ਕੁਝ ਕੀੜੇ ਅਜਿਹੇ ਵੀ ਹੁੰਦੇ ਹਨ ਜੋ ਕਿਸਾਨਾਂ ਦੇ ਦੋਸਤ ਮੰਨੇ ਜਾਂਦੇ ਹਨ ਭਾਵ ਕਿ ਖੇਤੀ ਲਈ ਲਾਹੇਵੰਦ ਹੁੰਦੇ ਹਨ।
ਵਾਸ਼ਿੰਗਟਨ : ਦੁਨੀਆਂ ਵਿਚ ਕੀੜਿਆਂ ਦੀ ਗਿਣਤੀ ਲਗਾਤਾਰ ਘੱਟ ਰਹੀ ਹੈ, ਮੰਨਿਆ ਜਾ ਰਿਹਾ ਹੈ ਕਿ 100 ਸਾਲਾਂ ਵਿਚ ਇਹ ਖਤਮ ਹੋ ਸਕਦੇ ਹਨ। ਇਹ ਜਾਣਕਾਰੀ ਕੀੜਿਆਂ ਦੀ ਅਬਾਦੀ 'ਤੇ ਹੋਈ ਇਕ ਖੋਜ ਦੌਰਾਨ ਰੀਪੋਰਟ ਵਿਚ ਦਿਤੀ ਗਈ ਹੈ। ਇਸ ਰੀਪੋਰਟ ਨੂੰ ਫਰਾਂਸਿਸਕੋ ਸੰਚੇਜ ਅਤੇ ਕ੍ਰਿਸ ਏਜੀ ਵਾਇਕਿਊਸ ਨਾਮ ਦੇ ਦੋ ਵਿਗਿਆਨੀਆਂ ਨੇ ਪਿਛਲੇ 40 ਸਾਲਾਂ ਵਿਚ ਪ੍ਰਕਾਸ਼ਿਤ ਕੀੜਿਆਂ 'ਤੇ ਕੀਤੇ ਗਏ
Pesticide poisoning
ਲੰਮੇ ਸਮੇਂ ਦੇ ਸਰਵੇਖਣ ਦੀ ਸਮੀਖਿਆ ਤੋਂ ਬਾਅਦ ਤਿਆਰ ਕੀਤਾ ਹੈ। ਇਸੇ ਖੋਜ ਵਿਚ ਪਤਾ ਲਗਾ ਹੈ ਕਿ 40 ਫ਼ੀ ਸਦੀ ਤੋਂ ਵੱਧ ਕੀੜਿਆਂ ਦੀਆਂ ਪ੍ਰਜਾਤੀਆਂ ਅਗਲੇ ਕੁਝ ਦਹਾਕਿਆਂ ਵਿਚ ਲੁਪਤ ਹੋ ਸਕਦੀਆਂ ਹਨ। ਸਾਇੰਸਦਾਨੀਆਂ ਦਾ ਕਹਿਣਾ ਹੈ ਕਿ ਰੀਪਰੋਟ ਵਿਚ ਜੋ ਕੁਝ ਸਾਹਮਣੇ ਆਇਆ ਹੈ ਉਹ ਬਹੁਤ ਖ਼ਤਰਨਾਕ ਹੈ। ਇਕੋਸਿਸਟਮ ਲਈ ਇਹ ਕਿਸੇ ਖ਼ਤਰੇ ਤੋਂ ਘੱਟ ਨਹੀਂ ਹੈ।
Beneficial insects can help farmers
ਸਟੈਨਫੋਰਡ ਯੂਨੀਵਰਸਿਟੀ ਫਾਰ ਕਨਵਰਸੇਸ਼ਨ ਬਾਇਲੋਜੀ ਦੇ ਪ੍ਰੈਜ਼ੀਡੈਂਟ ਪਾਲ ਰਾਲਫ ਏਹਰਲਿਚ ਦਾ ਕਹਿਣਾ ਹੈ ਕਿ ਇਹ ਸ਼ਾਨਦਾਰ ਖੋਜ ਹੈ ਪਰ ਕਿਸੇ ਵੀ ਜੀਵ ਵਿਗਿਆਨੀ ਨੂੰ ਡਰਾ ਦੇਣ ਵਾਲਾ ਹੈ। ਜੇਕਰ ਕੀੜੇ ਮਰ ਗਏ ਤਾਂ ਅਸੀਂ ਵੀ ਮਰ ਜਾਵਾਂਗੇ। ਦੱਸ ਦਈਏ ਕਿ ਫਸਲਾਂ ਅਤੇ ਖੇਤੀ ਲਈ ਕੀੜਿਆਂ ਦਾ ਵਜੂਦ ਲਾਜ਼ਮੀ ਹੈ। ਕਿਸਾਨ ਕੀੜਿਆਂ ਦੇ ਖਾਤਮੇ ਲਈ ਕੀਟਨਾਸ਼ਕਾਂ ਦੀ ਵਰਤੋਂ ਕਰ ਰਹੇ ਹਨ ਤਾਂ ਕਿ ਉਹਨਾਂ ਦੀ ਫਸਲ ਨੂੰ ਨੁਕਸਾਨ ਨਾ ਹੋਵੇ।
farmers should help out their insect friends
ਪਰ ਕੁਝ ਕੀੜੇ ਅਜਿਹੇ ਵੀ ਹੁੰਦੇ ਹਨ ਜੋ ਕਿਸਾਨਾਂ ਦੇ ਦੋਸਤ ਮੰਨੇ ਜਾਂਦੇ ਹਨ ਭਾਵ ਕਿ ਖੇਤੀ ਲਈ ਲਾਹੇਵੰਦ ਹੁੰਦੇ ਹਨ। ਇਹ ਕੀੜੇ ਉਹਨਾਂ ਕੀੜਿਆਂ ਨੂੰ ਖਾਂਦੇ ਹਨ ਜੋ ਫਸਲਾਂ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ। ਜ਼ਿਆਦਾ ਕੀਟਨਾਸ਼ਕਾਂ ਦੀ ਵਰਤੋਂ ਵੀ ਕੀੜਿਆਂ ਦੇ ਖਤਮ ਹੋਣ ਲਈ ਜਿੰਮੇਵਾਰ ਹੈ। ਕਿਉਂਕਿ ਕੀਟਨਾਸ਼ਕਾਂ ਦੇ ਨਾਲ ਲਾਭ ਦੇਣ ਵਾਲੇ ਇਹ ਕੀੜੇ ਵੀ ਮਰ ਜਾਂਦੇ ਹਨ। ਭੋਜਨ ਤਿਆਰ ਕਰਨ ਦੀ
Agriculturally Friendly Insects
ਪ੍ਰਕਿਰਿਆ ਲਈ ਵੀ ਇਹ ਜ਼ਰੂਰੀ ਹਨ। ਕੀੜੇ ਪੌਦਿਆਂ ਦੇ ਵਿਕਾਸ, ਮਿੱਟੀ ਅਤੇ ਪਾਣੀ ਨੂੰ ਸ਼ੁੱਧ ਕਰਨ ਅਤੇ ਕਚਰੇ ਦਾ ਰੀਸਾਇਕਲ ਕਰਨ ਅਤੇ ਕੀੜਿਆਂ ਨੂੰ ਕਾਬੂ ਕਰਨ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ। ਹਰ ਸਾਲ ਇਹਨਾਂ ਦੀ ਗਿਣਤੀ 2.5 ਫ਼ੀ ਸਦੀ ਘੱਟ ਹੋ ਰਹੀ ਹੈ। ਵਿਗਿਆਨੀ ਇਸ ਦੇ ਲਈ ਵਾਤਾਵਰਨ ਪਰਿਵਰਤਨ ਅਤੇ ਸ਼ਹਿਰੀਕਰਨ ਨੂੰ ਵੀ ਜਿੰਮੇਵਾਰ ਮੰਨਦੇ ਹਨ।
