ਦੋ ਸਾਧਵੀਆਂ ਦੇ ਨਾਲ ਬਲਾਤਕਾਰ ਦੇ ਦੋਸ਼ੀ ਸੌਦਾ ਸਾਧ ਜੇਲ੍ਹ ਵਿੱਚ ਕੋਈ ਕੰਮ ਨਹੀਂ ਕਰ ਰਿਹਾ ਹੈ। ਇਸਦਾ ਖੁਲਾਸਾ ਇੱਥੇ ਦੀ ਸੁਨਾਰੀਆ ਜੇਲ੍ਹ ਤੋਂ ਜ਼ਮਾਨਤ ਉੱਤੇ ਬਾਹਰ ਆਏ ਇੱਕ ਜਵਾਨ ਰਾਹੁਲ ਜੈਨ ਨੇ ਕੀਤਾ। ਜਾਣਕਾਰੀ ਅਨੁਸਾਰ ਸੌਦਾ ਸਾਧ ਨੂੰ ਜੇਲ੍ਹ ਵਿੱਚ ਸਪੈਸ਼ਲ ਟਰੀਟਮੈਂਟ ਮਿਲ ਰਿਹਾ ਹੈ। 

ਇਸਦੇ ਮੁਤਾਬਕ ਸੌਦਾ ਸਾਧ ਨੂੰ ਜੇਲ੍ਹ ਦੀ ਗੱਡੀ ਵਿੱਚ ਬਾਹਰ ਤੋਂ ਖਾਣਾ ਆਉਂਦਾ ਹੈ। ਖਾਣਾ ਖਿਲਾਉਣ ਤੋਂ ਪਹਿਲਾਂ ਜੇਲ੍ਹ ਦੇ ਅਫਸਰ ਪਹਿਲਾਂ ਆਪਣੇ ਆਪ ਖਾਂਦੇ ਹਨ, ਫਿਰ ਸੌਦਾ ਸਾਧ ਨੂੰ ਖਵਾਇਆ ਜਾਂਦਾ ਹੈ। ਇਸਦੀ ਵੀਡੀਓਗ੍ਰਾਫੀ ਕੀਤੀ ਜਾਂਦੀ ਹੈ। 

 

ਸੌਦਾ ਸਾਧ ਨੂੰ ਸਹੂਲਤ ਤਾਂ ਕੈਦੀ ਪ੍ਰੇਸ਼ਾਨ 

ਜੇਲ੍ਹ ਤੋਂ ਬਾਹਰ ਆਏ ਰਾਹੁਲ ਜੈਨ ਨੇ ਦੱਸਿਆ - ਜਿਸ ਦਿਨ ਤੋਂ ਸੌਦਾ ਸਾਧ ਜੇਲ੍ਹ ਵਿੱਚ ਗਿਆ ਹੈ, ਉੱਥੇ ਰਹਿ ਰਹੇ ਕੈਦੀ ਪ੍ਰੇਸ਼ਾਨ ਹਨ । ਸੌਦਾ ਸਾਧ ਕੋਈ ਕੰਮ ਨਹੀਂ ਕਰ ਰਿਹਾ ਹੈ, ਜਦੋਂ ਕਿ ਜੇਲ੍ਹ ਪ੍ਰਸ਼ਾਸਨ ਕਹਿ ਰਿਹਾ ਹੈ ਕਿ ਉਸਨੂੰ ਮਿਹਨਤਾਨਾ ਦਿੱਤਾ ਜਾ ਰਿਹਾ ਹੈ, ਪਰ ਅਜਿਹਾ ਕੁਝ ਨਹੀਂ ਹੈ। ਸੌਦਾ ਸਾਧ ਦੇ ਜੇਲ੍ਹ ਵਿੱਚ ਆਉਣ ਦੇ ਬਾਅਦ ਇੱਕ ਕੈਦੀ ਨੂੰ ਦੂਜੇ ਕੈਦੀ ਨਾਲ ਵੀ ਮਿਲਣ ਨਹੀਂ ਦਿੱਤਾ ਜਾਂਦਾ।

  ਜੇਲ੍ਹ ਐਡਮਿਨੀਸਟਰੇਸ਼ਨ ਦਾ ਵਿਵਹਾਰ ਦੂਜੇ ਕੈਦੀਆਂ ਲਈ ਅੱਛਾ ਨਹੀਂ ਹੈ। ਜਦੋਂ ਇਨ੍ਹਾਂ ਦਾ ਕੋਈ ਪਰਿਵਾਰ ਮਿਲਣ ਆਉਂਦਾ ਹੈ ਤਾਂ ਉਨ੍ਹਾਂ ਨੂੰ 20 ਮਿੰਟ ਤੋਂ ਜ਼ਿਆਦਾ ਦਾ ਸਮਾਂ ਨਹੀਂ ਦਿੱਤਾ ਜਾਂਦਾ। ਉੱਧਰ ਸੌਦਾ ਸਾਧ ਦੇ ਲੋਕਾਂ ਨੂੰ ਇੱਕ - ਇੱਕ ਘੰਟੇ ਤੋਂ ਜ਼ਿਆਦਾ ਦਾ ਸਮਾਂ ਦਿੱਤਾ ਜਾਂਦਾ ਹੈ ।

ਸੌਦਾ ਸਾਧ ਨੂੰ ਜੇਲ੍ਹ 'ਚ ਲਿਆਉਂਦੇ ਸਮੇਂ ਸਾਰਿਆ ਨੂੰ ਬੰਦ ਕਰ ਦਿੱਤਾ ਸੀ

ਰਾਹੁਲ ਨੇ ਦੱਸਿਆ ਜਦੋਂ ਸੌਦਾ ਸਾਧ ਨੂੰ ਸੁਨਾਰੀਆ ਜੇਲ੍ਹ ਵਿੱਚ ਲਿਆਇਆ ਗਿਆ ਸੀ, ਤਾਂ ਸਾਰਿਆ ਨੂੰ ਅੰਦਰ ਬੰਦ ਕਰ ਦਿੱਤਾ ਗਿਆ ਸੀ। ਕੈਦੀਆਂ ਦੇ ਹਰ ਰੋਜ ਮਿਲਣ ਦਾ ਸਮਾਂ ਵੀ ਖਤਮ ਕਰ ਦਿੱਤਾ ਗਿਆ ਸੀ। ਸ਼ੁਰੂਆਤ ਵਿੱਚ ਕਈ ਦਿਨ ਤਾਂ ਟੈਂਕੀ ਦਾ ਪਾਣੀ ਪਿਆ। ਕੈਦੀਆਂ ਨੂੰ ਜੋ ਅਖਬਾਰ ਪੜ੍ਹਨ ਲਈ ਮਿਲਦੇ ਸਨ, ਉਨ੍ਹਾਂ ਵਿੱਚ ਸੌਦਾ ਸਾਧ ਦੀਆਂ ਖਬਰਾਂ ਪਹਿਲਾਂ ਹੀ ਕੱਟ ਦਿੱਤੀਆਂ ਜਾਂਦੀਆਂ ਸਨ।

ਕੀ ਹੈ ਪੂਰਾ ਮਾਮਲਾ ? 

ਅਪ੍ਰੈਲ 2002 ਵਿੱਚ ਪੰਜਾਬ - ਹਰਿਆਣਾ ਹਾਈਕੋਰਟ ਅਤੇ ਉਦੋਂ ਦੇ ਪੀਐੱਮ ਅਟਲ ਬਿਹਾਰੀ ਵਾਜਪਾਈ ਨੂੰ ਇੱਕ ਸਾਧਵੀ ਨੇ ਖ਼ਤ ਦੇ ਜਰੀਏ ਸ਼ਿਕਾਇਤ ਭੇਜੀ। ਖ਼ਤ ਦੇ ਫੈਕਟਸ ਦੀ ਜਾਂਚ ਦਾ ਜਿੰਮਾ ਸਿਰਸੇ ਦੇ ਸੈਸ਼ਨ ਜੱਜ ਨੂੰ ਸੌਪਿਆ ਗਿਆ। ਸੀਬੀਆਈ ਨੂੰ ਜਾਂਚ ਦੇ ਨਿਰਦੇਸ਼ ਦਿੱਤੇ ਗਏ। 2005 - 2006 ਦੇ ਵਿੱਚ ਸਤੀਸ਼ ਡਾਗਰ ਨੇ ਇੰਵੈਸਟੀਗੇਸ਼ਨ ਕੀਤੀ ਅਤੇ ਉਸ ਸਾਧਵੀ ਨੂੰ ਲੱਭਿਆ, ਜਿਸਦਾ ਯੋਨ ਸ਼ੋਸ਼ਣ ਹੋਇਆ ਸੀ।

ਜੁਲਾਈ 2007 ਵਿੱਚ ਸੀਬੀਆਈ ਨੇ ਅੰਬਾਲਾ ਸੀਬੀਆਈ ਕੋਰਟ ਵਿੱਚ ਚਾਰਜਸ਼ੀਟ ਫਾਇਲ ਕੀਤੀ। ਇੱਥੋਂ ਕੇਸ ਪੰਚਕੂਲਾ ਸ਼ਿਫਟ ਹੋ ਗਿਆ। ਦੱਸਿਆ ਗਿਆ ਕਿ ਡੇਰੇ ਵਿੱਚ 1999 ਅਤੇ 2001 ਵਿੱਚ ਕੁੱਝ ਹੋਰ ਸਾਧਵੀਆਂ ਦਾ ਵੀ ਯੋਨ ਸ਼ੋਸ਼ਣ ਹੋਇਆ, ਪਰ ਉਹ ਲੱਭ ਨਾ ਸਕੀਆਂ ।

ਦਸੰਬਰ 2002 ਵਿੱਚ ਸੀਬੀਆਈ ਬ੍ਰਾਂਚ ਨੇ ਸੌਦਾ ਸਾਧ ਉੱਤੇ ਧਾਰਾ 376 , 506 ਅਤੇ 509 ਦੇ ਤਹਿਤ ਕੇਸ ਦਰਜ ਕੀਤਾ। 25 ਅਗਸਤ 2017 ਨੂੰ ਇਸ ਮਾਮਲੇ ਵਿੱਚ ਫੈਸਲਾ ਆਇਆ ਅਤੇ ਸੌਦਾ ਸਾਧ ਨੂੰ ਕੋਰਟ ਨੇ ਦੋਸ਼ੀ ਮੰਨਿਆ। 28 ਅਗਸਤ ਨੂੰ ਕੋਰਟ ਨੇ ਸੌਦਾ ਸਾਧ ਨੂੰ 20 ਸਾਲ ਕੈਦ ਦੀ ਸਜ਼ਾ ਸੁਣਾਈ।