗਿਣਤੀ 'ਚ ਉਜਾੜੇ ਤੋਂ ਬਾਅਦ ਅੰਬਿਕਾਪੁਰ ਜ਼ਿਲ੍ਹੇ ਦੇ ਮੈਨਪਾਟ ਪੁੱਜੇ ਸਨ। ਉਹ ਆਪਣੇ ਨਾਲ ਪਠਾਰ 'ਚ ਉਗਾਈ ਜਾਣ ਵਾਲੀ ਤਿੱਬਤੀ ਫ਼ਸਲ ਟਾਊ ਵੀ ਲੈ ਕੇ ਆਏ। ਫੁੱਲਾਂ ਦੀ ਮਹਿਕ ਤੇ ਉਤਪਾਦ ਕਾਰਨ ਇਸ ਵੱਲ ਖਿੱਚੇ ਗਏ ਸਥਾਨਕ ਕਿਸਾਨਾਂ ਨੇ ਵੀ ਖੇਤੀ ਸ਼ੁਰੂ ਕਰ ਦਿੱਤੀ ਸੀ।
Buckwheat
ਹੁਣ ਦੋ ਹਜ਼ਾਰ ਹੈਕਟੇਅਰ ਨਾਲ ਜ਼ਮੀਨ 'ਚ ਟਾਊ ਦੀ ਖੇਤੀ ਹੋ ਰਹੀ ਹੈ। ਪ੍ਰਤੀ ਹੈਕਟੇਅਰ 18 ਤੋਂ 20 ਕੁਇੰਟਲ ਤਕ ਇਸ ਦੀ ਪੈਦਾਵਾਰ ਹੁੰਦੀ ਹੈ। ਦਿੱਲੀ ਨਹੀਂ ਦੇਸ਼ ਦੇ ਵੱਖ-ਵੱਖ ਇਲਾਕਿਆਂ 'ਚ ਕੱਟੂ ਦਾ ਆਟਾ 80 ਤੋਂ 100 ਰੁਪਏ ਪ੍ਰਤੀ ਕਿਲੋ ਦੀ ਦਰ ਨਾਲ ਵਿਕਦਾ ਹੈ। ਸੰਗਠਿਤ ਬਾਜ਼ਾਰ ਨਾ ਹੋਣ ਨਾਲ ਵਪਾਰੀ ਮਹਿਜ਼ 25 ਤੋਂ 30 ਰੁਪਏ ਪ੍ਰਤੀ ਕਿਲੋ ਦੀ ਦਰ ਨਾਲ ਕਿਸਾਨਾਂ ਤੋਂ ਕੱਟੂ ਦੀ ਖ਼ਰੀਦ ਕਰਦੇ ਹਨ।
Buckwheat
ਮੈਨਪਾਟ ਖੇਤੀਬਾੜੀ ਵਿਗਿਆਨ ਕੇਂਦਰ ਦੇ ਵਿਗਿਆਨੀਆਂ ਦੀ ਪਹਿਲ 'ਤੇ ਪ੍ਰਰੋਟੀਨ ਪਾਊਡਰ ਬਣਾਉਣ ਵਾਲੀ ਬੈਂਗਲੁਰੂ ਦੀ ਇਕ ਕੰਪਨੀ ਨੇ 50 ਰੁਪਏ ਕਿਲੋ ਦੀ ਦਰ ਨਾਲ ਹਰ ਮਹੀਨੇ ਪੰਜ ਟਨ ਤਕ ਟਾਊ ਖ਼ਰੀਦਣ ਨੂੰ ਮਨਜ਼ੂਰੀ ਦਿੱਤੀ ਹੈ।
Buckwheat
ਪ੍ਰੋਟੀਨ ਪਾਊਡਰ ਬਣਾਉਣ 'ਚ ਹੋਵੇਗੀ ਵਰਤੋਂ- ਮੈਨਪਾਟ ਖੇਤੀਬਾੜੀ ਵਿਗਿਆਨ ਕੇਂਦਰ ਦੇ ਇੰਚਾਰਜ ਡਾ. ਸੰਦੀਪ ਸ਼ਰਮਾ ਨੇ ਦੱਸਿਆ ਕਿ ਬੈਂਗਲੁਰੂ ਦੀ ਕੰਪਨੀ ਪ੍ਰੋਟੀਨ ਪਾਊਡਰ 'ਚ ਕੱਟੂ ਦੇ ਆਟੇ ਦੀ ਵਰਤੋਂ ਕਰੇਗੀ। ਇਸ 'ਚ ਮੈਗਨੀਜ਼, ਫਾਈਬਰ, ਆਇਰਨ ਤੇ ਕਾਰਬੋਹਾਈਡ੍ਰੇਟ ਵੀ ਢੁੱਕਵੀਂ ਮਾਤਰਾ ਹੁੰਦੀ ਹੈ। ਕਿਸੇ ਵੀ ਤਰ੍ਹਾਂ ਪ੍ਰੋਟੀਨ ਪਾਊਡਰ 'ਚ ਇਹ ਬਿਹਤਰ ਕੰਮ ਕਰੇਗਾ। ਛੇਤੀ ਹੀ ਇਸ ਦੀ ਆਨਲਾਈਨ ਵਿਕਰੀ ਸ਼ੁਰੂ ਹੋ ਜਾਵੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
