ਡੀਨਰਮਾ ਪੱਟੀ ਦੇ ਕਿਸਾਨ ਚਿੱਟੇ ਮੱਛਰ ਅਤੇ ਭੂਰੀ ਜੂੰ ਵਲੋਂ ਕੀਤੇ ਨੁਕਸਾਨ ਦਾ ਦੁੱਖ ਅਜੇ ਭੁੱਲੇ ਨਹੀਂ ਸਨ ਕਿ ਦਿਨੋਂ ਦਿਨ ....
ਸਰਦੂਲਗੜ੍ਹ (ਵਿਨੋਦ ਜੈਨ) : ਡੀਨਰਮਾ ਪੱਟੀ ਦੇ ਕਿਸਾਨ ਚਿੱਟੇ ਮੱਛਰ ਅਤੇ ਭੂਰੀ ਜੂੰ ਵਲੋਂ ਕੀਤੇ ਨੁਕਸਾਨ ਦਾ ਦੁੱਖ ਅਜੇ ਭੁੱਲੇ ਨਹੀਂ ਸਨ ਕਿ ਦਿਨੋਂ ਦਿਨ ਡਿੱਗਦੇ ਨਰਮੇ ਦੇ ਭਾਅ ਨੇ ਕਿਸਾਨਾਂ ਨੂੰ ਮੁੜ ਤੋਂ ਵੱ ਚਿੰਤਾ ਵਿਚ ਡੋਬ ਦਿਤਾ ਹੈ। ਪਿਛਲੇ ਦਿਨਾਂ ਤੋਂ ਮੰਡੀਆਂ 'ਚ ਨਰਮਾ 5600 ਰੁਪਏ ਪ੍ਰਤੀ ਕੁਇੰਟਲ ਵਿਕਣ ਵਾਲਾ ਨਰਮਾ ਹੁਣ 5100 ਰੁਪਏ ਪ੍ਰਤੀ ਕੁਇੰਟਲ ਵਿਕ ਰਿਹਾ ਹੈ। ਨਰਮੇ ਦੇ ਭਾਅ 'ਚ ਭਾਰੀ ਮੰਦਵਾੜੇ ਕਾਰਨ ਕਿਸਾਨਾਂ ਨੇ ਅਗੇਤੀ ਚੁਗਾਈ ਦਾ ਨਰਮਾ ਇਸੇ ਆਸ 'ਚ ਸੰਭਾਲਣਾ ਸ਼ੁਰੂ ਕਰ ਦਿਤਾ ਹੈ ਕਿ ਹੋ ਸਕਦਾ ਹੈ ਅਗਲੇ ਦਿਨਾਂ ਵਿਚ ਭਾਅ ਛੇ ਹਜ਼ਾਰ ਤੋਂ ਉਪਰ ਚਲਾ ਜਾਵੇ।
ਨਾਹਰਾ ਦੇ ਕਿਸਾਨ ਜਸਵੀਰ ਸਿੰਘ ਅਤੇ ਨਿਰਮਲ ਸਿੰਘ ਨੇ ਦਸਿਆ ਨਰਮੇ ਦੇ ਭਾਅ 'ਚ ਭਾਰੀ ਮੰਦਵਾੜੇ ਕਾਰਨ ਅਸੀਂ ਅਪਣੀ ਗਿੱਲੀ ਫ਼ਸਲ ਸੁਕਾ ਕੇ ਸੰਭਾਲਣੀ ਸ਼ੁਰੂ ਕਰ ਦਿਤੀ ਹੈ। ਉਨ੍ਹਾਂ ਕਿਹਾ ਨਰਮੇ ਦੇ ਮੌਜੂਦਾ ਭਾਅ ਨਾਲ ਕਿਸਾਨਾਂ ਦੇ ਪੱਲੇ ਕੁੱਝ ਵੀ ਨਹੀਂ ਪੈਂਦਾ। ਕਿਸਾਨਾਂ ਨੇ ਦਸਿਆ ਇਕ ਕੁਇੰਟਲ ਨਰਮੇ ਦੀ ਚੁਗਾਈ 'ਤੇ ਹੀ ਅੱਠ ਸੌ ਰੁਪੈ ਤੋਂ ਲੈ ਕੇ ਨੌਂ ਸੌ ਰੁਪਏ ਖ਼ਰਚ ਆ ਰਹੇ ਹਨ। ਦਵਾਈਆਂ, ਬੀਜ, ਖਾਦਾਂ, ਡੀਜ਼ਲ, ਠੇਕਾ ਅਤੇ ਮਜ਼ਦੂਰੀ ਵੱਖ ਹੈ। ਕਿਸਾਨਾਂ ਨੇ ਕਿਹਾ ਅਸੀਂ ਬਚਦੇ ਤਾਂ ਹੀ ਹਾਂ ਜੇਕਰ ਨਰਮੇ ਦਾ ਔਸਤ ਭਾਅ ਸਾਢੇ ਛੇ ਹਜ਼ਾਰ ਤੋਂ ਸੱਤ ਹਜ਼ਾਰ ਦੇ ਦਰਮਿਆਨ ਰਹੇ।
Cotton
ਸਾਨਾਂ ਨੇ ਦਸਿਆ ਪਿਛਲੇ ਸਾਲਾਂ ਦੌਰਾਨ ਹਰ ਕਿਸਾਨ ਅਗੇਤੀ ਚੁਗਾਈ ਦਾ ਨਰਮਾ ਵੇਚ ਕੇ ਘਰੇਲੂ ਲੋੜਾਂ ਪੂਰੀਆਂ ਕਰ ਲੈਂਦਾ ਸੀ ਪਰ ਇਸ ਵਾਰ ਹਰ ਕਿਸਾਨ ਪੱਲਾ ਬੋਚ ਰਿਹਾ ਹੈ। ਸਰਦੁਲਗੜ੍ਹ ਦੇ ਕਿਸਾਨ ਲਾਲ ਚੰਦ ਨੇ ਦਸਿਆ ਨਰਮਾ ਸੰਭਾਲਣ 'ਤੇ ਵੀ ਕਿਸਾਨਾਂ ਨੂੰ ਕਾਫੀ ਮਿਹਨਤ ਕਰਨੀ ਪੈਂਦੀ ਹੈ। ਜੇਕਰ ਪਹਿਲੀ ਚੁਗਾਈ ਦਾ ਨਰਮਾ ਸਿੱਧਾ ਹੀ ਕਮਰਿਆਂ ਵਿਚ ਸਟੋਰ ਕੀਤਾ ਜਾਂਦਾ ਹੈ ਤਾਂ ਇਸਦੇ ਗਰਭ (ਕਾਲਾ ਹੋਣਾ) ਜਾਣ ਦਾ ਡਰ ਹੈ। ਜੇਕਰ ਧੁੱਪੇ ਸੁਕਾਉਂਦੇ ਹਾਂ ਤਾਂ ਹਰ ਰੋਜ਼ ਸਵੇਰ ਵੇਲੇ ਫ਼ਰਸ਼ 'ਤੇ ਖਿਲਾਰਨਾ ਅਤੇ ਰਾਤ ਵੇਲੇ ਅੰਦਰ ਰੱਖਣ ਲਈ ਕਾਫ਼ੀ ਮਿਹਨਤ ਕਰਨੀ ਪੈਂਦੀ ਹੈ।
Central Government
ਕਿਸਾਨਾਂ ਪੰਜਾਬ ਅਤੇ ਕੇਂਦਰ ਸਰਕਾਰ ਤੋਂ ਮੰਗ ਕੀਤੀ ਕਿ ਖ਼ਰਚੇ ਅਤੇ ਉਪਜ ਦੇ ਹਿਸਾਬ ਨਾਲ ਨਰਮੇ ਦਾ ਭਾਅ ਛੇ ਹਜ਼ਾਰ ਤੋਂ ਜ਼ਿਆਦਾ ਨਿਸ਼ਚਿਤ ਕੀਤਾ ਜਾਵੇ। ਆੜ੍ਹਤੀਆ ਮਨੋਜ ਕੁਮਾਰ ਨੇ ਦਸਿਆ ਨਰਮੇ ਦੀਆਂ ਕਈ ਵੰਨਗੀਆਂ ਹੋਣ ਕਾਰਨ ਇਸ ਵਕਤ ਨਰਮੇ ਦਾ ਭਾਅ 5000 ਤੋਂ 5120 ਰੁਪਏ ਪ੍ਰਤੀ ਕੁਇੰਟਲ ਤਕ ਚੱਲ ਰਿਹਾ ਹੈ। ਸਰਦੂਲਗੜ੍ਹ ਦੀ ਮੰਡੀ 'ਚ ਚੰਗਾ ਨਰਮਾ 5120 ਰੁਪਏ ਪ੍ਰਤੀ ਕੁਇੰਟਲ ਵਿਕਿਆ ਹੈ।
