ਕੋਲਾਵਾੜਾ ਅਤੇ ਨੇਤਾਨਾਰ ਦੇ ਕਿਸਾਨ ਦੱਸਦੇ ਹਨ ਕਿ ਉਹਨਾਂ ਦੀ ਸਮਰਥਾ ਨਹੀਂ ਹੈ ਕਿ ਉਹ 25 ਕਿਲੋ ਮੀਟਰ ਦੂਰ ਕੋਸਰਾ ਵੇਚਣ ਜਾ ਸਕਣ।

ਛੱਤੀਸਗੜ੍ਹ, ( ਭਾਸ਼ਾ ) : ਬਸਤਰ ਦੀ ਪਹਾੜੀ ਢਲਾਣ 'ਤੇ ਪੈਦਾ ਹੋਣ ਵਾਲਾ ਕੋਸਰਾ ਵਧੇਰੀ ਮਾਤਰਾ ਵਿਚ ਨਾਸਿਕ ਅਤੇ ਕੋਲਕਾਤਾ ਭੇਜਿਆ ਜਾਂਦਾ ਹੈ। ਉਥੇ ਇਸ ਨੂੰ ਸ਼ੂਗਰ ਫਰੀ ਰਾਈਸ ਅਤੇ ਲਵ ਬਰਡ ਦਾਣਾ ਦੇ ਤੌਰ 'ਤੇ ਪੈਕ ਕਰਨ ਤੋਂ ਬਾਅਦ ਪੂਰੇ ਦੇਸ਼ ਵਿਚ ਵੇਚਿਆ ਜਾ ਰਿਹਾ ਹੈ। ਇਥੋ ਹਰ ਸਾਲ ਘੱਟ ਤੋਂ ਘੱਟ ਦਸ ਹਜ਼ਾਰ ਕੁਇੰਟਲ ਕੋਸਰਾ ਦੀ ਨਿਕਾਸੀ ਕੀਤੀ ਜਾਂਦੀ ਹੈ। ਪਿੰਡ ਵਾਲਿਆਂ ਤੋਂ ਇਸ ਨੂੰ 15 ਰੁਪਏ ਪ੍ਰਤਿ ਕਿਲੋ ਗ੍ਰਾਮ ਦੀ ਦਰ ਨਾਲ ਖਰੀਦ ਕੇ ਇਸ ਦੀ

Rice paddy bird food

ਪੈਕਿੰਗ ਕਰਨ ਤੋਂ ਬਾਅਦ 100 ਤੋਂ 150 ਰੁਪਏ ਦੀ ਦਰ ਨਾਲ ਦੇਸ਼ ਭਰ ਵਿਚ ਵੇਚਿਆ ਜਾਂਦਾ ਹੈ। ਡਿਪਟੀ ਡਾਇਰੈਕਟਰ ਖੇਤੀਬਾੜੀ ਕਪਿਲ ਦੇਵ ਦੀਪਕ ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਦੱਸਦੇ  ਹਨ ਕਿ ਬਸਤਰ ਦੇ ਬਾਸਤਾਨਗਰ ਅਤੇ ਨੇਤਾਨਾਰ ਇਲਾਕੇ ਦੀ ਢਲਾਣ ਵਾਲੀ ਜ਼ਮੀਨ 'ਤੇ ਲਗਭਗ ਇਕ ਹਜ਼ਾਰ ਹੈਕਟੇਅਰ ਵਿਚ ਕੋਸਰਾ ਦੀ ਖੇਤੀ ਕੀਤੀ ਜਾਂਦੀ ਹੈ। ਇਸ ਤੋਂ ਇਲਾਵਾ ਵੱਡੇ ਪੱਧਰ 'ਤੇ ਇਸ ਦੀ ਪੈਦਾਵਾਰ ਬੈਲਾਡੀਲਾ ਦੀ ਤਰਾਈ ਦੇ ਪਿੰਡਾਂ ਵਿਚ ਵੀ ਹੁੰਦੀ ਹੈ। ਮੋਟੇ ਅਨਾਜ ਦੇ ਤੌਰ 'ਤੇ ਵੱਖ-ਵੱਖ ਸ਼੍ਰੇਣੀਆਂ ਵਿਚ

Diabetic / sugar free

ਵੰਡੇ ਜਾਣ ਵਾਲੇ ਕੋਸਰਾ ਦੀ ਵਰਤੋਂ ਪਿੰਡ ਵਾਲੇ ਆਮ ਚਾਵਲ ਵਾਂਗ ਕਰਦੇ ਆਏ ਹਨ। ਪਰ ਜਦੋਂ ਤੋਂ ਇਸ ਦੀ ਗਿਣਤੀ ਸ਼ੂਗਰ ਫਰੀ ਚਾਵਲ ਵਿਚ ਹੋਣ ਲਗੀ ਹੈ, ਉਦੋਂ ਤੋਂ ਇਸ ਦੀ ਮੰਗ ਵਿਚ ਵਾਧਾ ਹੋਇਆ ਹੈ। ਸਰਕਾਰ ਨੇ ਹੁਣ ਈ-ਖੇਤੀ ਦਾ ਪ੍ਰਬੰਧ ਕਰ ਦਿਤਾ ਹੈ। ਇਸ ਦਾ ਲਾਭ ਪਿੰਡ ਵਾਲਿਆਂ ਨੂੰ ਲੈਣਾ ਚਾਹੀਦਾ ਹੈ। ਕੋਲਾਵਾੜਾ ਅਤੇ ਨੇਤਾਨਾਰ ਦੇ ਕਿਸਾਨ ਦੱਸਦੇ ਹਨ ਕਿ ਉਹਨਾਂ ਦੀ ਸਮਰਥਾ ਨਹੀਂ ਹੈ ਕਿ ਉਹ 25 ਕਿਲੋ ਮੀਟਰ ਦੂਰ ਕੋਸਰਾ ਵੇਚਣ ਜਾ ਸਕਣ। ਇਸ ਲਈ ਵਪਾਰੀਆਂ ਨੂੰ 15 ਰੁਪਏ ਦੀ ਦਰ 'ਤੇ ਕੋਸਰਾ ਵੇਚਣ ਲਈ ਮਜਬੂਰ ਹਨ।

Kosra Rice

ਸਰਕਾਰ ਨੂੰ ਚਾਹੀਦਾ ਹੈ ਕਿ ਇਸ ਮਹੱਤਵਪੂਰਨ ਫਸਲ ਦਾ ਸਮਰਥਨ ਮੁੱਲ ਨਿਰਧਾਰਤ ਕਰੇ ਤਾਂ ਕਿ ਰਵਾਇਤੀ ਖੇਤੀ ਕਰਨ ਵਾਲੇ ਕਿਸਾਨਾਂ ਨੂੰ ਇਸ ਦਾ ਸਹੀ ਮੁੱਲ ਮਿਲ ਸਕੇ।  ਜਿਲ੍ਹੇ ਦੇ ਕੋਸਰਾ ਵਪਾਰੀਆਂ ਰਾਹੀ ਇਹ ਮੰਡੀ ਵਿਚ ਪਹੁੰਚਣ ਲਗਾ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਬਸਤਰ ਤੋਂ ਘੱਟ ਤੋਂ ਘੱਟ 10 ਹਜ਼ਾਰ ਕੁਇੰਟਲ ਕੋਸਰਾ ਨਾਸਿਕ ਜਾ ਰਿਹਾ ਹੈ। ਕਿਉਂਕਿ ਇਸ ਫਸਲ 'ਤੇ ਕੋਈ ਮੰਡੀ ਫੀਸ ਨਹੀਂ ਲਗਦੀ, ਇਸ ਲਈ ਕਈ ਵਪਾਰੀ ਇਸ ਨੂੰ ਸਿੱਧੇ ਬਾਹਰ ਭੇਜ ਰਹੇ ਹਨ।