ਸਬਜ਼ੀਆਂ ਨੂੰ 7 ਦਿਨਾਂ ਤੱਕ ਸੁਰੱਖਿਅਤ ਰੱਖੇਗਾ ਇਹ ਦੇਸੀ ਫਰਿੱਜ, ਕਿਸਾਨਾਂ ਲਈ ਲਾਹੇਵੰਦ
ਨਵੀਂ ਦਿੱਲੀ: ਸ਼ਹਿਰਾਂ ਦੀ ਤਰਜ਼ 'ਤੇ ਪਿੰਡ ਵਿਚ ਰਹਿ ਰਹੇ ਕਿਸਾਨ ਵੀ ਹਰੀਆਂ ਸਬਜ਼ੀਆਂ, ਫਲ਼, ਫੁੱਲ ਨੂੰ ਲੰਬੇ ਸਮੇਂ ਤੱਕ ਦੇਸੀ ਫਰਿੱਜ ਵਿਚ ਸੁਰੱਖਿਅਤ ਰੱਖ ਸਕਣਗੇ। ਉਹ ਵੀ ਕਿਸੇ ਇਲੈਕਟ੍ਰਾਨਿਕ ਤਕਨੀਕ ਨੂੰ ਅਪਣਾਏ ਬਿਨਾਂ ਕਿਉਂਕਿ ਜੰਗਲਾਤ ਵਿਭਾਗ ਨੇ ਪਹਿਲੀ ਵਾਰ ਕਿਸਾਨਾਂ ਲਈ ਦੇਸੀ ਕੋਲਡ ਸਟੋਰ ਦੀ ਤਕਨੀਕ ਤਿਆਰ ਕੀਤੀ ਹੈ।
Photo
ਇਸ ਤਕਨੀਕ ਨੂੰ ਜ਼ੀਰੋ ਐਨਰਜੀ ਕੂਲ ਚੈਂਬਰ ਵੀ ਕਿਹਾ ਜਾਂਦਾ ਹੈ, ਜਿਸ ਵਿਚ ਆਮ ਤੌਰ ‘ਤੇ ਖੇਤ ਵਿਚੋਂ ਤੋੜ੍ਹਨ ਤੋਂ ਬਾਅਦ ਹਰੀਆਂ ਸਬਜ਼ੀਆਂ ਦੇ ਨਾਲ-ਨਾਲ ਫਲ ਅਤੇ ਫੁੱਲਾਂ ਨੂੰ 14 ਦਿਨ ਤੱਕ ਸੁਰੱਖਿਅਤ ਰੱਖਿਆ ਜਾ ਸਕਦਾ ਹੈ। ਤਕਨੀਕ ਨੂੰ ਛੱਤੀਸਗੜ੍ਹ ਦੇ ਰਾਏਪੁਰ ਵਿਚ ਰਹਿਣ ਵਾਲੇ ਸਰਕਾਰੀ ਬਾਗਬਾਨੀ ਇੰਚਾਰਜ ਡਾਕਟਰ ਮਨੋਜ ਨੇ ਵਿਕਸਿਤ ਕੀਤਾ ਹੈ।
Photo
ਉਹਨਾਂ ਨੇ ਦੱਸਿਆ ਕਿ ਪਿੰਡ ਦੇ ਕਿਸਾਨਾਂ ਲਈ ਇਹ ਤਕਨੀਕ ਬਹੁਤ ਹੀ ਮਦਦਗਾਰ ਸਾਬਿਤ ਹੋਵੇਗੀ। ਆਮਤੌਰ ‘ਤੇ ਟਮਾਟਰ ਦੀ ਜੀਵਨ ਮਿਆਦ ਸੱਤ ਦਿਨ ਹੁੰਦੀ ਹੈ, ਇਸ ਤਕਨੀਕ ਨਾਲ ਟਮਾਟਰ ਨੂੰ 14 ਦਿਨ ਤੱਕ ਸੁਰੱਖਿਅਤ ਰੱਖਿਆ ਜਾ ਸਕਦਾ ਹੈ। ਇਸ ਦੌਰਾਨ ਟਮਾਟਰ ਦਾ ਵਜ਼ਨ 4.4 ਫੀਸਦੀ ਹੀ ਘੱਟ ਹੋਵੇਗਾ।
Photo
ਬਾਕੀ ਫਰਿੱਜਾਂ ਵਿਚ ਟਮਾਟਰ ਦਾ ਵਜ਼ਨ 18.6 ਫੀਸਦੀ ਘਟ ਜਾਂਦਾ ਹੈ। ਉੱਥੇ ਹੀ ਕਿਸਾਨਾਂ ਨੂੰ ਇਸ ਨੂੰ ਤਿਆਰ ਕਰਨ ਲਈ ਜ਼ਿਆਦਾ ਰੁਪਏ ਵੀ ਖਰਚ ਨਹੀਂ ਕਰਨੇ ਪੈਣਗੇ। ਸਿਰਫ 500 ਰੁਪਏ ਖਰਚ ਕਰ ਕੇ ਕੋਈ ਵੀ ਕਿਸਾਨ ਇਸ ਕੂਲ ਚੈਂਬਰ ਨੂੰ ਤਿਆਰ ਕਰ ਸਕਦਾ ਹੈ। ਇਸ ਫਰਿੱਜ ਵਿਚ ਇਕ ਸਮੇਂ ਪੰਜ ਤਰ੍ਹਾਂ ਦੀਆਂ ਫਸਲਾਂ ਨੂੰ ਰੱਖਿਆ ਜਾ ਸਕਦਾ ਹੈ। ਇਸ ਵਿਚ ਕਿਸੇ ਵੀ ਤਰ੍ਹਾਂ ਦੀ ਬਿਜਲੀ ਦਾ ਖਰਚਾ ਨਹੀਂ ਕਰਨਾ ਹੋਵੇਗਾ।
Photo
ਜ਼ੀਰੋ ਐਨਰਜੀ ਕੂਲ ਚੈਂਬਰ ਤਕਨੀਕ ਨੂੰ ਲੈ ਕੇ ਡਾਕਟਰ ਮਨੋਜ ਨੇ ਦੱਸਿਆ ਕਿ ਇੰਡੀਅਨ ਕਾਉਂਸਿਲ ਆਫ਼ ਐਗਰੀਕਲਚਰਲ ਰਿਸਰਚ ਵੱਲੋਂ ਜ਼ੀਰੋ ਐਨਰਜੀ ਕੂਲ ਚੈਂਬਰ ਨਿਰਮਾਣ ਵਿਧੀ ਦਾ ਵਿਕਾਸ ਕੀਤਾ ਗਿਆ ਹੈ, ਜੋ ਕਿ ਛੱਤੀਸਗੜ੍ਹ ਵਿਚ ਨਵਾਂ ਜ਼ਰੂਰ ਹੈ ਪਰ ਰਾਜਸਥਾਨ, ਪੰਜਾਬ, ਹਰਿਆਣਾ ਸੂਬਿਆਂ ਦੇ ਕਿਸਾਨ ਇਸ ਤਕਨੀਕ ਨੂੰ ਪਹਿਲਾਂ ਹੀ ਅਪਣਾ ਚੁੱਕੇ ਹਨ।
Photo
ਦੇਸੀ ਫਰਿੱਜ ਬਣਾਉਣ ਦਾ ਤਰੀਕਾ
ਸਮੱਗਰੀ- ਇਸ ਫਰਿੱਜ ਨੂੰ ਬਣਾਉਣ ਲਈ ਇੱਟਾਂ, ਰੇਤਾ, ਬਾਂਸ, ਸੀਮੈਂਟ, ਢੱਕਣ ਵਾਲਾ ਬਾਂਸ ਫਰੇਮ, ਪਾਣੀ ਲਈ ਬਾਲਟੀ, ਮੱਘ, ਸਮਾਨ ਲਈ ਪਲਾਸਟਿਕ ਦੀ ਟੋਕਰੀ ਦੀ ਲੋੜ ਹੈ।
Photo
ਬਣਾਉਣ ਦਾ ਤਰੀਕਾ-ਫਰਸ਼ ‘ਤੇ ਇੱਟਾਂ ਦੀ ਦੋਹਰੀ ਦੀਵਾਰ 3 ਇੰਚ ਥਾਂ ਛੱਡ ਕੇ ਲਗਭਗ 27 ਇੰਚ ਦੀ ਉਚਾਈ ਤੱਕ ਬਣਾਓ। ਦੋ ਕੰਧਾਂ ਦੇ ਵਿਚਕਾਰ 3 ਇੰਚ 'ਤੇ ਪਾਣੀ ਨਾਲ ਭਰੀ ਗਿੱਲੀ ਰੇਤ ਨਾਲ ਚੈਂਬਰ ਨੂੰ ਭਰੋ। ਬਾਂਸ ਨਾਲ ਇਕ ਢੱਕਣ ਬਣਾਓ।
