ਇਕ ਅਧਿਆਪਕ ਨੇ ਅਪਣੇ ਲੜਕੇ ਨਾਲ ਮਿਲ ਕੇ ਲੌਕਡਾਊਨ ਕਾਰਨ ਬੰਦ ਸਕੂਲ ਦੇ ਸਮੇਂ ਦਾ ਫਾਇਦਾ ਚੁੱਕ ਕੇ ਚੰਗੀ ਕਮਾਈ ਕਰ ਲਈ।
ਭੋਪਾਲ: ਮੱਧ ਪ੍ਰਦੇਸ਼ ਸੂਬੇ ਦੇ ਰਤਲਾਮ ਜ਼ਿਲ੍ਹੇ ਦੇ ਆਦਿਵਾਸੀ ਖੇਤਰ ਦੇ ਇਕ ਅਧਿਆਪਕ ਨੇ ਅਪਣੇ ਲੜਕੇ ਨਾਲ ਮਿਲ ਕੇ ਲੌਕਡਾਊਨ ਕਾਰਨ ਬੰਦ ਸਕੂਲ ਦੇ ਸਮੇਂ ਦਾ ਫਾਇਦਾ ਚੁੱਕ ਕੇ ਚੰਗੀ ਕਮਾਈ ਕਰ ਲਈ। ਇਸ ਅਧਿਆਪਕ ਨੇ ਅਪਣੀ ਡੇਢ ਹੈਕਟੇਅਰ ਦੀ ਜ਼ਮੀਨ ‘ਤੇ ਜੈਵਿਕ ਖੇਤੀ ਤੋਂ ਸਬਜ਼ੀਆਂ ਉਗਾਈਆਂ ਅਤੇ ਚਾਲੀ ਹਜ਼ਾਰ ਦੀ ਕਮਾਈ ਕੀਤੀ, ਜਿਸ ਵਿਚ ਸਿਰਫ ਇਕ ਹਜ਼ਾਰ ਦੀ ਲਾਗਤ ਆਈ ਸੀ।
Farmer and his Son
ਇਹ ਅਧਿਆਪਕ ਰਤਲਾਮ ਜ਼ਿਲ੍ਹੇ ਦੇ ਪਿੰਡ ਨਰਸਿੰਘ ਨਾਕਾ ਵਿਚ ਪ੍ਰਾਇਮਰੀ ਸਕੂਲ ਵਿਚ ਪੜ੍ਹਾਉਣ ਵਾਲੇ ਗੋਵਿੰਦ ਸਿੰਘ ਕਸਾਵਤ ਹਨ। ਇਸ ਦੌਰਾਨ ਉਹਨਾਂ ਦੇ ਲੜਕੇ ਮਨੋਜ ਨੇ ਵੀ ਪਿਤਾ ਦਾ ਪੂਰਾ ਸਾਥ ਦਿੱਤਾ। ਨਰਸਿੰਘ ਨਾਕਾ, ਆਦਿਵਾਸੀ ਖੇਤਰ ਦਾ ਇਕ ਛੋਟਾ ਜਿਹਾ ਪਿੰਡ ਹੈ। ਅੱਜ ਇਸ ਕਿਸਾਨ ਕੋਲੋਂ ਜੈਵਿਕ ਖੇਤੀ ਦੇ ਗੁਣ ਸਿੱਖਣ ਲਈ ਆਸਪਾਸ ਦੇ ਲੋਕ ਵੀ ਆਉਣ ਲੱਗੇ ਹਨ। ਇਸ ਦੇ ਨਾਲ ਹੀ ਲੋਕ ਇਹਨਾਂ ਕੋਲੋਂ ਸਬਜ਼ੀ ਖਰੀਦਣ ਲਈ ਵੀ ਦੂਰੋਂ-ਦੂਰੋਂ ਪਹੁੰਚ ਰਹੇ ਹਨ।
Organic Farming
ਜੈਵਿਕ ਖੇਤੀ ਸਬੰਧੀ ਇਸ ਅਧਿਆਪਕ ਨੇ ਸਿਰਫ ਸੁਣਿਆ ਸੀ ਪਰ ਕਦੀ ਕੀਤੀ ਨਹੀਂ ਸੀ। ਲੌਕਡਾਊਨ ਦੌਰਾਨ ਉਹਨਾਂ ਦੇ ਮਨ ਵਿਚ ਜੈਵਿਕ ਖੇਤੀ ਕਰਨ ਦਾ ਵਿਚਾਰ ਆਇਆ। ਉਹਨਾਂ ਨੇ ਅਪਣੇ ਪੁੱਤਰ ਨਾਲ ਮਿਲ ਕੇ ਯੂਟਿਊਬ ਅਤੇ ਗੂਗਲ ਤੋਂ ਜੈਵਿਕ ਖੇਤੀ ਸਬੰਧੀ ਜਾਣਕਾਰੀ ਪ੍ਰਾਪਤ ਕੀਤੀ ਅਤੇ ਇਸ ਤੋਂ ਬਾਅਦ ਉਹਨਾਂ ਨੇ ਅਪਣੇ ਖੇਤ ਵਿਚ ਲੌਕੀ, ਕਰੇਲਾ ਸਮੇਤ ਕਈ ਸਬਜ਼ੀਆਂ ਉਗਾਈਆਂ।
Farmer and his Son
ਉਹਨਾਂ ਨੇ ਯੂਟਿਊਬ ਤੋਂ ਕਈ ਖੇਤੀਬਾੜੀ ਮਾਹਿਰਾਂ ਦੀਆਂ ਵੀਡੀਓਜ਼ ਦੇਖ ਦੇ ਜਾਣਕਾਰੀ ਇਕੱਠੀ ਕੀਤੀ। ਇਸ ਫਸਲ ਵਿਚ ਉਹਨਾਂ ਨੇ ਜੈਵਿਕ ਖੇਤੀ ਦੇ ਤਹਿਤ ਜੈਵਿਕ ਖਾਦ ਦੀ ਵਰਤੋਂ ਕੀਤੀ। ਜਦੋਂ ਸਬਜ਼ੀਆਂ ਉੱਗੀਆਂ ਤਾਂ ਉਹ ਅਪਣੀ ਫਸਲ ਨੂੰ ਵੇਚਣ ਲਈ ਮੰਡੀ ਜਾਂਦੇ ਸੀ। ਵਪਾਰੀਆਂ ਨੂੰ ਉਹਨਾਂ ਦੇ ਖੇਤ ਦੀਆਂ ਸਬਜ਼ੀਆਂ ਕਾਫੀ ਪਸੰਦ ਆਉਣ ਲੱਗੀਆਂ।
Organic Farming
ਅਪ੍ਰੈਲ ਵਿਚ ਸ਼ੁਰੂ ਕੀਤੇ ਇਸ ਕੰਮ ਤੋਂ ਉਹਨਾਂ ਨੇ ਹੁਣ ਤੱਕ 40 ਹਜ਼ਾਰ ਰੁਪਏ ਕਮ ਲਏ ਹਨ। ਉਹਨਾਂ ਦੱਸਿਆ ਕਿ ਹੁਣ ਉਹ ਅਪਣੇ ਲੜਕੇ ਨਾਲ ਮਿਲ ਕੇ ਖੇਤੀ ਦੇ ਨਵੇਂ-ਨਵੇਂ ਤਰੀਕੇ ਅਪਨਾਉਣ ‘ਤੇ ਵਿਚਾਰ ਕਰ ਰਹੇ ਹਨ।
