ਪੰਚਕੂਲਾ: ਪੰਚਕੂਲਾ ਦੰਗਿਆਂ ਦੇ ਮਾਮਲੇ ਵਿੱਚ ਤਪਤੀਸ਼ ਲਈ ਆਏ ਗੁਰਮੀਤ ਰਾਮ ਰਹੀਮ ਦੇ ਕੁੜਮ ਤੇ ਪੰਜਾਬ ਕਾਂਗਰਸ ਨੇਤਾ ਹਰਮਿੰਦਰ ਜੱਸੀ ਮੀਡੀਆ ਦੇ ਕੈਮਰਿਆਂ ਨੂੰ ਦੇਖ ਕੇ ਸੈਕਟਰ 20 ਦੇ ਥਾਣੇ ਤੋਂ ਬਾਹਰ ਹੀ ਵਾਪਸ ਮੁੜ ਗਿਆ।
ਪੁਲਿਸ ਨੇ ਜੱਸੀ ਨੂੰ ਪੰਚਕੂਲਾ ਵਿੱਚ ਹੋਏ ਦੰਗਿਆਂ ਤੇ ਹਨੀਪ੍ਰੀਤ ਨੂੰ ਪਨਾਹ ਦੇਣ ਦੇ ਮਾਮਲੇ ਵਿੱਚ ਪੁੱਛ ਗਿੱਛ ਲਈ ਬੁਲਾਇਆ ਸੀ ਪਰ ਮੀਡੀਆ ਨੂੰ ਦੇਖ ਕੇ ਪੁੱਛ ਗਿੱਛ ਲਈ ਥਾਣੇ ਅੰਦਰ ਹੀ ਨਹੀਂ ਗਏ। ਉਹ ਬਿਨਾ ਤਫ਼ਤੀਸ਼ ਦੇ ਵਾਪਸ ਮੁੜ ਗਏ।
ਜੱਸੀ ਨੇ ਪੁੱਛ ਗਿੱਛ ਤੋਂ ਬਚਣ ਲਈ ਮੰਗਲਵਾਰ ਦੀ ਰਾਤ ਨੂੰ ਪੰਚਕੂਲਾ ਪੁਲਿਸ ਕੋਲ ਨਿੱਜੀ ਤੌਰ ਉੱਤੇ ਨਾ ਆਉਣ ਦੀ ਫਰਿਆਦ ਕੀਤੀ ਸੀ ਪਰ ਪੁਲਿਸ ਨੇ ਕੋਈ ਛੂਟ ਨਾ ਦਿੰਦਿਆ ਤਫ਼ਤੀਸ਼ ਲਈ ਆਉਣ ਲਈ ਕਿਹਾ ਸੀ।
